Mak 4

1 Jisas kako Mijo Ayo Ngkalili sopo nohumanto aêamumo apaêno lutɨhwamentisofoho. Osopo nohumentanɨngki aêamu weêyo uhuêmokumentohofoêmaho. Osoêno Jisas yofayokinopo kotasonto osopo humamentisoso hwe moyaêmiso momɨngo sopo lohoêmentohofofoho. 2 Kako pahnnɨmo hungkuno piênɨngo engo hofɨkoe huno ufohotofoêne lutɨhwamentisofoho. Ole ulɨmento, 3 Sekwo upaênɨmno. Hwe fihwo kako kakoe syohopo ufongoyo fisosomokaoêmentisofoho. 4 Fisosomokofahonɨngki ufongoyo fehohnjoso honɨngkanopo pɨwesyahonɨngki yɨhufo sohwa nopontɨfi manɨmentohofofoho. 5 U, ufongoyo fehohnjoso hwaho sojoênjo sopo pɨwahuêmentisofoho. Oso hwaho hiso engo moêmjoêmaho. Osoêno oso ufongoyoso komoêno fokaêmentisofoho. 6 Oseso mofehiênyo ulonto ufongoyo pmpongo hwahomoêmo munjilofeênjo yonto yofoho imentisofoho. 7 U, ufongoyo fehohnjoso nantɨpe yongoênjo sopo pɨwahuêmentisoso nantɨpe yongoênjo sohwo komoêno fokofɨkwato lohofonto ufongoyo nontɨmo kingkulofonto oso ufongoyo hiso ne mintoênɨmentisofoho. 8 U, ufongoyo fehohnjo hwaho afofoênjopo pɨwahuêmentisoso engo fokafonto ne piênɨngo intoênɨmentisofoho. Ne fiso weêe (teti, 30), fiso engo (sikɨsɨti, 60), fiso piênɨngo engofoho (wan hantɨlet, 100). 9 Jisas ose ulonto ulɨmento, Aêamu fihwo nje hungkuno upaênyoêne haloho hiênjo hwoêmanji kako upaênono. Ose ulɨmentisofoho. 10 Hwangku inomokomoyo sohwanji nomêne aêamu fihwa kakoe hungkunomo upaênɨmentohofo sohwanji Jisasɨênji nohumantɨfi pahnnɨmo ulohonɨmentohofofoho. 11 Jisas ulɨmento, Anɨtu sohuneêno kako aêamumo mokosyohumayo yahino hungkuno hiyasoêmo woêmojoso sekwo sohwasimo nto setɨhwamentisofoho. I osoêno aêamu kengo sohwa hofɨko pahnnɨmo hungkunoênohini upaênɨfe. Sekumo yoloho waselɨmo. 12 Hohonta Aisaiya ole mtɨmokumento, Hofɨko nuhwonɨngkuji neso nuhwonɨfitnneêmaho. Hofɨko nupaênɨngkuji oso hungkunoso huno itoêno uyoneêmaho. Hofɨko honɨngkano wonyo somo hohujo mikinjaopijoso Anɨtu hofɨkoe wonyo wae mmofonehoho. Ose mtɨêmokumentisofoho. 13 Jisas ose ulonto ulɨmento, olo pahnnɨmo hungkuno hwe ufongoyo fisosɨmokaêmentisoso sekwo huno maseyoho liyohoho. I pahnnɨmo hungkuno nomêne songoso sekwo huno pipi seyohoho. 14 Upaênɨmno. Hwapɨngoso olenoho. Hwe ufongoyoênjo sohwo Anɨtuye hungkuno aêamumo lutɨhwayo paênɨngofoho. 15 Fiso ufongoyo honɨngkanopo pɨwahuêmentisoso oso hwe moyaêmi hofɨko hungkuno wopɨngo upaênɨwoênɨngkohofo paênyofoho. I osoêno Seten kako noponto oso hungkuno wopɨngo sɨmeho moêmo hoênosyahonɨngki Seten wae yamoêmentisofoho. 16 Nomêne aêamuso ufongoyo hwaho sojoênjopo pɨwahuêmentiso paênyo hwafoho. Oso aêamu hiso Anɨtuye hungkuno upaênontɨfi hofɨko komoêno sɨmeho moêmo mehoênasyontɨfi sɨmonyo iwoênɨngkohofofoho. 17 I osoêno hofɨkoe pmpongo anefoho. Oêo, hofɨko weêenepi nolohofontanɨngkofi aêamu nomêneso Anɨtuye hungkuno hwotoho wahmmo lososo oso aêamu nolohofontanjo huhwo sohwamo tango engo uyahonɨngki hofɨkoe pmpongo ane soêno pɨwasyɨwoêningkohofofoho. 18 Nomêne aêamu ufongo hwaho nantɨpe yongoênjo paênyofoho. Hofɨko Anɨtuye hungkuno upaênɨmentohofoso 19 i, yoêmayo hwaho loponjo somneêno huno engo syafɨsyontɨfi hamniyoho engo womano lontɨfi yahonɨngkofi hofɨko hoêyango yoêmayo soêno hi umoênyoso oso hiso Anɨtuye hungkunomo kingkulofɨwoênɨngkohofofoho. Oso huhwo sohwa ne ane hwafoho. 20 Nomêne aêamuso hofɨko ufongoyo hwaho afofoênjo paênyofoho. Hofɨko Anɨtuye hungkuno upaênontɨfi oso hungkuno hiso inɨngkawentɨfi hofɨko Anɨtumneêno yoêmayo syoho wopɨngo yɨwoênɨngkohofofoho. Oso ne intoênnyofoho. Ne fiso weêe (teti, 30), nomêne engo (sikɨsɨti, 60), fiso piênɨngo engofoho (wan hantɨlet 100). Ose ulɨmentisofoho. 21 Jisas nomêne pahnnɨmo hungkuno ulɨmento, Aêamu fihwo sikiloho mongkujɨhwosi oso pomponaho hiso ahwonteêmo kipitofasiyoêeno. Epohumayo enjwaêmo hoênasiyoêeno. Awonoho. Kako ijempohopo ufohoêofahumontonoho. 22 Yoêmayo olohonta aêamu hiyaso mokosyohumawoênɨngkohofoso hwangku aêamu hopiênono pomponahopo uhwonantɨfeho. Yoêmayo olohonta pahnnɨmo hungkuno lɨwoênɨngkoheso hwangku aêamu neso upoênantɨfeho. 23 Sekwo halohoênjo kuêmanji nje hungkunomo haloho popmno. 24 Ose ulonto nomêne hungkuno ulɨmento, Yoêmayo pahnnɨmo hungkuno upoênalokwofoso hwapɨngo ne ngko selalokwe soêno huno itoêno fɨsyafɨhupmno. Sekwo nomêne aêamumo hofɨkimo ufoêmayoêne Anɨtuye hungkuno ulɨkuno. Sekwo aêamumo Anɨtuye hungkuno ufijo hopaso Anɨtu kako sekumo wosejapmmontonoho. Sekwo ose ifijoêmanji sekwo Anɨtumneêno huno engo wotɨpemantɨfeho. 25 Hwe fihwo Anɨtuye hungkuno sɨmeho moêmo mnawoênnyo sohwo oso hungkuno hiso kako itoêno inɨngku lohofososo Anɨtu kako huno engo umontonoho. Hwe nomênehwo Anɨtuye hungkuno weêenohini sɨmeho moêmo mnawoênnyo sohwo oso hungkuno weêeso itoêno minɨngkayoênjoso oso hungkuno weêeso moiêwo umoêmtonoho. Ose ulɨmentisofoho. 26 Jisas nomêne pahnnɨmo hungkuno ulɨmento, Hwe fihwo olo hwaho lopo kakoe syohoêmo ipisayo hulɨmentisofoho. Oso hiso Anɨtu kakoe aêamumo emokosyohumayo paênyofoho. 27 Hwe huhwo sohwo nohulonto kakoe angopono nowento sɨkuno piênɨngo fosyowelɨkafo imojo hweho. Ipisayo hiso pipi fokaêmentisoto. Fokafo hwapɨngoso hwe sohwo huno muyofoho. 28 Hwahomjo afofoso ipisayo engo imokiyofoho. Sɨmoêmo swo inɨkwato lohofɨhwosi osopo sɨmoême ipehwosi tɨfi ipisayo untoênɨmontonoho. 29 Ipisayo mojo ihwosoêno hwe huhwo sohwo kako nolofamjonefoho. 30 Nomêne hungkuno Jisas ulɨmento Anɨtu kakoe aêamumo mokosyohumayoso ngko pehofo losetɨhwamnehono. Osoêno pahnnɨmo hungkunoso pehofo selɨmnehono. 31 Olenoho. Iyo fihwo kakoe yofe masɨtet kakoe neso nomêne iyo ipisayo paênyoêmaho. Oêo, nɨhuêno weêefoho. Oso neso aêamu syohopo hulɨwoênɨngkohofofoho. 32 Syohopo hulahonɨngkofi oso ipisayo hiso engo imoênonto nomêne iyo syoho soponjo somo yakolonoho. Kakoe pamo sopo yɨhuêaifo syuhwosi pompenjiyo hofiyo wonyoangkafopo wokehumantɨfeho. 33 Jisas pahnnɨmo hungkuno piênɨngo engo ulɨmentisoso hofɨko huno syafɨhupitnneêento ulɨmentisofoho. 34 Kako aêamu somo pahnnɨmo hungkunoênohini ulɨmentisofoho. Kako kakoe inomokomoyo sohwantnnohini humantɨfi kako yoloho ulɨmentisofoho. 35 Oso sɨkuno hiso mofehiênyo ntonɨngkuênɨngkahonɨngki Jisas kakoe inomokomoyo sohwamo ulɨmento, Mijo nongkihntaêni woekehwano. 36 Ose ulahonɨngki hofɨko aêamu piênɨngo engo uhuêmokumentohofo somo ulɨkoêmantɨfi yofayokinomo Jisas humamentiso somo kotasontɨfi hofɨko mijo ayopo wakoêmentohofofoho. Wakoêmentohofoso nomêne aêamu hofɨko hofɨkoe yofayokinomo hofɨkoênji wakoêmentohofofoho. 37 Nowekentanɨngkofi ifofo engo ikwato lohofonto mijo yofayokinomo ifeehuêmo lohofonto mijo yofayokinomo engo weeoêmto imentisofoho. 38 Jisas yofayokinomo fehohntaêni mnokino ikwoêofo yasyonto saho fosyowentanɨngki hofɨko Jisasɨmo ulɨkafontɨfi ulɨmentohofi, Lonetɨhwayo sohwosi tɨfonepo nakwoe yofe moiêwo umoênantanoho. Kɨko nakuneêno huno mosyafɨsiyoênjo liyalokuno. 39 Ose ulahonɨngkofi Jisas nolɨkafonto ifofomo yoka ulɨmento, Moiêwo hmmoênyo. Ose ulonto mijomo ulɨmento, Ntaênoho. Itoêno fɨlufawofo. Ose ulahonɨngki ifofo moiêwo imoênɨngkahonɨngki mijo apaêno songo songo miyoênjo nɨhuênahone lɨfawoêmentisofoho. 40 Itoêno lɨfawoêmentisoso inomokomoyo sohwamo ulɨmento, Sekwo iyoho pehoêno senɨngkohoho. Sekwo Anɨtumo sɨmeho hiêntnnono muyoênjo liyalokwofo. 41 Ose ulahonɨngki hofɨko iyoho engo unɨngkahonɨngki hnnɨmentohofi, Olo hwe lohwo ifofoênji mijoênji kakimo halohoênohini upesolo tɨhwoe huhwolo.