Filipai 1

1 Sekwo Anɨtuye aêamu soku ango Filipai humawoênɨngkohofo somneêno ngko Poulɨênnonji Timoutiênji nekwo Hwe Engo Jisas Kɨlaisɨye syoho ulohofiyo sohwoyaêi olo iyoswo loso semtɨêmokiyalokuhwayo. Sekwo Hwe Engo Jisas Kɨlais oso huneêno sɨmeho uyɨwoênɨngkohofo soênnonji aêamu sekumo semokosyohumayoêne uhwosopoêmentohofo sohwanji aêamu Anɨtuye syoho somneêno sefoêmawoênɨngkohofo sohwatnneêno semtɨêmokiyalokuhwayo. 2 Mpohumo oloêno jomo ulɨwoênɨngkuhwoyo. Nanɨngkwohwo Anɨtu sohwoênji nakwoe Hwe Engo Jisas Kɨlaisɨênji sikoêmontaêi siko sekumo wopɨngo selohofohosɨsi sekwoe sɨmeho pompenjiyo wosejopanjiyoho. Osoêno jomo ulɨwoênɨngkuhwoyo. 3 Ngko sekumneêno huno syasyefɨsyontnne sɨkuno somo ngko nje Anɨtumo isamoyoka ulɨwoênɨngkohono. 4 Hwapɨngoso sekwo Anɨtuye hungkuno sɨkuno sɨmoêmjo upoênomaêmentohofo somtaêni sekwo Jisas Kɨlaisɨye hungkuno wopɨngo aêamumo ujoêne syoho somneêno nɨfoêmaêmopɨwoênɨngkohofo kuyoho. Osoêno ngko Anɨtumo sekumneêno jomo ulɨwoênɨngkohe sohonta ngko sɨmonyo iwoênɨngkohefoho. 6 Ngko huno ole nto niyohi, Anɨtu kako sekwoe sɨmeho moêmo syoho wopɨngo emaêmentiso sohwo oso syohoso neêno mjɨmopɨhwosi sekwoe honɨngkano wopɨngo imokuhwosi nakwoe Hwe Engo Jisas Kɨlais kako asomo poso sohonta Anɨtu oso syoho wopɨngoso moiêwo wesojwamoêmontonoho. Sekwo honɨngkano wonyo aneênjo humantɨfitnne kuyoho. 7 Ngko sɨmeho sejopalokweno. Ngko sekumo hitoho sejopalokweso itoênohinofoho. Hwapɨngoso ngko impoêangomo mohumayo sohonta ngko Jisas Kɨlaisɨye hungkuno wopɨngoso aêamu somo ulonji hungkuno hisoêno aêamu ngkimo ntohonɨngkahonɨngkofi ngko aku hungkuno ulahonɨngko hungkuno hiso yokumpohnênyo imoênɨmentisofoho. Oseso hungkuno nehopeho ntɨmentisofoho. Oso hohosohontajo soênji olohonta ngko impoêangomo humale lohontajoênji sekwo ngkimo nɨfoêmaêmopɨwoênɨngkohofofoho. Sekwo Anɨtumneêno yokumpohnênyo lohofontɨfi ngkineêno syonɨfɨsyontɨfi Mpohumo ngkineêno jomo ulɨwoênɨngkohofofoho. Osoêno sekwo ngkoênji majopohiênontani nakwo Jisas Kɨlaisɨye hungkuno wopɨngoso aêamumo lutɨhwawoênɨngkuhwoniênwoho. Ose humentanɨngkuhwoni Anɨtu kako kakoe wopɨngoso nalohofɨwoênɨngkiso hweho. Osoêno ngko sekumneêno sɨmeho wopɨngo nɨmoênɨngkohoho. 8 Anɨtu kako nje sɨmehomo tɨmo uhwonɨwoênɨngkisofoho. Osoêno kako olo hungkuno selalokwe loso nehopeho huno uyohoho. Oso ngko sekumneêno nɨmoênantokunjoso nehopi sejopalokweso nakwoe Hwe Engo Jisas Kɨlais mtaêangofoho. Osoêno Jisas kako sekumneêno sejopalokuso hopa ngko sejopalokweno. Oseso ngko ole nɨmoênɨmojoso wasehonɨmonneêno yohono. 9 Mpohumo sekumneêno jomo ulalokwe loso olenoho. Sekwo Anɨtuênji aêamu nomêneêntnneêno hitoho selofalokunjoso engo imoênɨngkuhwasi neêno mjɨmopɨhwosi mɨkunɨmposo engo umoênono. Osoênji sekwo Anɨtumneêno huno engo tɨpemafɨkuji yoêmayo yahino soêno huno itoêno fɨsyafɨhupmno. 10 Ose syafɨsyɨkuji yahino wonyoangkafoênohino somo huno syafɨsyɨkuji osomnohini uyɨmno. Osoêno Mpohumo sekumneêno ulalokweno. Ose ifijoêmanji sekwo honɨngkano wonyo aneênjo imoênɨngkuji Jisas Kɨlais kako aêamufe hungkuno ikwolofoêne sɨkuno somo kako ole selonefoho. Sekwo wopɨngoênohini kuyoho. Wonyo honɨngkano aneênjo kuyoho. Ose selonefoho. 11 Ou, sekwo olopo nohumafɨkuji Jisas Kɨlais kakoênohino kakoe yokumpohnênyo sejapɨhwosi sekwo honɨngkano wopɨngoênohini uyantɨfeho. Oso hohosohonta sekwoe humayo wopɨngoênohino somo aêamu nosehonɨngkuji Anɨtuye yofe engo nohoênomafɨkuji Anɨtumo isamoyoka ulantɨfeho. 12 Nje aêamu soku, ngko impoêangomo humale soêno sekwo huno ole seyɨhwoloho. Jisasɨye hungkuno wopɨngoso impoêangomo intoênaweho. Ose syafɨsyɨkutoho. Oêo, yoêmayo ngkimo tango nɨêmahonjoso aêamu piênɨngo engoso hofɨko Jisasɨye hungkunomo upoênalokwofo. 13 Ngko impoêangomo humale kalohi nakwoe hwaho mokosyohumayo Sisa oso hwoe aêamu nehontohumayo hopiênonohino sohwanji nomêne aêamu olopo humalofo sohwantnneêno Jisasɨye hungkunomo upoênalokwofo. Hofɨko huno ole uyohoho. Ngko Jisas Kɨlaisɨye syoho ulohofiyɨwoênɨngkohe soêno impoêangomo humaleno. 14 I ngko impoêangomo humale soêno aêamu Anɨtumo sɨmeho hiêntnnono weêe uyɨwoênɨngkohofoso hofɨko impoêango somneêno iyoho ko unɨngkahonɨngki hofɨko ngkimo nohonɨmentohofo soêno hofɨko iyoho munyofoho. Osoêno hofɨko Anɨtumo sɨmeho hiêntnnono engo uyontɨfi kakineêno yokumpohnênyo humalofo. Osoêno hofɨko aêamu somneêno iyoho miyoênjo yontɨfi Anɨtuye hungkuno yokumpohnênyo ulalokwofo. 15 Aêamu fehohnjo huno wopɨngoênjoso hofɨko Anɨtuye yofe hoênomayoêne Jisasɨye hungkuno yokumpohnênyo ulalokwofo. Oso aêamuso hofɨko olo soêno huno uyohoho. Ngko Poulɨêni olo impoêangomo humaleso Jisas Kɨlaisɨye hungkuno itoênohino lɨwoênɨngkohe soêno Anɨtuye hungkuno yokumpohnênyo sosofitofosyohumayoêne impoêangomo humaleno. Osoêno hofɨko ngkineêno hitoho ulofahonɨngki hofɨko Anɨtuye hungkuno yokumpohnênyo ulalokwofo. I aêamu nomêne fehohnjoso hofɨko nje syohomneêno sɨmeho wonyo umoênɨngkahonɨngki nje yofe monje yanisyontɨfi hofɨko hofɨkoe yofe hoênomaênyoêne Kɨlaisɨye hungkuno nomêne aêamumo ntoêno mulalokuyohofo. 17 Osoêno hofɨkoe hunoso ntoênohinɨêmaho. Oêo, hofɨko ngkimo woniyokolofantɨfi hofɨko ngkimo tango wontopantɨfi yontɨfi hofɨko Anɨtuye hungkuno ntoêno mulalokuyohofo. 18 Huno ose ko syofɨsyahonɨngkofi ngko sɨmonyo yalokweno. Hwapɨngoso aêamu hofɨkoe yofe hoênomaênyo oso hwanji aêamu Anɨtuye yofe hoênomawoênɨngkohofo sohwanji hofɨko Jisasɨye hungkuno hoênɨmɨwahonjo soêno ngko sɨmonyo yalokweno. Oso hiso olohontaênohinɨêmaho. Oêo, neêno wamjɨmoênɨêmontefoho. 19 Olo hisoêno ngko huno niyohoho. Sɨkuno huhwo huhwi sekwo Anɨtu ngkimo nɨfoêmayoêne jomo ulahonɨngkofi Jisas Kɨlaisɨye Towahuno nɨsosofitofahonjo soêno yoêmayo tango nɨêmanteso ngkimo wopɨngo ntohofantofoho. Osoêno ngko huno nɨyohoho. 20 I ngko olo soêno nɨmoênɨngkohoho. Ngko yoêmayo iêmeso ngko wonɨmango mannonehoho. Oêo, ngko Jisas Kɨlaisɨye hungkuno soêno yokumpohnênyo lohoêmne hopaso yokumpohnênyo neêno walohoêmonnoho. Yoêmayo syoho Anɨtu ntapɨwoênɨngkisoso itoênohini uyɨmonneêno yohono. Olohontaênji yoêmayo iêmeêno Jisas Kɨlaisɨye yofe engo imoênoneêenji yalokweno. Ihwoni, ngko poyo peênɨêmo, u songo humahmêmeêno ngko oleêno nɨmoênɨngkohoho. Ngko Jisasɨye yofe wohoênomaêmonnoho. 21 Nje hunoso olenoho. Ngko songo humaleso ngko Jisasɨênji songo humaleno. Oso wopɨngofoho. I osoêno ngko poyo peênɨêmo Jisasɨênji Anɨtuênjopo humayoso oso yakoloênnyofoho. 22 Osoêno ngko huno hufaêuênjo hwoênyoho. Sɨmoêmjoso olenoho. Ngko olo hwaho lopo humahmêmo Anɨtuye syoho imeso ne engo mjɨmoênɨmɨwesoso oso wopɨngofoho. Osoêno ngko pipi imnehono. 23 Olo hilo soêno ngko sɨmeho hufaêuênjo hwoênyoho. Ngko nopeênɨêmeêno Jisasɨye ahwomomjo ango sopo humayoso olo hwaho loponjo humayo somo yakoloênnyofoho. 24 I osoêno ngko poyo peênɨêmeêno ngko sekumo pipi sefoêmaêmnehono. Osoêno ngko sekwoênji humahmêmo sefoêmayo oso wopɨngofoho. 25 I ngko oso hisoêno sɨmeho hiêntnnono uyonji huno ole niyohi, Ngko sekwoênji humahmêmo Anɨtuye syoho neêno mjɨmɨhwasi sekwoe sɨmeho hiêntnnohino uyoso engo imoênɨngkuhwosoêno sɨmeho wopɨngo mɨkunɨmposo wasemoênɨmontonoho. 26 Oseso ngko sekumo apaêno seêmahonɨêmo sekwo ngkineêno sɨmonyo ikuji sekwo nakwoe Hwe Engo Jisas Kɨlaisɨye yofe wohoênomantɨfeho. 27 U, ngko sekumo moseêmasoênjo ime sohonta sɨkuno huhwo huhwi sekwo Jisas Kɨlaisɨye hungkuno tɨfi inɨngkakuji wopɨngoênohini fosyohumamno. Ose ifijoêmanji ngko sekumneêno hungkuno upaênɨêmaleso olenoho. Sekwo sɨmeho angaênohino soênji nomajokuênɨngkuji sekwo Anɨtuye hungkuno aêamu somo lutɨhwafɨkujoêno hofɨko Jisas Kɨlaisɨmo sɨmeho hiêntnnono uyantɨfeho. Aêamu fehohnjo Anɨtuye hungkuno nakwolaho selɨkujoêno sekwo yokumpohnênyo neêno lohofɨkuji kakoe hungkuno neêno wolutɨhwantɨfeho. Osoêno upaênɨêmo. 28 Sekwo oso paênyo nomajokuênɨngkuji sekwoe mango sohwamneêno iyoho masenonehoho. Oêo, sekwo Anɨtumneêno yokumpohnênyo filohopmno. Ose ikujoêno mango sohwa hofɨko nosehonɨngkuji huno ole uyono. Nakwo tɨkanomneênwoho. Hwapɨngoso Anɨtu kako hofɨkimo yokumpohnênyo sosofitofosyohumentanɨngki uhwonalokuhwono. Oso hunoso Anɨtu kako sekwoe mango sohwamo uyɨmontonoho. I sekwo huno ole waseyono. Anɨtu kako sekumo sefoêmawoênɨngkiso sohwonji sekwo kakoênji songo neêno humantokutnne kuyoho. 29 Sekwo aêamu Anɨtuênji makotɨkuênyo sokumo Anɨtu yahino hufaêu sekwoe sɨmeho wopɨngo semokiyoêne sejapmmentisofoho. Nomêne angaêno sejapeso olenoho. Sekwo Kɨlaisɨye yokumpohnênyo sefoêmayoêne somo sɨmeho hiêntnnono uyalokwofo. Nomêne sejopalokunjoso olenoho. Sekwo Jisas Kɨlaisɨmneêno tohino womantɨfeho. 30 Hohonta ngko sekwoênji humamentohe sohonta sekwo ngkimo nto nohonɨmentohofofoho. Ngko Anɨtuye hungkuno aêamumo ujosoêno ikujoho paênɨngo syoho yokumpohnênyo imotefoho. I olohonta sekwo upoênalokwofo. Ngko oso paênyo neêno yonji olohonta tango neêno malokweno. Sekwo olo soêno huno waseyono. Sekwo ngkoênji majopohiênɨmentɨhwone soêno Anɨtumneêno yokumpohnênyo lohofontani yoêmayo tangoso hinjohoênɨmo neêmalofoho.