Matɨyu 17

1 Sɨkuno aho fehohnjo hopiênono fehohntaêne angaêno memjaofahonɨngki Jisas kako Pitaênji sikoênɨkwaêi Jemɨsɨênji Jounja oso hwa nutɨmanto hofɨko hwofɨkiênyo sawemo engo sopono kotasɨmentohofofoho. Hofɨkoênohini humamentohofofoho. 2 Nohumantɨfi Jisasɨye aêapahoso nomêne ulohopisahonjoso uhwonɨmentohofofoho. Kakoe sɨmoêmangoso mofehiênyo lawoênnyo imoênɨmentisofoho. Kakoe manjiêmofo yoêmayo hopiênono nɨhuêno halojo imoênɨmentisofoho. 3 Ose uhwonontɨfi uhwonɨmentohofoso hwe hufaêu ahwomo mtaêango sohwaêu Mousesɨênji Ilaijaênji siko noponji Jisasɨênji hungkuno hnnɨmentohofofoho. 4 Pita kako huno piênɨngo syofɨsikaofonto Jisasɨmo ulɨmento, Hwe Engofo, nakwo olopo humentani sehonɨngkuhwoneso wopɨngofoho. U, ngko olopo ango hufaêu sɨhune molɨmeso wopɨngotaho. Angaêno kɨkoêne, nomêne Mousesɨmne, nomêne Ilaijamnefoho. 5 Ose ulontanɨngki himo engo pomponaho paênyoso hofɨkimo ifeehuêmo kohumentisofoho. Oso himo homo somtaêni ole hoênɨmento, Olohwo nje Hwomufoho. Ngko kakineêno hi nɨmoênɨwoênɨngkiso hweho. Kakoe yahino soêno nje sɨmeho wopɨngo nɨmoênɨngkohoho. Kakoe hungkunomo sekwo haloho upaênɨmno. 6 Ose hoênɨngkahonɨngki Jisasɨye inomokomoyo sohwa nupaênontɨfi iyoho unɨngkahonɨngki hofɨkoe sɨmano hwahomo mongkutoêmentohofofoho. 7 Ose nohumentanɨngkofi Jisas hofɨkoênjo tɨfone lopo noponto aho umakumentisofoho. Numakonto ulɨmento, Sekwo filɨkapmno. Iyoho ikutoho. 8 Ose ulahonɨngki hofɨko tɨmo honontɨfi nomêne aêamumo muhwonyofoho. Oêo, hofɨko Jisas kakoênohini humentanɨngki uhwonɨmentohofofoho. 9 Hofɨko oso hwofɨkiênyo hopo sopo nokotapontɨfi Jisas hungkuno yokumpohnênyo ulɨmento, Olo hiloso nuhwonɨngkohofo losoêno nomêne aêamumo olohonta nulɨkutoho. Oêo, hwangku Aêamufe Hwomu sohwo poyo imoênɨngkuhwosi apaêno songo lɨkafoso sohonta ou, sekwo filutɨhwanɨngkuno. 10 Ose ulahonɨngki kakoe inomokomoyo sohwa ulɨmentohofi, Aêamu honɨngkano hungkuno lutɨhwamotofo sohwa ole lɨwoênɨngkohofi, Ilaija kakiêno wapmmontonoho. Tɨfi sohonta Kɨlais hwe Anɨtu uhwosopoêmentiso sohwo wapmmontonoho. Oso hiso pehoêno lalokwofo. 11 Ose ulahonɨngkofi Jisas ulɨmento, Ou, hungkuno nehopi lalokwofo. Ilaija kako nopɨhwosi yoêmayo hopiênono itoêno wesyohumamtonoho. 12 I, ngko waselɨmonneêno yohono. Ilaija kako nto pmmentisofoho. Osohuneêno aêamuso yofe mɨhwofeênjo yontɨfi hofɨko hofɨkoe hwahoponjo hunomnohini inɨngkawentɨfi yoêmayo wonyo ulohoêmentohofofoho. Oso paênyo hwangku Aêamufe Hwomu sohumo tohino engo uyɨfitnnefoho. 13 Jisas ose ulahonɨngki kakoe inomokomoyo sohwa huno ole uyɨmentisofo kako Joun Aêamumo Mijo Kiyomaêmojo sohwo Ilaija paênyo sohuneêno nalohoho. Ose syafɨhuêmentohofofoho. 14 Oseso hwofɨkiênyopo ntaêni nokotapontɨfi aêamu piênɨngo engoênjo sopo ifɨwahonɨngkofi hwe fihwo kako Jisasɨmo nuêmanto hwomtame ulohofonto ulɨmento, Hwe Engofo, kɨko nje hwomumneêno hitoho wakilofono. Kako nopɨwasyonteso yomo yomo iwoênɨngkiso hweho. 15 Kakoe aêapahoso nɨhuêno wonyofoho. Sɨkuno piênɨngo somo kako tohomo hwafɨwoênɨngkiso hweho. U, sɨkuno fehohnjo kako mijomo hwafitohmêmofɨwoênɨngkiso hweho. 16 Ngko jɨje inomokomoyo sohwamo nje hwomumo uhwojahohweso. I, hofɨko wopɨngo mmokoho yohofo. Hofɨko hopoêmaho. 17 Ose ulahonɨngki Jisas ulɨmento, Hwe moyaêmi olohonta humalofo soku, sekwo Anɨtu sɨmeho hiêntnnono muyo kuyoho. Sekwoe honɨngkano itoênohinoêmaho. Oso yahino hiso neêno wesoêmanji ngko sekwoênji humayoso sɨkuno alale womemjanɨmoêmontolɨkeno. Ngko sekwoe tango ngkimo nɨêmayoso sɨkuno alale womemjanɨmoêmontolɨkeno. Ngkoênjo lopo hwomu huhwo sohwo uhwojapmno. 18 Ose ulonto Jisas oso towahuno wonyo sohumo yoka ulahonɨngki towahuno wonyo sohwo oso hwomu sohumo ulɨkoêmaêmentisofoho. Hwomu huhwo sohwo wopɨngo komoêno imoênɨmentisofoho. 19 Oseso kakoe inomokomoyo sohwa Jisasɨyepono nopontɨfi hofɨkoênohini nohumantɨfi ulɨmentohofi, Pipilo. Nakwo oso towahuno wonyoso wae meeofesofo. 20 Ose ulahonɨngkofi Jisas ulɨmento, Ou, ngko nehopi waselɨmonneêno yohono. Sekwo ngkimo sɨmeho hiêntnnonohinoso montopantokuyohofo. Sekwo ngkimo nnɨngkape-eso nɨhuêno weêe patnnyo uyo paênɨngoêmanji u, sekwo olo hwofɨkiênyo lomo kɨko nolɨkafohoji fɨwano, ose ulɨkujoêno hwofɨkiênyo sohwo wamtonoho. Sekwoe sɨmeho hiêntnnonohinoso oso patnnyo uyo weêeso paênyo hiênjo hwasɨêmanji u, sekwo yoêmayo hopiênonohinoso ikutnne hwasoho. 21 [I oso hisoêno olo towahuno wonyo losoêno wae yaofoêneso honɨngkano angaênohino weho. Oso honɨngkanoso olenoho. Sekwo Mpohumo jomoênohino ujoêmanji wosopayo manyoênjo humayo soêntnno ifijoso olo towahuno wonyo loso aêamumo ulɨkoêmayoênefoho.] 22 Jisas kakoe inomokomoyo sohwanji hwaho Ngkalili iêmofawentɨfi Jisas ulɨmento, Ngko Aêamufe Hwomu sohwoênɨmo nje mango sohwafe ahomo hoênanɨsyɨkujoêno 23 hofɨko wofonjonɨsyantɨfeho. I oso huhwo sohwo sɨkuno hufaêu sɨhune memjaofɨhwosoêno Anɨtu apaêno songo ulɨkaêmontonoho. Ose ulahonɨngki inomokomoyo sohwa sɨmeho tango engo uyɨmentisofoho. 24 Jisas kakoe inomokomoyo sohwanji ango Koponeyam iêmofɨwahonɨngkofi aêamu tajo angomneêno hamniyoho mawoênɨngkohofo sohwa Pitamo nuêmantɨfi ulɨmentohofi, Sekwoe hwe engo sohwo kako tajo angomneêno hamniyoho hoênaofɨwoênɨngkiso hwolaho. 25 Ose ulahonɨngkofi Pita ulɨmento, Ikofo. Ose ulonto Pita angomo noswahonɨngki Jisas Pitamo kakiêno ulɨmento, Saimoun, kɨko huno pehoêno kiyohoho. Olo hwaho loponjo hwe yofe engoênjo hwaho mokosyohumayo sohwa hofɨko hamniyoho yoêmayoso tɨhumtaêni mawoênɨngkohofoto. Hofɨkoêmontohwa mtaênɨngotaho. Aêamu kengo sohwa mtaêangotaho. 26 Ose ulohonɨngkahonɨngki Pita ulɨmento, Aêamu kengo sohwa mtaêango mawoênɨngkohofofoho. Ose ulahonɨngki Jisas ulɨmento, I, oseêmanji hofɨkoêmontohwa hamniyoho mohoênaopitnnehofo. Osoêno ngko Anɨtuye hwomu sohwoêni pehoêno uyɨmonnto. 27 I oso hisoêno hofɨko nakumneêno huno wonyo nosyonafɨhupitnnoho. Kɨko mijo momɨngopono uhuji ingkuso finjasyo. Inanɨku sɨmoêmjo injwapojoso kakoe mangomo kɨko hamniyoho tajo angomneêno hopaso wotɨpemaêmonnoho. Oso hamniyohoso nomahoji nekumneêno tajo angomneêno fohoênamofo. Ose ulɨmentisofoho.