Matɨyu 6

1 Sekwo olo yahino losoêno iêwaho fiyɨmno. Sekwo yahino wopɨngo wopɨngoso aêamu wonahonɨfe lɨkuji ikutoho. Oêo, ose ifijoso sekwoe Mpohwo Anɨtu ahwomomo humaso sohwo sekumo oso hisoêno wopɨngo mosejapeênjo uyɨmontonoho. 2 Sekwo aêamu umofonyo iwoênɨngkohofo somo yoêmayo uyano lɨfijoêmanji eêwano, hiyaso uyɨmno. Aêamu mangoênohinoso wonahonɨfe lontɨfi Anɨtuye tajo angoênjo sopo honɨngkano utɨhwaênyopo iwoênɨngkohofofoho. Hofɨko hwe moyaêmi nakwoe yofe wohoênonemapɨfe lontɨfi iwoênɨngkohofofoho. Upaênɨmno. Oso aêamu hiso nomêne wopɨngoso Anɨtu mtaêango momasofoho. Oêo, aêamu hwahoponjoso hofɨkoe yofe hoênomaênyoso oso mpe hopaso nto mahofo. Hofɨkoe nomêne mpe iyo hopaso ahwomomo mauyoho. 3 Sekwo aêamu nomêne somo ufoêmano lɨfijoêmanji eêwano noho ufoêmapmno. I osoêno aêamu nomêneso sekwoe yofe nohoênosemapitnnoho. Masehonɨfitnnehofo. 4 Oêo, hiyaso fiyɨmno. Yoêmayo wopɨngo hiyaso iwoênɨngkohofo soêno Mpohwo Anɨtu kako nosehonɨngkuhwosi wopɨngo wosejapmmontonoho. 5 Sekwo Mpohumo jomo ulano lɨkuji sekwo aêamu mangoênohinosofe yahinomo inɨngkakutoho. Oêo, hofɨko aêamu wonepaênɨfe lontɨfi Anɨtuye tajo angoênjo honɨngkano momɨngo engo sopo lohofontɨfi ulɨwoênɨngkohofofoho. Upaênɨmno. Oso hisoêno aêamuso hofɨkoe yofe hoênomayoso mpe paênyoso nto mahofo. 6 I oseso kɨko sohwosi Anɨtumo jomo ulɨmo lohoji kɨkoênohini jɨje angomo swohoji ango hokuêyoso pɨjwasyohoji jɨje Mpohumo jomo uso. Kako oso ango hiyaso soêmo kɨkoênji humaho. Jɨje Mpohwo osopo kohonɨngkuhwosi yoêmayoso wokijapmmontonoho. 7 Kɨko Mpohumo jomo ulɨmo lohoji osohonta hungkuno piênɨngo engo lɨwoênɨngkohofoso paênyo ujoêeno. Aêamu Anɨtu ne sohuneêno huno muyoênjoso hofɨkoe hwasyo anɨtu sohwamo hungkuno piênɨngo engo ulɨwoênɨngkohofofoho. Hofɨko huno ole, Nakwo hungkuno piênɨngo engo ulɨhwasi nakwoe anɨtu sohwo kako nonepaênɨngkuhwosi wonejapmmontonoho. 8 Oso paênyo sekwo ikutoho. Oêo, yoêmayo umofonyo yohojo soêno Mpohwo kako huno nto uyohoho. 9 Sekwo Mpohumo ole ulɨmno. Nakwoe Mpohwo sohwosi, kɨko ahwomomo humahnno. Nakwo jɨje yofe wopɨngoênohinoso neêno nowentɨhwonefoho. 10 Oso sɨkuno kɨko yoêmayo hopiênono yokumpohnênyo nemokosyohumayoso komoêno umoênono. Jɨje hungkunomo aêamu ahwomomjo soênji yoêmayo soênji kinɨngkawowoênɨngkohofo hopaso nakwo aêamu hwahoponjo hnênwi ose wokinɨngkopano. 11 Olo sɨkuno lomneêno nakwoe wosopayo fonejape. 12 Nomêne aêamu nakumo wonyo nalohofɨwoênɨngkohofo sofe wonyo wae yaoêmalohwone hopaso nakwoe wonyoso wae fenamofo. 13 Kɨko nakumo yamofo nalohofo somo nonehumajohotoho. Oêo, Hwe wonyo sohwoe yoêmayoso neêmahwosoêno yoêmayo wonyo somo uyakolofoêne fonejape. [Enemokosyohumayo hwosoho. Yokumpohnênyo ne hwapɨngo hwosoho. Pomponaho ne somo humahnno hwosoho. Neênohino nowentɨhwonefoho. Hungkuno nehopeho.] 14 Upaênɨmno. Sekwo aêamu wonyo selohofo sofe wonyoso nɨhuênahone hohujo hohntaêne mehoênafɨkujoêno sekwoe Mpohwo ahwomomo humaso sohwo kako sekwoe wonyo hiso wae weesemoêmtonoho. 15 I osoêno sekwo aêamu wonyo selohofosofe wonyoso hohujo hohntaêni momehoênasiyoêmanji sekwoe Mpohwo Anɨtu sohwo kako sekwoe wonyo wae meesemofonehoho. 16 Sekwo Mpohumo jomo ulano lɨkuji Mpohuneêno huno angaênohino soêno wopayo manyoênjo nohumentanɨngkuji sekwo aêamu mangoênohinoso sɨmano wonyo ikinɨwoênɨngkohofo hopa humafɨkutoho. Oêo, hofɨkoe sɨmano wonyo ikinyoso aêamu wonahonɨfentɨfi aêamu wopɨngofoho wonalɨfe nolontɨfi iwoênɨngkohofofoho. Mpohuneêmaho. Oêo, hofɨkoe yofeênohini hoênomayoêne iwoênɨngkohofofoho. Osoêno hofɨkoe yofe nto hoênomaêmentohofo soêno hofɨkoe mpe paênyofoho. Mpe paênyo nomêneso ahwomomo mauyoho. 17 Oêo, sekwo Mpohuneêno wopayo manyoênjo humafɨkuji sekwoe mijiyomo hwone mijo ehalohoênɨngkuji sekwoe sɨmanomo mijo fiyatɨkuênɨmno. 18 Ose ikuji aêamu nomêneso kɨko manyoênjo humentanɨngkijo soêno hofɨko huno muyonehoho. Oêo, kɨko yoêmayo hiyasoêmo iwoênɨngkinoso jɨje Mpohwo aêamu muhwonyoênjo sohwo kakoênohini kohonɨngkuhwosi mpe hopa wokijapmmontonoho. 19 Olo hwaho lopo sekwoe yoêmayo yoêmayo hoêyango wopɨngoso nohuêmeesyɨkutoho. Oêo, olo hwaho loponjo nangkumeho syuhwosi hwaho ifulohofɨhwosi hoêyangoso wonyo umoênɨmontonoho. Oseso aêamu hufoênohino yɨwoênɨngkohofoso tojo nowonampekuji hufo uyantɨfeho. 20 Osoêno sekwoe hoêyango ahwomomo fohuêmeehumno. Oso hopo sopo nangkumeho maswonehoho. Hwaho mɨfulohofonehoho. Aêamu hufo mifitnnehofo. 21 Ango jɨje hoêyango yoêmayo wopɨngo wojo sopo jɨje sɨmeho hi oso hopo weho. 22 Sekwoe tɨmoso sekwoe huyoêmangofe pomponaho paênyofoho. Tɨmo angaênohinoêmanji sekwo pomponahopo humalofo. 23 Tɨmo piênɨngoêmanji sɨkwoêmjohoêmo humalofo. Sekwo pompohahopo humalofo soku yahino piênɨngo piênɨngo mafɨkuji apaêno sɨkwoêmjohoêmo fosyohumafɨkutoho. Ose ifijoêmanji jɨje hunomo nɨhuêno sɨkwoêmjoho engo mjaofoho. 24 Hwe fihwo kako hwe engo hufaêu sohwaêumo syoho ulohofiyoso hopoêmaho. Oêo, hwe engo hufaêu sohwaêumo syoho ulohofiyo soêmanji syoho ulohofiyo sohwo kako hwe engo fihumo sɨmeho wopɨngo uyɨhwosi nomênihuneêno sɨmeho wonyo uyɨmontonoho. U, angaênohino sohwoe syoho somneêno hi umoênɨngkuhwosoêno nomênihumneêno ngkilaho unɨmontonoho. Kɨko Anɨtuye syoho soênji yoêmayo hwahoponjo yahino soênji oso hufaêuyo sohwaêumo kemokosyohumahojoso kɨko syoho itoêno mihnnehino. 25 Osoêno ngko ole selalokweno. Sekwo sekwoe fosyohumayo soêno huno piênɨngo engo syafɨsyɨkuji ole nolɨkutoho. Nakwo peho wosopayo wonantanto. Nakwo mijo peho nanehwono. Sekwo sekwoe aêapahomneêno huno piênɨngo engo syafɨsyɨkuji ole nolɨkutoho. Ngko nje aêapahomo peho wekojisyahinɨmonnto. Nakwo songo humalohwoneso wopayoênohini nyoênetaho. Nakwo aêapaho hiênjoênwi nemêno manjiêmofo iyoêneênohinotaho. Awonoho. 26 Sekwo yɨhufo somo uhwonɨmno. Hofɨko wopuyo hulɨwoênɨngkohofoêmaho. Hofɨko wopayo ango somo wopayo momehuêmeesyɨwoênɨngkoho yohofofoho. Oêo, senɨngkwohwo Anɨtu ahwomomo humaso sohwo kako hofɨkimo wosopayo yoêmayoso uyɨwoênɨngkohoho. Sekwo Mpohwo Anɨtu yɨhufo sikinjo somneêno wonyoho fiyo mokosyohumaho. I aêamu sokumo Mpohwo wopɨngo wosemokosyohumamtolaho. Ou, ikono. 27 Hwe fihwo sekumtaêni kako huno piênɨngo piênɨngo syafɨsyɨhwosi nje soswo sawemo umokinɨmneêno yohoho lososo ne umoênɨmontolo. Awonoho. 28 Oseso sekwo hwapɨfe nemêno manjiêmofo yoêmayo somneêno huno piênɨngo engo pehoêne syafɨsyɨwoênɨngkohofo. Sekwo wokoso fofo soêno huno fɨsyafɨhupmno. Hofɨko yoêmayo syoho anefoho. Hofɨko ne yoêmayoso mojiyofɨwoênɨngkiyohofo. 29 I osoêno ole woselɨmonneêno yohono. Hohonta hwe engo Soulomoun hamniyoho hwapɨngoênjo sohwo kako kakoe hwapɨfe wonyoangkofo yoêmayo wokoso naênohino soênji inonteso kako olo wokoso fofo weêe somo muyakolofonehoho. 30 Ou, oso wokoso fofo sɨkuno fihumo syohopo lohofososo moênɨngkanta aêamu nolofekuji tohomo wolofefantɨfeho. I osoêno oso wokoso fofo Anɨtu wonyoangkafo mtɨêmokuwoênɨngkiso somo uhwonontaneso wopɨngofoho lɨwoênɨngkuhwono. Oseso sekwo soku wokoso fofomo yakoloênnyo hokumo Anɨtu kako hofiyo wosemokosyohumamontonoho. Sekwo Anɨtumo sɨmeho hiêntnnono weêeênohinoso pehoêno uyalokwofo. 31 Osoêno sekwo huno piênɨngo engo syafɨsyɨkutoho. Sekwo ole lɨkutoho, Nakwo wopayo peho wonantanto. Mijo peho nanehwono. Hwapɨfe peho yanehwono. Ose lɨkutoho. 32 Awonoho. Aêamu kengo hopiênohinoso hofɨko yoêmayo yoêmayo mayoêne huno piênɨngo piênɨngo syafɨsyɨwoênɨngkohofo. I osoêno sekwoe Mpohwo Anɨtu ahwomomo humaso sohwo kako yoêmayo soêno sekwo umofonyo yahonɨngkohofoso kako huno nto uyohoho. Kako wopɨngo wosemokosyohumamontonoho. 33 I sɨmoêmo Anɨtu semokosyohumayo soênji kakoe honɨngkano wopɨngoêntnno huno fɨsyafɨsyɨwoênɨngkuno. Osoêno syafɨsyɨwoênɨngkuji Anɨtu kako yoêmayo yoêmayo umofonyo ifijoso wosejapmmontono. 34 Osoêno yoêmayo moênɨngkajo somneêno huno syafɨsiyeêeno. Sɨkuno huhwo huhwi yoêmayo tango iêmofapɨwoênɨngkisofoho. Moênɨngkajo sɨkuno sohwoe tangoso moênɨngkaênefoho. Olo sɨkuno lomo iêmofaposo tangoso olo sɨkuno lomnefoho.