Matɨyu 27

1 Imɨngo ne soênji aêamu tajo ango syohoênjo sohwanji aêamu Juta sofe hwe engo sohwanji Jisasɨmo fonjosyaneêentɨfi hungkuno lɨmentohofofoho. 2 Jisasɨmo aho kentɨfi ahwomo nano kilofontɨfi hwe engo hwaho mokosyohumayo Pailot oso hwoepono ipemotawomentohofofoho. 3 Jutas kako Jisasɨmo tokoyoêofo ulohoêmentiso sohwo uhwonɨmentisoso hofɨko Jisasɨmo tohino uyantɨfi yahonɨngkofi uhwononto kako sɨmeho tango uyahonɨngki huno ole syafɨhuêmento, Wonyo imalefoho. Ngko oso hamniyoho sojo teti (30) maêmaleso asomo uyɨmo. Ose ulonto kako aêamu tajo ango syohoênjo sohwanji aêamu Juta sofe hwe engo sohwanjimo uyonto 4 ulɨmento, Ngko wonyo imalefoho. Ngko hwe wonyo ane sohumo setɨhwamale sohwo wapeênɨmontonoho. Ose ulahonɨngki ulɨmentohofi, Nakwoeêmaho. Jɨjeênohinofoho. 5 Ose ulahonɨngkofi Jutas oso hamniyohoso Anɨtuye ango engo somo noswohoênofawento nowento nano hmmentisofoho. 6 Hwe yofe engoênjo tajo ango syohoênjo sohwa hamniyoho hiso nomantɨfi hnnɨmentohofi, Olo hamniyoho hiloso aêamumo fonjasiyoêne mpeênefoho. Nakwo olo hamniyoho loênji tajo angomjo hamniyoho nemêno hoênasiyoso wopɨngoêmaho. 7 Ose lontɨfi hungkuno nomêne ole kotɨkuêmentohofi, Nakwo aêamu hwontoho mtɨêmokuwoênɨngkohofo sohwa mtaêni olo hamniyoho losoênji hwaho mpe uyano. Hwaho hiloso aêamu kengo mtaêni nopɨkuji poyo peênɨngkujoêno pijafo hoênasiyoênefoho. Ose kotɨjwontɨfi imentohofofoho. 8 Osoêno hwaho hopo sopo hwaho honɨyo lɨfawojoponoho lɨwoênɨngkohofofoho. Oso yofe hiso olohonta weho. 9 Oso hohosohonta hwe Jelemaiya sohumo Anɨtu hungkuno uyahonɨngki lutɨhwamojo sohwoe hungkuno ne imoênɨmentisofoho. Hungkuno ole, Aêamu Isɨlaelɨso oso hamniyohoso kakineêno mpe uyano lontɨfi imentohofofoho oso hamniyoho hiso nomantɨfi 10 aêamu hwontoho mtɨêmokuwoênɨngkiso sohwoe hwaho mpe imentohofofoho. Oso hwe engo ntɨmentiso paênyofoho. Oso hungkunoso hohonta Jelemaiya ose lɨmentisofoho. 11 Hwe yofe engoênjo hwaho mokosyohumayo sohwoênjo sopo Jisas lohoêmentisofoho. Oso hwe engo huhwo sohwo Jisasɨmo ulohonɨmento, Kɨko aêamu Jutafe Hwe Engo sohwosilaho. Ose ulahonɨngki Jisas ulɨmento, Hungkuno hiso kɨko nehopi lohino. 12 Hwe yofe engoênjo tajo ango syohoênjo sohwanji Juta sohwafe hwe engo sohwanji hofɨko Jisasɨmneêno hungkuno ulahonɨngkofi Jisas hungkuno asomo mujoênjo imentisofoho. 13 Oseso Pailot Jisasɨmo ulɨmento, Oso hungkuno kikineêno ntohofoso kɨko mupaênyotaho. 14 Ose ulohonɨngkahonɨngki Jisas hungkuno mujoênjo yahonɨngki Pailot yomo yonto huno piênɨngo engo syafɨhuêmentisofoho. 15 Oso Sɨkuno Engo wopayo iloho yanɨmotofo sɨkuno somo soswo huhwo huhwi hwe engo hwaho mokosyohumayo sohwo kako hwe impoêangomjo fihumo isɨhutofɨhwajɨmojo hweho. Aêamu sohwa oso hwe impoêangomjo sohuneêno yofe hwe engo sohumo ulɨwoênɨngkahonɨngkofi oso hwe huhwo sohumo isɨhutofɨhwajɨmojo hweho. 16 Oso hohosohonta hwe wonyo Mpolapas kako impoêangomo humohumantisofoho. 17 Hwe moyaêmi nuhuêmokahonɨngkofi Pailot ulɨmento, Ngko sekuyepono tɨhumo isɨhutofɨhwajɨmnehono. Ngko Mpolapas isɨhutofɨhwajɨmnehono. Ngko Jisas aêamu Kɨlaisɨyoho ulɨwoênɨngkohofo sohumo isɨhutofɨhwajɨmnehono. Ose ulohonɨmentisofoho. 18 Pailot olo soêno huno moiêwonoho. Aêamu piênɨngo engoso Jisasɨmo inɨngkamotofo soêno aêamu Juta sofe hwe engo sohwa sɨmano hintotohino umnɨmentisofoho. Osoêno kakiyepono hungkuno hiso ipemotapmmentohofofoho. 19 Pailot kako hungkuno joêne ango sopo humentanɨngki kakoe ape hungkuno ole lɨhwatɨmento, Kɨko oso hwe wopɨngo sohumo kɨko wonyo ulohofohotoho. Ngko sɨkwoêmiyomo oso hwe sohuneêno wojo uhwonɨngkoheso ngko sɨmeho tango nisofoho. Ose lɨhwatɨmentisofoho. 20 Hwe yofe engoênjo tajo ango syohoênjo sohwanji Juta sofe hwe yofe engoênjo sohwanji hofɨko hwe moyaêmi somo ulɨmentohofi, Sekwo Mpolapasɨmneêno jomo ulɨmno. Jisas kako poyo umoênono. Ose humulohofofoho. 21 Hwe yofe engoênjo sohwo aêamu somo ulohonɨmento, Olo hwe lohwaêu osopo humasiyo loso tɨhumo usɨhutoêmnehono. Ose ulahonɨngki hofɨko ulɨmentohofi, Mpolapasɨmo usɨhutofo. 22 Ose ulahonɨngkofi Pailot ulɨmento, Ngko Jisas aêamu Kɨlais hwosoho ulɨwoênɨngkohofo sohumo pipi imnehono. Ose ulahonɨngki aêamuso ulɨmentohofi, Iyopo fonjintoêofasyo. 23 Ose ulahonɨngkofi Pailot ulɨmento, Pehoêneto. Olo hwe lohwo peho wonyo imaso hwolo. Ose ulahonɨngki aêamuso mohmêno ulɨwoênɨmentohofi, Iyopo fonjintoêofasyo. Iyopo fonjintoêofasyo. 24 Ose lontanɨngkofi Pailot huno umento, kakoe hungkunoso hopa mmoênɨngkahonɨngki ikujoho uêmofapmmonto yahonɨngki Pailot kako aêamu wanohonɨfento mijo nomanto aêamuso uhwontohumentanɨngkofi kakoe ahomo mijo yatɨkuênonto ulɨmento, Olo hwe lohumo fonjasiyoêneso nje hunoêmaho. Oêo, sekwo hwapɨngo kuyoho. Osoêno nje aho mijo yatɨkuênɨngkohono. 25 Ose ulahonɨngki aêamuso ulɨmentohofi, Olo hwe lohumo poyo fonjasiyoêne tohino nakumo neêmasoso nakwoe mehomi ntnneêno woneêmaêmontonoho. 26 Ose ulahonɨngkofi Pailot Mpolapasɨmo isɨhutofɨhwajonto kakoe hwe itokusoênjo sohwamo ulɨmento, Jisasɨmo impeênji fonjɨkuji iyopo fonjintoêofahumno. 27 Oseso Pailotɨye aêamu itokusoênjo sohwa hwe yofe engoênjo sohwafe angomo ipemotaswontɨfi osopo hwe itokusoênjo hopiênonohino sohwa Jisasɨmo uêmaêmentohofofoho. 28 Hofɨko kakoe manjiêmofo yajontɨfi hofɨko manjiêmofo nomêne honɨyoênohinoso ulohoêmentohofofoho. Oso manjiêmofo honɨyoênohinoso aêamu yofe engo hwaho mokosyohumayo sohwafe manjiêmofofoho. 29 Ose yontɨfi hofɨko impe yongoênjo nomantɨfi nopopojontɨfi hnnɨmentohofi, Olo hwe yofe engoênjo hwaho mokosyohumayo sohwoe mnokino manjiêmofo paênyofoho. Ose lontɨfi Jisasɨye mnokinopo monjiêmofahumentohofofoho. Hofɨko foême nomantɨfi kakoe aho angahohntaêni umanjontɨfi ulɨmentohofi, Olo foême loso hwe engo hwaho mokosyohumayo sohwoe paênɨngo sohwosiye ahomo kumanjɨhwono. Ose lontɨfi kakoênjopo hwomtame poji ulohofontɨfi sitofo ulɨmentohofi, Ou Hwe Engo sohwosi, kɨko aêamu Juta somo mokosyohumawoênɨngkino sohwosilaho. 30 Ose ulontɨfi kakoe sɨmoêmango sopo memijo uyatɨêmofontɨfi oso foême ahomo umangkuêmentohofoso nomantɨfi mnokinopo fongkuêmentohofofoho. 31 Hofɨko sitofo moiêwo ulontɨfi oso manjiêmofo honɨyoênohinoso yojasyontɨfi kakoe manjiêmofo ulohoêmentohofofoho. Ose yontɨfi kakimo fonjintoêofasiyoêne sopono ipemotasɨmentohofofoho. 32 Ipemotasontɨfi hwe fihwo Sailinintaêango kakoe yofe Saimoun osohumo nuêmantɨfi kwokwe umofontɨfi kako Jisasɨye iyo hwojiyafɨkuênnyo intofoêneêentɨfi ulɨmentohofofoho. 33 Kako intofahonɨngki hofɨko hwaho Ngkoulɨkota sɨêmoêmentohofofoho. Oso hwaho hopo sopone yofe hiso hwapɨngo olenoho. Mnokino yokino huyoêmango paênyo ponoho. 34 Osopo nohumantɨfi hofɨko ipisayo mijoênji nomêne molasin tohino mumnyoênjo soêne soênji iwoloêmokontɨfi Jisasɨmo uyahonɨngkofi kako yamofo imentisoso manɨmentisofoho. 35 Oseso hofɨko Jisasɨmo iyopo fonjintoêofasyontɨfi kakoe manjiêmofo yoêmayoso tɨhwo womaêmontolɨkeno lontɨfi syohiênyo imentohofofoho. Hwe sohwa syohiênyo hiso yakolo ulohofontɨfi yoêmayoso huêmemaêmentohofofoho. 36 Ose yontɨfi osopo nohumantɨfi Jisasɨmo uhwontohumamentohofofoho. 37 Kakoe iyo hwojiyafɨkuênnyo yokintaho sopono olo hungkunolo kakineêno mtɨêmokumentohofi, OLO HWE LOHWO JISASÆYOHO. AêAMU JUTAFE HWE ENGO HWEHO. Ose mtɨêmokontɨfi iyoswo hofojahumentohofofoho. 38 Jisasɨênjopo hwe hufaêu hufoênji ikujohoênji imojiyo sohwaêumo fonjintoêofahumentohofofoho. Nomênihwo Jisasɨye aho angahohntaêni, nomênihwo aho hwonamonyo hohntaêni fonjintoêofahumentohofofoho. 39 Hwe moyaêmiso nopohotawentɨfi mnokɨngkwaênɨngkwaênnyo yontɨfi sitofo ulɨmentohofi, 40 Kɨko ole lɨwoênɨngkini, Anɨtuye tajo ango engoso ngko wae yaohmêmo apaêno songo molɨmeso sɨkuno hufaêu sɨhune memjaofɨhwosoêno ango moiêwo umoênɨmontonoho. Ose lɨwoênɨngkino hwosoho. Kɨko Anɨtuye Hwomu Ne hwosɨêmanji kɨko foêmaênyo. Iyopo ntaêni fɨkotape. 41 Hwe yofe engoênjo tajo ango syohoênjo sohwanji aêamu honɨngkano hungkuno lutɨhwamotofo sohwanji aêamu Jutafe hwe engo sohwanji oso paênyo sitofo ulɨmentohofofoho. 42 Ole ulɨmentohofi, Kako aêamu nomênemo ufoêmawoênɨngkiso sohwo kakimo mufoêmaênonehoho. Kako Isɨlael sofe hwe engo hwolaho. Kako iyopo ntaêni kotapɨhwosoêno uhwonɨngkuhwasi nakwo sɨmeho hiêntnnono uyano. 43 Kako Anɨtumo sɨmeho hiêntnnono uyonto ole lɨmento, Ngko Anɨtuye Hwomu hwoênyoho. Ose lɨmentiso hweho. Anɨtu kakineêno umoênɨngkuhwosoênoêmanji kako olohonta ufoêmano. Ose ulɨmentohofofoho. 44 Oso hwe wonyo Jisasɨênjopo fonjintoêofahumentohofo huhwaêu Jisasɨmo sitofo ulɨmentisiyefoho. 45 Hinjo ajwo kuntoliyopo oso sɨkuno mjaofonto mofehiênyomo hoholo yasyonto akupoênyoênji tɨli (3) kɨlouk osoênji apaêno longkonɨngkahonɨngki mofehiênyo lɨmentisofoho. 46 Sɨkuno wammonto yahonɨngki Jisas joho mohmêno lɨmento, Eli Eli lema sapakɨtani. Oso hungkuno hiso neso ole, Nje Mpohwo Anɨtu, pehoêno nɨsɨkwojantokuno. 47 Ose lahonɨngki aêamu kakoênjopo humamentohofoso upaênontɨfi huno muyahonɨngki lɨmentohofi, Olo hwe lohwo kako Ilaija osohumo Anɨtu hungkuno uyahonɨngki lɨmojo sohumneêno joho lalofoho. 48 Ose ulahonɨngkofi hofɨkoênjopo aêamu humunyo sohwo komoêno Jisasɨmo uêmanto hwapɨfe weêe mijo yokumpohnênyo mangkinyoênjo yomanto oso hiso tokemo yamjonto Jisas wanononto uyɨmentisofoho. 49 I oso hisoêno nomêneso ole ulɨmentohofi, Hofahiyo. Nakwo uhwontohumano. Ilaija nopɨhwosi ufoêmaêmtolɨkeno. Ose ulɨmentohofofoho. 50 Jisas apaêno joho mohmêno lonto kakoe huyoêmango uhwajonto poyo peênɨmentisofoho. 51 Oso hohosohonta Anɨtuye tajo ango engo somjo hwapɨfe engo oso ajwoponjo ango weêe Anɨtu humayoênefoho lɨmotofo sopo hokuêyopo pmpilɨpeehinyoso yokintahopo ntaêni tomonte sɨsɨmpo lohofonto hofaêu imoênɨmentisofoho. Hwaho hwomɨhwo yonto sojo engoso tɨhwoêmentisofoho. 52 Oso hwaho aêmopijafo hoênahinyo sopo hwaho hwosampo lohofahonɨngki Anɨtuye aêamu piênɨngo peênɨmentohofoso songo lɨkaêmentohofofoho. 53 Nolɨkafontɨfi sɨkuno nomênemo Jisas peênonto songo lɨkaêmentiso somo hofɨko ango Jelusalem wopɨngo somo noswahonɨngkofi aêamu piênɨngo engo oso aêamu somo uhwonɨmentohofofoho. 54 Hwe aêamu itokusoênjo sohwamo mokosyohumayo sohwo kakoe aêamuênji nohumantɨfi Jisasɨmo uhwontohumantɨfi hwomɨhwo yoêmayo soênji imoênɨngkahonɨngki uhwonontɨfi iyoho unɨmentisofoho. Ole ulɨmentohofi, Olo hwe lohwo Anɨtuye Hwomu Ne hweho. Ose lɨmentohofofoho. 55 Moyaêmi piênɨngo engo Ngkalilintaêango Jisasɨmo tɨfi inɨngkamotofo sofa Jisasɨmo ufoêmano lontɨfi Ngkalili ulɨkoêmantɨfi Jisasɨênji Jelusalemno pmmentohofofoho. Osofa nohumantɨfi Jisasɨmo uhwonɨhwojamentohofofoho. 56 Aêmu hofɨkoênjo lopontaêangosi Maliya Makɨtola ntaêangiyoho. Aêmu nomênesi kakoe yofe Maliya Jemɨsɨênji Jousepɨênjiye konaêwohiyoho. Aêmu nomênesi Sepetiye hwomu sohwaêuye konaêwohiyoho. 57 Sɨkunoênji hwe hamniyoho engoênjo Alimateyantaêango sohwo iêmofapmmentisofoho. Kakoe yofe Jousepɨyoho. Kako Jisasɨmo inɨngkamojo hweho. 58 Kako hwe engo Pailot osohumo uêmanto, Jisasɨye pijafo mayoêne ulohonɨmentisofoho. Ose ulahonɨngki Pailot ulɨmento, Jisasɨye pijafoso olo hwe lohumo uyɨmno. 59 Ose ulahonɨngki Jousep pijafoso nomanto hwapɨfe songo halojo somo ifohumpento 60 kakoe sokimo songomo hoênahumentisofoho. Oso sokimoso kako sojo engo somo imo engo ilɨêmentisofoho. Osopo hoênasyonto sojo engo yɨwoloêmo yɨwoloêmo lohofonto sokimo hokuêyo somo pɨjwahumentisofoho. 61 Maliya Makɨtolantaêangosɨênji nomêne Maliyasɨênji sokimo momɨngo sopo humanji humɨhwontohumantisiyofoho. 62 Moênɨngka honta sɨkuno iyoho humayoêne yoêmayo itoêno esyohumayo sohwi nuyokolofahonɨngki hwe yofe engoênjo tajo ango syohoênjo sohwanji aêamu Falisi sohwanji Pailotɨmo uêmaêmentohofofoho. 63 Nuêmantɨfi ulɨmentohofi, Hwe engo oso hwe hwasyo hungkunoênjo sohwo songo humamentiso sohonta ole lɨmento, Sɨkuno hufaêu sɨhune memjaofɨhwosoêno ngko songo nolɨkaêmnefoho lɨmentisoso huno nayohoho. 64 Oso hisoêno kɨko jɨje aêamu sohwamo ole uso, Jisasɨye pijafo somo sekwo pɨkupɨjo esyontanɨngkujoso sɨkuno hufaêu sɨhune womemjaofono. Ose uso. Kakoe inomokomoyo sohwa nukuji kakoe pijafoso hufo ikuji hwe moyaêmi somo hwasyo ole ulɨfitnnoho, Jisas songo nto lɨkoêmaho. Oso hwasyo hungkunoso hwasyo hungkuno sɨmoêmjo somo nuyakolofonoho. 65 Ose ulahonɨngkofi Pailot ulɨmento, Sekwo sekwoe aêamu uhwontohumayoêne sohwamo uhwajɨfijoso hofɨko sokimo somo yokumpohnênyo wopɨjwosyafe. 66 Ose ulahonɨngki hofɨko nowentɨfi pɨjwahumentohofofoho. Oso hiso hano pitofasiyo soêno sohe hoênahumentohofofoho. Oseso hofɨko aêamu itokusoênjo sohwa sokimo homo somo uhwontohumayoêne uhwatɨmentohofofoho.