Matɨyu 25
PNG1 Jisas kako aêamu somo ole ulɨmento, Hohosohonta Anɨtu aêamumo mokosyohumayo soêno olo paênyofoho. Hwe fihwo kako ape womaêmo lonto pmmentisofoho. Moyaêmi aho hopiênonohino sofa wopayo engo nyoêneêentɨfi hofɨkoe sikiloho nomantɨfi hwe sohumo ufohonɨtɨmano lontɨfi umentohofofoho. 2 Oso moyaêmi aho hopiênonohino hofo sofa aho fehohnjo huno anefafoho. Aho fehohnjo hunoênjofafoho. 3 Oso moyaêmi hunoêmaso sofa hofɨko sikilohoênohini motawentɨfi mijoênji momotawommentohofofoho. 4 Moyaêmi hunoênjo sofa hofɨko sikiloho motawentɨfi mijo nomêne soênji motawomentohofofoho. 5 Oso hwe ape mayoêne sohwo komoêno mapeênjo yahonɨngki saho fosyawoêmentohofofoho. 6 Saho fosyowentanɨngkofi kuntoliyo sopo joho ole hoênɨmento, Hwe ape mayo sohwo nto pohoho. Sekwo tohoênji ufohonɨtɨmamno. 7 Ose hoênɨngkahonɨngki moyaêmi hopiênonohino sofa nolɨkafontɨfi hofɨkoe sikiloho itoêno esyohumamentohofofoho. 8 Moyaêmi hunoêmaso sofa moyaêmi hunoênjo sofamo ulɨmentohofi, Sekwo sikiloho mijo hmnonejapmno. Nakwoe sikiloho sɨmpeênalofoho. 9 Ose ulahonɨngkofi moyaêmi hunoênjo sofa ole ulɨmentohofi, Nakwoe sikilohoênji sekwoeênji mijo hopoêmaho. Oêo sekwo nowekuji hoêyango ango mtaêni sekwoêne mijo mpopmno. 10 Ose ulahonɨngkofi moyaêmi hunoêmaso sofa mijo mpeêno wentanɨngkofi oso hwe ape mayo sohwo nopahonɨngki moyaêmi itoêno humesyohumantohofo sofanji angomo wopayo engo wonano lontɨfi swontɨfi hokuêyo nɨhuênahone pɨjwahumentisofoho. 11 Hwangku sohonta moyaêmi nomêne sofa iêmofapontɨfi ulɨmentohofi, Hwe Engofo, hano fonehwosampofo. 12 Ose ulahonɨngkofi hwe ape mayo sohwo ulɨmento, Ngko sekuneêno huno maniyohoyohoho. Ose ulɨmentisofoho. 13 Jisas ose ulonto ulɨmento, Sekwo itoêno fohontohumamno. Sekwo oso sɨkuno somneêno huno maseyohoyohoho. 14 Anɨtu aêamumo mokosyohumayo sohonta olo paênyofoho. Hwe fihwo hano emayoêne kakoe ango ulɨkoêmaêmo lonto kakoe syoho ulohofiyo somo kakoe hoêyango yoêmayoso mokosyohumayoêne umentisofoho. 15 Hofɨkoe yahino soêno syafɨsyonto kakoe hamniyoho yano ulohmmentisofoho. Nomênehumo faif tausen (5,000) kina uyɨmentisofoho. Nomêne sohumo tu tausen (2,000) kina uyɨmentisofoho. Nomênehumo wan tausen (1,000) kina uyɨmentisofoho. Ose uyonto umentisofoho. 16 Oso syoho ulohofiyo faif tausen (5,000) kina maêmentiso sohwo komoêno nowento oso hamniyoho soênji syoho engo yonto faif tausen (5,000) kina nomêne maêmentisofoho. 17 Syoho ulohofiyo nomêne tu tausen (2,000) kina maêmentiso sohwo kakoe hamniyoho nomanto osoênji syoho engo yonto nomêne tu tausen (2,000) kina maêmentisofoho. 18 I, osoêno oso hwe wan tausen (1,000) kina maêmentiso sohwo kako hamniyoho nomanto piênɨmomo ijopijijasyonto kakoe hwe engo sohwoe hamniyoho hwahomo hiyaso hoênahumentisofoho. 19 Sɨkuno piênɨngo engo memjaofahonɨngki oso syoho ulohofiyo sofe hwe engo sohwo asomo noponto oso hamniyoho umentiso soêno hungkuno ulɨmo lonto pmmentisofoho. 20 Syoho ulohofiyo faif tausen (5,000) kina maêmentiso sohwo nomêne faif tausen (5,000) kina soênji motaponto ulɨmento, Hwe engofo, oso faif tausen (5,000) kina ntapmmentohino soênji ngko syoho engo yonji nomêne faif tausen (5,000) kina maêmentohefoho. Osoêno ten tausen (10,000) kina olopo weho. 21 Ose ulahonɨngki hwe engo sohwo ulɨmento, Kɨko nje syoho ntohofiyo wopɨngo hwosoho. Kɨko syoho wopɨngo yonji syoho itoênohini mokosyohumawoênɨngkino hwosoho. Kɨko olo syoho weêe lomo wopɨngo mokosyohumawoênɨngkino soêno ngko nomêne syoho engo mokosyohumayoêne wokijapmmonnoho. Kɨko ngkoênjopo nopohoji ngkoênji sɨmonyo uyaho. 22 Ose ulahonɨngki syoho ulohofiyo tu tausen (2,000) kina maêmentiso sohwo nomêne tu tausen (2000) kina soênji motaponto ulɨmento, Hwe engofo, oso tu tausen (2,000) kina ntapmmentohino soênji ngko syoho engo yonji nomêne tu tausen (2,000) kina maêmentohefoho. Osoêno foua tausen (4,000) kina olopo weho. 23 Ose ulahonɨngki hwe engo sohwo ulɨmento, Kɨko nje syoho ntohofiyo wopɨngo hwosoho. Kɨko syoho wopɨngo yonji syoho itoênohini mokosyohumawoênɨngkino soêno ngko nomêne syoho engo mokosyohumayoêne wokijapmmonnoho. Kɨko ngkoênjopo nopohoji ngkoênji sɨmonyo uyaho. 24 Ose ulahonɨngki syoho ulohofiyo wan tausen (1,000) kina maêmentiso sohwo noponto ulɨmento, Hwe engofo, ngko huno moiêwonoho. Kɨko hwe yokumpohnênyo hwosoho. Nomêne sohwa syoho hulontɨfe somtaêni wopayo mawoênɨngkino hwosoho. Nomêne sohwa ufongoe fisosomokaofontɨfeso kɨko neso nomehuêmeesyonji mawoênɨngkino hwosoho. 25 Oso hisoêno huno niyahonɨngki iyoho nnɨngkahonɨngki jɨje hamniyoho nomotawenji hwahomo hiyaso mokosyohumamentohefoho. Uhwonyo. Olo jɨje hiloso kakwosi maho. 26 Ose ulahonɨngki hwe engo sohwo ulɨmento, Kɨko nje syoho ntohofiyo wonyo hwosoho. Kɨko pisoêmoênyoênjo hwosoho. Ngko nomêne sohwa syoho hulontɨfe soênji nomêne sohwa fisosomokaofontɨfe somtaêni mawoênɨngkohe soêno huno nto kiyohoho eso nto ntohino. 27 I, osoêno nje hamniyohoso kako aêamu hamniyoho mokosyohumayo sohwafe angomo mohoênanɨsiyoênjo pehoêno imentohinoto. Hoênosyontentesi nopmêmo nje hamniyoho soênji nomêne weêe soênji nomahmêmnesohilo. 28 Ose ulonto ulɨmento, Olo hwe lohwoe wan tausen (1,000) kina nomafɨkuji oso hwe ten tausen (10,000) kina mokosyohumasoso sohumo umasyɨmno. 29 Hwapɨngoso ole, aêamu yoêmayoso itoêno mokosyohumawoênɨngkohofo somo ngko nomêne piênɨngo engoso uyɨmonnoho. Aêamu yoêmayoso itoêno momokosyohumayoênjo yontoso sohumtaêni oso yoêmayo weêe kako mokosyohumasoso ngko womaêmonnoho. 30 Olo syoho ntohofiyo wonyo sohumo sɨkwoêmjoho hohntaêni mehoênaopmno. Osopo aêamu hulɨngkwajingo ifalohoênɨngkuji humotaho engo lɨfitnnefoho. 31 Aêamufe Hwomu sohwo yofe engo hwofiloênnyoênjo sohwo kakoe aêamu ahwomomjo soênji poso sohonta kako hwe engo sohwoe epohumayo wonyoangkafo sopo humanefoho. 32 Osopo nohumahwosi aêamu hopiênonohinoso uhuêmokahonɨngkuji kako hwe yahu mokosyohumayo paênyo sohwo aêamu somo yano ilofonefoho. Aêamu yahu sipsip paênyo somo kengopo uhwajɨhwosi aêamu yahu meme paênyo somo kengopo uhwajonefoho. 33 Yahu sipsip somo kakoe aho angahohntaêni uhumajɨhwosi yahu meme somo kakoe aho hwonamonyo hohntaêni uhumajonefoho. 34 Oso hohosohonta hwe yofe hwofiloênnyoênjo sohwo aêamu aho angahohntaêni humalofo somo ole ulonefoho. Nje Mpohwo yoêmayo wopɨngo sejape soêno sehwosopoêmentiso soku, hohonta hwaho songo mtɨêmokumentiso sohonta olo ango yoêmayoso Mpohwo sekumneêno yahumentisoso nopɨkuji mapmno. 35 Hwapɨngoso ngko mijoho niyahonɨngki wopayo ntapmmentohofofoho. Ngko mijoêno nɨmoênɨngkahonɨngki mijo ntapmmentohofofoho. Ngko ango kengopo ntaêni pahonɨngko sekwo ngkimo sekwoe angomo ipenɨmotapontɨfi wopɨngo nɨmokosyohumamentohofofoho. 36 Ngko hwapɨfe ane nohumentanɨngko sekwo yoêmayoso ntapmmentohofofoho. Ngko mnokinoênji nohumentanɨngko sekwo wopɨngo nɨmokosyohumamentohofofoho. Ngko impoêangomo nohumentanɨngko sekwo nohonapmmentohofofoho. 37 Ose ulahonɨngkuhwosi aêamu wopɨngoso ole ulɨfitnnefoho. Hwe Engofo, ntohontalo. Kɨko wosopayo mijoho kiyahonɨngki nakwo wosopayo kijapmmentɨhwoneso, ntohontalo. Kɨko mijoêno kumoênɨngkahonɨngki nakwo mijo kijapmmentɨhwoneso. 38 Ntohontalo. Nakwo ango kengopontaêango hwosimo kohonontani nakwoe angomneêno ipekumotamentɨhwoneso, kɨko hwapɨfe yoêmayoso ane nohumentanɨngkini ntohonta kijapmmentɨhwoneto. 39 Ntohontalo. Kɨko mnokinoênji impoêangomo humentanɨngkinoso ntohonta kohonɨmentɨhwoneto. Ose ulohonɨfitnnefoho. 40 Hwe yofe engoênjo sohwo ulonefoho. Ngko nehopi waselɨmonneêno yohono. Yoêmayoso nje aêamu yofe engo aneênjo somneêno ulohoêmentohinoso ngkineêno imentohinofoho. 41 Ose ulɨhwosi aêamu hwonamonyo hohntaênɨngo somo ulonefoho. Sekwo wonyo soku, mpanɨmno. Anɨtu sekumneêno sɨmano hintotohino umnalofoho. Sekwo ngkimo ntɨkoêmafɨkuji oso toho neêno sijalokunjoso Mpohwo kako Setenênji kakoe aêamu soêntnneêno hoênahumentiso somo fɨwanɨmno. 42 Hwapɨngoso hohonta ngko mijoho niyahonɨngki wopayo montapeênjo imentohofofoho. Mijoêno nɨmoênɨngkahonɨngki mijo montapeênjo imentohofofoho. 43 Ngko ango kengopo ntaêni pahonɨngko sekwo ngkimo ango mantapeênjo imentohofofoho. Ngko hwapɨfe manjiêmofo ane nohumentanɨngko sekwo sekwoe yoêmayoso montapmmentohofofoho. Mnokinoênjo nohumentanɨngko impoêangomo nohumentanɨngko sekwo monohonayoênjo imentohofofoho. 44 Ose ulahonɨngkuhwosi ulɨfitnnefo, Hwe engofo, Ntohontalo. Kɨko mijohoênji mijoêtnno nokumoênɨngkahonɨngki, kɨko nomêne angopo ntaêni ponji, kɨko hwapɨfe ane hwosi, mnokinoênjo hwosi, kɨko impoêangomo nohumentanɨngkini nakwo wopɨngo makilohofeênjo ntohonta imentɨhwoneto. 45 Ose ulohonɨngkahonɨngkuji ole ulonefoho. Ngko nehopi waselɨmonneêno yohono. Nje aêamu yofe engo aneênjo somneêno yoêmayoso mulohofeênjo imentohofoso ngkineêno mantohofeênjo imentohofofoho. 46 Ose ulahonɨngkuhwosi aêamu hiso nukuji hofɨkoe wonyomneêno tohino engo neêno nomapitnnefoho. I aêamu wopɨngoso hofɨko ango wopɨngo sopo iêmofahokuji engolopohamo songo neêno nohumantokutnnefoho.