Mak 11

1 Hofɨko Jelusalem mofone sopo iêmofapontɨfi ango Mpetɨfaseênji Mpetaniênji nuhwontawentɨfi osopo hwofɨkiênyo weêe yofe Oulif uêmofawentɨfi Jisas inomokomoyo hufaêu sohwaêumo lɨhwatɨmentisofoho. 2 Jisas oso huhwo sohwaêumo ulɨmento, Siko oso ango ne sopo uêmofahusɨsi siko oso kuso somo noswohosɨsi tɨmo uhwonisoso ahwomo yahu toungki yokaêno hoênawoênyoso impe intoênowentanɨngkuhwosi uhwonanjiyoho. Oso yahu songo imoênɨmasoso aêamu mokehumunyofoho. Oso yahu hiso fisɨhutofomotapinyo. 3 Siko oso yahu hiso isɨhutofomotapohosisoêno aêamuso ole selɨkujoêno, Siko peho yalokusiyo. Ose selɨkujoêno siko ole ulinyo, Nakwoe Hwe Engo sohwo kako olo yahu losoêno syoho weho. Kako moiêwo emoyɨhwosoêno komoêno womotopontayoho. Ose ulinyo. 4 Siko nowenji yahu mu honɨngkano hokuêyopo impe intofahinyoso nohumentanɨngki nuhwonɨmaênonji italofomaêmentisiyefoho. 5 Italofomaêmentisiyoso aêamu nomêne sohwa ulɨmentohofi, Siko peho yalokusiyo. Yahu pehoêno isɨhutofomalokusiyo 6 Ose ulahonɨngkofi hwe sohwaêu Jisasɨye hungkuno ulahonɨngki ulɨmentohofi, Wopɨngofoho. Noho motahnnyo. 7 Nomotasonji sikoe manjiêmofoso yahupo kisosyahonɨngki Jisas sokehumamentisofoho. 8 Aêamu piênɨngo engoso hofɨkoe hwapɨfe ife yoêmayoso Jisas wene honɨngkanomo hoênosyahonɨngkofi aêamu nomêneso ipamo swoênjo lofontɨfi honɨngkanopo hoênahumentohofofoho. Oso hiso Jisasɨye yofe hoênomayoênefoho. 9 Jisas kako aêamu piênɨngo ajwomo yahupo kehumentanɨngki aêamu sɨmoêmjo soênji tɨfinjo soênji mohmêno ole lɨmentohofi, Anɨtumo isamoyoka ulano. Kako wopɨngoênohino hweho. Olo hwe lohumo nakwo Hwe Engo Anɨtu sohwo nakwoe hwahoponeêno uhwatɨmentiso hweho. Kakoe yofe wohoênomano. 10 Hwe engo Ntefit neyakwosamo hohonta mokosyohumamojo hopaso olo hwe lohwo wonemokosyohumano. Anɨtu ahwomomo humaso sohumo isamoyoka ulano. Ose lɨmentohofofoho. 11 Jisas Jelusalem iêmofaponto Anɨtuye ango engo somo swonto yoêmayo somo feênɨhwononto weêenepi mofehiênyo ukwoêmokumonto yahonɨngki Jisas inomokomoyo aho hopiênono sɨfe mtaêni hufaêuyo sohwanji Mpetani fosyowaneêentɨfi sɨmentohofofoho. 12 Imɨngoênji nolɨkafontɨfi Mpetani ulɨkoêmantɨfi Jelusalemneêno nosontɨfi osopo Jisas mijoho engo uyɨmentisofoho. 13 Jisas iyo fesayo swo langoênjo somo uhwonɨhwojawento ipisayo hiênjotɨkeno lonto iyo huhwo sohwoênjo sopo iêmofawento uhwonɨmentisoso ne ane swoênohino uhwonɨmentisofoho. Oso iyo hiso ipisayo intoênyo sɨkunommêmaho. 14 Jisas iyomo ulɨmento, Aêamu ipisayo apaêno momjakinyoêne hwosoho. Ose ulahonɨngki inomokomoyo sohwa upaênɨmentohofofoho. 15 Hofɨko Jelusalem iêmofapontɨfi Jisas kako Anɨtuye tajo ango engo somo noswonto aêamu hamniyoho syohoênjo aêamu yoêmayoso humesyahonɨngkofi mpe ulohofo syohoênjo sohwanjimo Jisas kako wae yaofo syoho emamentisofoho. Hofɨkoe ijempoho hamniyoho iwoloêmokumayo yontɨfe hoênasiyoêne soênji aêamu yɨhufo mpe uyantɨfi epohumayo yɨwoênɨngkohofo soênji Jisas kako mehuêmeeêmentisofoho. 16 Wayo yaofonto, Jisas ulɨmento, Olo ango lomo yoêmayoso apaêno nomotoswapɨkutoho. 17 Ose ulonto lutɨhwamento, Anɨtuye hungkuno mtɨêmokumentohofo sohwa ole mtɨêmokumentohofi, Nje ango loso aêamu hopiênono Anɨtumo isamoyoka ujoêne angofoho. Ose mtɨêmokumentohofofoho. I osoêno nje ango loso sekwo aêamu hamniyoho hiyasoêmo hufo mawoênɨngkohofo sohwafe ango hopa imokalokwofo. Ose mtɨêmokumentohofofoho ulɨmentisofoho. 18 Ose ulahonɨngki aêamu hopiênonohini Jisasɨye hungkuno upaênontɨfi pisopisaho mjalomɨwentɨfi hungkuno hiso wonyoangkafofoho syafɨhuêmentohofofoho. Aêamu honɨngkano hungkuno lutɨhwamotofo sohwanji aêamu tajo ango syohoênjo sohwanji hofɨko Jisasɨmo nofonjosyaneêentɨfi honɨngkano tɨpmmentohofoso hofɨko hwe moyaêmi somneêno iyoho unɨmentisofoho. 19 Mofehiênyo nɨngkuênɨngkahonɨngki Jisas kakoe inomokomoyo sohwanji Jelusalem ulɨkoêmaêmentohofofoho. 20 Imɨngoênji honɨngkanomo apaêno nowentɨfi uhwonɨmentohofoso oso iyo yofe fesayo sohwo nɨhuênahone yofoho imentisofoho. 21 Pita huno syafɨsyonto Jisasɨmo ulɨmento, Nakwoe Lonetɨhwayofo, uhwonyo. Oso iyo kɨko fosi aêamuso apaêno momjakinyoêne hwosoho ulɨmahnnoso yofohofoho. Jɨje hungkunoso ne imoênɨngkohoho. 22 Ose ulahonɨngki Jisas ulɨmento, Oso lɨmayoso syoho weêefoho. 23 Hungkuno nehopi waselɨmo. Hwe fihwo kako Anɨtumo sɨmeho hiêntnnono uyoso sohwo kako olo hwofɨkiênyo lomo ole ulososo, Olo hwofɨkiênyo lohwo, kɨko nolɨkafohoji oso mijo ayo mompo fɨlɨkofaofo. Ose ulososo kakoe huno angaênohino mnaweho. Hwofɨkiênyo wawomtolɨkeno oso hunoso mosyafɨsiyoênjo. Oêo, oleênohinoho huno syafɨsyososo. Ou, hwofɨkiênyo sohwo kako nehopi wamontonoho. Oso hwe huhwo sohwo oso hungkuno olo soêmanji ou oso hungkunoso ne imoênonefoho. Nehopi selohono. 24 Upaênɨmno. Yoêmayo kɨko Anɨtumo jomo ulisoso sɨmeho momêmo huno ole, Anɨtu wontapmmontonoho. Ose syafɨhujoso, ou kako wokijapmmontonoho. 25 Sekwo sɨmano hintotohino semnosoêmanji sɨmoêmo sekwo oso aêamu wonyo selohofoso sohwoe wonyoso wae hmmopmno. Ose isoêmanji, Mpohwo ahwomomo humaso sohwo kako sekwoe wonyoso wae weesemofono. [ 26 I osoêno sekwo aêamu wonyo selohofo sofe wonyoso hohujo hohntaêni momehoênasiyoêmanji sekwoe Mpohwo ahwomomo humaso sohwo kako sekwoe wonyoso wae meesemofonehoho. Ose ulɨmentisofoho.] 27 Hofɨko Jelusalem apaêno iêmofapontɨfi Jisas Anɨtuye tajo ango engo somo ajwoêmo emoyontanɨngki aêamu tajo ango syohoênjo sohwanji, aêamu honɨngkano hungkuno lutɨhwamotofo sohwanji, Jutafe hwe engo sohwanji Jisasɨmo uêmantɨfi 28 ulohonɨmentohofi, Kɨko olo syoho iwoênɨngkino loso tɨhwo kilɨmasoêno iwoênɨngkinoto. Yokumpohnênyoso tɨhwo kijapmmasoênji iwoênɨngkinoto. 29 Ose ulohonɨngkahonɨngkofi Jisas ulɨmento, Ngko huhwoêni hungkuno waselohonɨmneêno yohono. Olo hungkuno hiloso sekwo ntɨfijoêmanji eêwa, yoêmayo yalokwe soêno hwapɨngo waselɨmo. 30 Ole ntɨmno. Joun kako aêamumo mijo kiyomaêmojo yokumpohnênyoso Anɨtu mtaêango maêmentisotaho. Hwahoponjo aêamu mtaêango maêmentisotaho. 31 Sekwo ntɨmno. Ose ulohonɨngkahonɨngki hofɨko ole hnnɨmaêmentohofi, I Joun kakoe yokumpohnênyo Anɨtu mtaêni maêmentisofoho ulosoêmanji ole wonalɨmontonoho, Oseêmanji sekwo Jounɨye hungkunomo sɨmeho hiêntnnono muyoênjo pehoêneto. 32 I, nakwo ole lasoso, Joun kakoe huno mtaêni syoho imentisofoho lasoêmanji aêamu sohwa hofɨko nolɨkafɨkuji ikujoho wonefonjantɨfeho. Hwapɨngoso hofɨko aêamumneêno iyoho unɨmentisofoho. Aêamu huhwo sohwafe huno ole, Joun sohumo Anɨtu hungkuno uyahonɨngki lɨmojo hweho. 33 Ose hnnontɨfi Jisasɨmo ulɨmentohofi, Nakwo huno monayohoyohoho. Ose ulohonɨngkofi Jisas ulɨmento, Oseêmanji ngko huhwoêni nje yokumpohnênyo yoêmayo iwoênɨngkohe hwapɨngo soêno maselɨmnehono.