Matɨyu 13

1 Oso hohosohonta Jisas angomo nulɨkoêmanto mempo hohntaêni humentisofoho. Noswonto kako ayo momɨngo sopo humamentisofoho. 2 Osopo nohumentanɨngki aêamu piênɨngo engo uhuêmakohonɨngkofi uhwononto Jisas yofayokinopo kotasonto osopo humamentisoso hwe moyaêmiso ayo momɨngo sopo lohoêmentohofofoho. 3 Oseso Jisas pahnnɨmo hungkuno piênɨngoso aêamu somo ulɨmentisofoho. Ole ulɨmento, Hwe fihwo kakoe syohopo ufongoyo fisosomokaoêmentisofoho. 4 Fisosomokofahonɨngki ufongoyo fehohnjoso honɨngkanopo pɨwesyahonɨngki yɨhufo sohwa nopontɨfi manɨmentohofofoho. 5 U, ufongoyo fehohnjoso hwaho sojoênjo sopo pɨwahuêmentisofoho. Oso hwaho hiso engo moêmjoêmaho. Osoêno oso ufongoeso komoêno fokaêmentisofoho. 6 Oseso mofehiênyo ulonto ufongoyo pmpongo hwahomoêmo munjilofeênjo yonto yofoho imentisofoho. 7 U, ufongoyo fehohnjoso nantɨpe yongoênjo sopo pɨwesyahonɨngki nantɨpe yongoênjoso komoêno fokofɨkwato lohofonto ufongoyo nontɨmo kingkuloêmentisofoho. 8 U, ufongoyo fehohnjo hwaho afofoênjopo pɨwahuêmentisoso ne wopɨngo intoênɨmentisofoho. Ipisayo fehohnjoso piênɨngo engo (wan hantɨlet, 100), ipisayo nomêneso engo weêe (sikɨsɨti, 60), nomêne weêeênohino (teti, 30), ose intoênɨmentisofoho. 9 Jisas ose ulonto ulɨmento, Aêamu halohoênjo hwoêmanji haloho upaênono. Ose ulɨmentisofoho. 10 Oseso Jisasɨye inomokomoyo sohwa Jisasɨmo uêmantɨfi ulɨmentohofi, Yoloho mujoso pahnnɨmo hungkunoênohini pehoêno ulalokuno. 11 Ose ulahonɨngkofi Jisas ulɨmento, Anɨtu kako yoêmayo ahwomomjo soêno hiyaso woêmojoso sekwo sohwasimo nto setɨhwamentisofoho. I olo aêamu lomneêno Anɨtu huno muyoênjo uyono ulɨmentisofoho. 12 U, hwe fihwo ngkineêno huno engo syafɨsyoso sohumo ngko huno nomêne wopɨngo piênɨngo engo uyɨmnefoho. I hwe nomêne sohwo ngkineêno huno mosyafɨsiyoênjo sohumo ngko huno nomêne wopɨngoso muyɨmnefoho. 13 Osoêno pahnnɨmo hungkunoênohini ulalokweno. Hofɨko yoêmayo somo uhwonontɨfeso hwapɨngoso yofe mɨhwofeênjo iwoênɨngkohofofoho. Yoêmayo soêno upaênontɨfeso neso huno muyofoho. 14 Hwe Aisaiya sohumo Anɨtu hungkuno uyahonɨngki lutɨhwamojo sohwo kako olo hungkunolo aêamu lomneêno mtɨêmokumentisoso ne imoênalofoho. Kako ole mtɨêmokumento, U, sekwo haloho upaênɨfijoso sekwo oso hwapɨngo hiso huno maseyonehoho. U, sekwo yoêmayo somo uhwonɨfijo kohi sekwo yofeso mɨhwopitnnehofo. 15 Oso aêamu hiso hofɨko huno anefoho. Hofɨkoe haloho pɨjwomokosyohumunɨmentohofofoho. Hofɨko tɨmo pijiyoênnyofoho. Ose miyoênjo yontɨfijontentesi itoêno nuhwonɨngkutnnesohilo. Hofɨko haloho mopɨjwomokosyohumunyoênjo yontɨfijontentesi nupaênɨngkutnnesohilo. Oseso hofɨkoe huno itoêno uyɨhwonesohilo. Hofɨko ikinjaofɨkuji ngkiyepono pontɨfijontentesi ngko wopɨngo umokuêmnesohilo. Aisaiya ose mtɨêmokumentisofoho. 16 I sekwo soku, sekwo sɨmonyo fiyɨmno. Sekwoe tɨmoso yoêmayomo yofe uhwofɨwoênɨngkohofofoho. Sekwoe halohoso sefojɨwoênɨngkisofoho. 17 Ngko nehopi waselɨmonneêno yohono. Hohonta aêamu Anɨtuye hungkuno lutɨhwamotofo sohwanji aêamu nomêne honɨngkano wopɨngoênohini sohwanji yoêmayo sekwo uhwonɨwoênɨngkohofo somo uhwonano lontɨfi yontɨfeso muhwonɨmmentohofofoho. Yoêmayo sekwo upaênɨwoênɨngkohofo soêno upoênano lontɨfi yontifeso mupaênɨmmentohofofoho. 18 Sekwo pahnnɨmo hungkuno fisosomokaoêmentiso soêno hwapɨngoso upaênɨmno. 19 Aêamuso Anɨtu aêamumo mokosyohumayo soêno upaênontɨfi huno muyoso hofɨko ufongoyo honɨngkanopo pɨwasyonte paênyofoho. Hwe wonyo Seten noponto aêamufe hunomjo Anɨtu hoênasyonteso wae yaofɨwoênɨngkohoho. 20 Ufongoyo hwaho sojo sopo pɨwasyonteso oso paênyoso aêamu kako hungkunomo upaênonto kako komoêno sɨmeho moêmo mehoênasyonto sɨmonyo iwoênɨngkohoho. 21 I osoêno kakoe pmpongo anefoho. Oêo, kako weêenepi nolohofontanɨngki aêamu nomêneso Anɨtuye hungkunomo hwotoho wahmmo lososo oso aêamu nolohofontanjo huhwo sohumo tango engo uyahonɨngki kakoe pmpongo ane soêno pɨwasyɨwoênɨngkohoho. 22 U, fehohnjo nantɨpe yongoênjo sopo pɨwahiênyoso ole, aêamu Anɨtuye hungkunomo upaênonteso i, yoêmayo hwahoponjo somneêno huno syafɨsyonto hamniyoho engo womaêmo lonto yahonɨngki oso hiso Anɨtuye hungkunomo kingkulofɨwoênɨngkohoho. Oso huhwo sohwo ne ane hweho. 23 Ufongoyo hwaho wopɨngo sopo pɨwahiênyoso oso aêamu haloho pento huno itoêno unyosofoho. Oso huhwo sohwo ne intoênɨwoênɨngkohoho. Ne hiso ole, fiso piênɨngo engo (wan hantɨlet, 100), fiso engo weêe (sikɨsɨti, 60), fiso weêeênohino (teti, 30). Ose ulɨmentisofoho. 24 Jisas pahnnɨmo hungkuno nomêne ulɨmento, Anɨtu aêamumo mokosyohumayoso olo paênyofoho. Aêamu fihwo kako uyo wopɨngoso syohopo hoênaofɨwoênɨngkisofoho. 25 Oso hwe huhwo sohwo kakoe aêamuênji saho fosyowentanɨngkofi kakoe mango sohwo noponto hoja wonyo yongoênjoso uyo wopɨngoênjo sopo hoênasyonto womentisofoho. 26 Osoêno uyo wopɨngoso ne untoênɨmo lonto yahonɨngki aêamuso uhwonɨmentohofoso hoja wonyo yongoênjo nolohofontanɨngki uhwonɨmentohofofoho. 27 Uhwonontɨfi syoho ulohofiyoso syoho kakwoepono nowentɨfi ulɨmentohofi, Hwe engofo, kɨko uyo wopɨngoso jɨje syohopo fisosomokaoêmentohinofoho. I olo hoja wonyo yongoênjo loso ntɨêmtaêangoto. Pipi yonto fokofalofoho. 28 Ose ulahonɨngkofi ulɨmento, Mango fihwo olo hiloso imentisofoho. Ose ulahonɨngki syoho ulohofiyo sohwa ulɨmentohofi, Oso hoja wonyoso nakwo wae yaofoêne lakumoênɨngkohoho. 29 Ose ulohonɨngkahonɨngkofi ulɨmento, Awonoho. Sekwo hoja wonyoso wae yaopɨfijoso uyo wopɨngo soênji sokapitnnoho. 30 Oêo, waweno. Uyo wopɨngo soênji hoja wonyo soênji wofokafiyo. Hwangku ne mayo sohonta ngko aêamu syoho hiloênjo somo ulɨmo. Sekwo hoja wonyo kakiêno mɨhwofɨkupmno. Oso fosyo engoso toho nyoênefoho. I, uyo wopɨngo neso nje angomo mehuêmeehumno. Ose ulɨmentisofoho. 31 Ose ulonto pahnnɨmo hungkuno nomêne ulɨmento, Anɨtu aêamumo mokosyohumayoso olo paênyofoho. Iyo fiso kakoe yofe masɨtet. Kakoe neso nomêne iyo ipisayo paênyoêmaho. Oêo, nɨhuêno weêefoho. Hwe fihwo oso weêe hiso kakoe syohopo hulahonɨngki engo imoênonto nomêne iyo syoho soponjo somo yakolonoho. Engo imoênɨngkahonɨngki yɨhufoso nopontɨfi kakoe pamo sopo hofɨkoe aifo syontɨfi osopo kehumawoênɨngkohofofoho. 33 Ose ulonto Jisas pahnnɨmo hungkuno nomêne ulɨmento, Anɨtu aêamumo mokosyohumayoso oso yis paênyofoho. U, aêmu fisi kako wosopayo polowaênji oso wosopayo polowa homo somo engo imokiyoêne hwamno paênyo kakoe yofe yis, osoênji iwoloêmokososo oso polowa hiso engo umoênɨmontonoho. 34 Jisas yoêmayo yoêmayo soêno pahnnɨmo hungkunoênohini aêamu piênɨngo engo somo ulɨmentisofoho. Kako yolohoênji ulɨmentisoêmaho. Oêo, kako pahnnɨmo hungkunoênohino ulɨmentisofoho. 35 Hwapɨngoso ole, hwe fihumo Anɨtu hungkuno uyahonɨngki lutɨhwamojo sohwo hohonta hungkuno mtɨêmokumentisoso oso hohosohonta ne imoênɨmentisofoho. Hungkuno ole, Ngko aêamu somo hungkuno ulɨmo lɨêmo pahnnɨmo hungkuno ulɨmo. Yoêmayo hwaho songo imoênɨmentiso mtaêango hiyaso mokosyohumayo soêno ngko wolɨjwaoêmneêno yohono. Ose mtɨêmokumentisofoho. 36 Oseso Jisas aêamu piênɨngo engo somo nulɨkoêmanto angomno humentisofoho. Kakoe inomokomoyo sohwa kakimo nuêmantɨfi ulɨmentohofi, Oso pahnnɨmo hungkuno hoja yongoênjo syohoponjo soêno yolohoso fonaso. 37 Ose ulahonɨngkofi Jisas ulɨmento, Hwe kako uyo wopɨngo fisosomokaofo sohwo Aêamufe Hwomu hwoênyoho. 38 Syohoso oso olo hwaho humalohwone loponoho. Uyo wopɨngoso oso hwe moyaêmiso Anɨtuye aêamu nefoho. Oso hoja wonyo yongoênjo paênyoso Setenɨye aêamufoho. 39 Oso hwe wonyo mango sohwo hoja wonyo uyo mofɨwoênɨngkiso sohwo Setenɨyoho. Sɨkuno wosopayo mayo sohonta olo hwaho loponjo sɨkuno moiêwo imoênoso sohonta oso aêamu syoho ulohofiyo sohwa aêamu ahwomomjofoho. 40 U, hofɨko hoja wonyoso nomɨhwofɨjɨkuji tohomo hoênayopitnnefoho. Oso paênyoso hwangku sɨkuno moiêwo imoênoso sohonta imoênonefoho. 41 Ou, Aêamufe Hwomu sohwoêni nje ahwomomjo aêamu syoho ulohofiyo somo uhwojahonɨêmo hofɨko olo hwaho loponjo aêamu nomêne somo wonyo imokuwoênɨngkohofo soênji aêamu honɨngkano wonyoênjo somo nomɨhuêmokukuji 42 toho engo nontɨmo nohoênaopitnnefoho. Aêamu wonyoso tohomo nohumafɨkuji tohino engo umnɨngkuhwosoêno humotaho engo lɨkuji hofɨkoe mango toho loênɨfitnnefoho. 43 Oso hohosohonta Anɨtuye aêamuso hofɨko Anɨtuênjopo nohumafɨkuji mofehiênyo liso hopa imoênɨfitnnefoho. Jisas ose ulonto ulɨmento, Aêamu halohoênjo hwoêmanji kako upaênono. Ose ulɨmentisofoho. 44 Anɨtu aêamumo mokosyohumayoso olo paênyofoho. Hwe fihwo nomêne sohwoe hwahopo nohumanto hamniyoho ipofo yoêmayo wonyoangkafo hiênjoso ijopijisyahumentohofoso uhwononto sɨmonyo yonto apaêno hiyaso ekojɨsyahumentisofoho. Ekojisyasyonto kakoe hoêyango hwaho yoêmayoso nomêne somo uyahonɨngki oso hisoêno hamniyoho uyahonɨngkofi kako hamniyoho hisoênji oso hwaho hamniyoho ipofoênjo sopono mpe imentisofoho. 45 Hungkuno nomêne ole, Anɨtu aêamumo mokosyohumayoso olo paênyofoho. Hwe fihwo kako nɨkuyoho wopɨngoêne syoho imojo hweho. Kako nɨkuyoho wonyoangkafoênohinoso wotɨpemaêmo lonto imojo hweho. 46 Oso hwe huhwo sohwo nɨkuyoho nomêne somo hwofiloênnyo sohumo uhwononto mpe uyɨmo lɨmentisofoho. Oseso kakoe hoêyango yoêmayoso nomêne somo uyonto oso homo somtaêni hamniyoho nomanto nɨkuyoho hwofiloênnyo somo mpoêmentisofoho. 47 Hungkuno nomêne ole, Anɨtu aêamumo mokosyohumayoso olo paênyofoho. Aêamu inanɨku hoêyo mijo ayomo motaswontɨfeso yoêmayo yoêmayo inanɨku pasyɨwoênɨngkohofofoho. 48 Hoêyo mangonepo yonto aêamuso hofɨko hojiyopono ifohusɨmpemotawentɨfi osopo nohumantɨfi hojiyopo ifaofontɨfi inanɨku wopɨngoso ikuêyopo nomehoênasyontɨfi inanɨku wonyoso nɨhuênahone wae yaofɨwoênɨngkohofofoho. Ose ulonto ulɨmento, 49 Olo hwaho moiêwo imoênoso sohonta oso hopa ifitnnefoho. Aêamu ahwomomjoso nopɨkuji aêamu wonyoso aêamu wopɨngoênjo lopo humalofo osomo wae yaopitnnefoho. 50 Hofɨko nomafɨkuji tohomo hoênayopitnnefoho. Oso aêamu wonyoso tohomo nohumafɨkuji humotaho engo lɨkuji tohino engo umnɨngkuhwosoêno hofɨkoe mango toho loênefitnnefoho. Ose ulɨmentisofoho. 51 Oso hungkuno moiêwo lonto inomokomoyo sohwamo ulohonɨmento, Yoêmayo hungkuno seloheso hwapɨngoso huno itoêno laseyohoho. Ose ulahonɨngki ulɨmentohofi, Eno. Huno nayohoho. 52 Ose ulahonɨngkofi ulɨmento, Huno itoêno seisosoêno aêamu honɨngkano hungkuno lutɨhwawoênɨngkiso sohwo kako nje inomokomoyo imoênosoêmanji oso hwe huhwo sohwo ango engo kakwoêyohwo paênyo hweho. Kako kakoe hoêyango ango mtaêni yoêmayo songoênji yofohoênji womotoswapmmontonoho. Honɨngkano hungkuno wopɨngo soênji nje hungkuno songo soênji huno uyohoho. 53 Jisas oso pahnnɨmo hungkunoso moiêwo ulonto kako oso ango sopo ulɨkoêmaêmentisofoho. 54 Nulɨkoêmanto kako kakoe ango hwapɨngopono umentisofoho. Osopo nowento hofɨkoe tajo angomo Anɨtuye hungkuno lutɨhwahonɨngki aêamuso nupaênontɨfi yomo yontɨfi lɨmentohofi, Kakoe huno hwapɨngoênjo loso kakoe yokumpohnênyo yoêmayo wonyoangkafo aêamu miyɨwoênɨngkiyohofo umokiyoêne loso ntɨêmtaêni maêmasoto. 55 U, olo hwe lohwo sohwo kako ango molɨmojo sohwoe hwomuhwolaho. Kakoe konaêwohisi Maliyataho. Ou, Jemɨs, Jousep, Saimoun, Jutas oso homnɨngkwaêwehwo sohwaloho. 56 Ou, kakoe nampohwosa nakwoênji humalofo. I oso yoêmayo hopiênonohino loso ntɨêmtaêni maêmasoto. 57 Hofɨko ose lontɨfi kakineêno sɨmeho wonyo umoênɨmentisofoho. I osoêno Jisas ulɨmento, Aêamumo Anɨtu hungkuno uyahonɨngki lɨmojo sohwo ango kengo hopiênonohinopo kakoe yofe engo hoênomawoênɨngkohofofoho. I kakoe ango neso yofe ane hweho. Ose ulɨmentisofoho. 58 Oseso Jisas oso ango hopo sopo aêamumneêno yoêmayo wonyoangkafo aêamu miyɨwoênɨngkiyohofoso piênɨngo imentisoêmaho. Oêo, hwapɨngoso hofɨko sɨmeho hiêntnnono muyoênefoho.