Toho Wojo Honajo Hungkuno 12
PNG1 Ahwomomo uhwononji poji entɨhwayo hopaso uhwonɨmentohofofoho. Aêmu fisi kakoe manjiêmofoso mofehiênyo paênyo imentiso uhwonɨmentohefoho. Kako hamnopo nohumanto kakoe yofe engo soêno imayo monjiêmaêniyoho. Mnokino manjiêmofoso hntokwaliyo aho hopiênono sɨfe mtaêni hufaêuênjiyoho. 2 Kako sɨmehoênjosi mehomi mayoêne tohino engo umnɨngkahonɨngki youwo youwo lonto aswo womaêmto imentisofoho. 3 Ose uhwononji nomêne poji entɨhwayo ole uhwonɨmentoho. Homa honɨyoênohino mɨkunɨmposo engo sohwo kakoe mnokino aho fehohnjo hopiênono nomêne mtaêni hufaêuênjo hweho. Mnokino somo angaêno angaênohino sopo aêamu hwaho mokosyohumawoênɨngkohofo sohwafe mnokino manjiêmofo montitoêmeehinɨmentisofoho. Kakoe sɨhwanoso aho hopiênonohinoênjo hweho. 4 Hntokwaliyo hopiênonohino somo hufaêu sɨhune hotitoêmentisoso mtitofo angaêno homa sohwo kakoe somiênji hulɨjusyɨmokwojahonɨngki hntokwaliyo hwahopo pɨwahuêmentisofoho. Homa huhwo sohwo aêmusi kako mehomi aswo womaêmto yontanɨngki homa sohwo humuhwontohumantisofoho. Hwapɨngoso kako mehomi sohumo wofonjahumonto humɨhwontohumantisofoho. 5 Aêmusi kako hwomu aswo maêmentisofoho. Oso hwomu huhwo sohwo kako tɨfi noêmo aêamu hopiênonohino somo yokumpohnênyo mokosyohumane hweho. Oseso oso aêmusi kako hwomu aswo nomahonɨngki aêamu ahwomomjo sohwa hofɨko oso hwomo sohumo nutɨmantɨfi Anɨtuye epohumayo kakoênji wojo sopo uhumatɨmentohofofoho. 6 Oso hohosohonta oso aêmusi kako hwaho aêamu ane sopo Anɨtu kako aêmu simneêno ango molahumentiso sopo hiyaso leêofonto nohumentanɨngki aêamu ahwomomjo sohwa hofɨko wopayo uyontɨfi ntoêno mokosyohumentanɨngkofi soswo hufaêu sɨhune nomêne ajwopo mtɨhupo hamno aho fehohnjo hopiênono fehohntaêni angaêno uyakoloêmentisofoho. 7 Oso hohosohonta oso hiso uhwononji nomêne uhwonɨmentoho, ahwomomo ikujoho engo lɨkaêmentisofoho. Ahwomomjo hwe yofe engoênjo Maikel oso hwoênji kakoe ahwomomjo aêamu sohwanji hofɨko homa sohwoênji nomêne sohwa homa sohumo inɨngkamotofo sohwanji ikujoho engo fongkiênɨmentohofofoho. 8 Oso ikujoho fongkiênɨmentohofo hiso Maikel kakoe aêamu ahwomomjo sohwanji hofɨko homa sohwo kakoe aêamu sohwanjimo hwotoho fentɨfi ahwomo mtaêni wae yaoêmentohofofoho. 9 Osoêno homa sohwo kakoe honɨngkano ahwomomo siyoêneso nɨhuênahone hano pitofasyontɨfi hwahopo nɨhuênahone hoênaoêmentohofofoho. Oso homa hohonta humamentiso huhwo sohwo Setenɨyoho. Oso Seten huhwo sohwo kako hwe moyaêmi hwahoponjo somo hwasyo hungkuno ulɨwoênɨngkiso hweho. Oso huhwo sohumo kakoe aêamuênjo hwahopo wehoênaofapmmentohofofoho. 10 Ose yahonɨngkofi ahwomo mtaêni mampaho engo ole hoênɨmento, Olohonta nakwoe Anɨtu kako nakumo moiêwo nto menesojwaoêmaho. Olohonta Anɨtu kako Setenɨye tojo somtaêni moiêwo nto mesejwonamokwoho. Osoêno Anɨtuênji kakoe hwomu uhwosopoêmentiso Kɨlais oso hwoênji sikoe yakumpohnênyoso olohonta utɨhwaênyopo nto iêmofapohoho. Olohonta siko nɨhuênahone yokumpohnênyo wonemokosyohumanjiyoho. Kɨlais kako yofe hwofiloênnyoso nto makwoho. Hwapɨngoso Seten kako sɨkuno huhwo huhwi Anɨtuye sɨmanopo lohofonto Anɨtuye aêamu somneêno hwasyo hungkuno mjɨlɨmojo sohwo nɨhuênahone ahwomo mtaêni wae yamokwoho. 11 Nakwoe aêamu Jisas hofɨkoe honɨngkano wonyomneêno kakoe honɨyo usɨhumaêmentiso soênji Anɨtuye hungkuno aêamu nomêne somo lutɨhwawoênɨngkohofoso oso Anɨtuye hungkuno hisoênji hofɨkimo yokumpohnênyo utofahonɨngki Setenɨmo hwotoho hmmentohofofoho. Hofɨko olo hwaho lopo wopɨngo humayo soêno huno mosyafɨsiyoênjo imentohofofoho. Oêo hofɨko Anɨtuye syoho soêno mango sohwa hofɨkimo fonjasiyo soêno iyoho munyoênjo imentisofoho. 12 Oseso sekwo aêamu ahwomomjo soku Seten kako ahwomomo ulɨkoêmaêmentiso soêno sekwo sɨmonyo fiyɨmno. I osoêno sekwo hwahoponjo soku mijo ayomjo sokuneêno ngko hitoho ntokwoho. Seten kako sɨmeho tohinoênji sekuyepono nto pmmaho. Seten kako kakoe sɨkuno tɨfo soêno huno uyohoho. Ose hoênɨmentisofoho. 13 Aêamu ahwomomjo sohwa oso homa Seten sohumo hwahopo nowehoênofopahonɨngkofi Seten kako honɨngkanɨmentisoso hwahopo humanto kako aêmu hwomu aswo maêmentiso simo tɨfi inɨfotoêmentisofoho. 14 I inɨfotofontanɨngki oso aêmu simo Anɨtu kako yɨhufo sɨwe fefeeloho usopiyofahonɨngki oso aêmusi kako hwaho aêamu ane sopono fekwamentisofoho. Osopo Anɨtu oso aêmu hnneêno ango ntoêno esyohumamentiso soêno homa sohwo kakimo toho molofasiyoênjo imentisofoho. Oso hopo sopo aêamu ahwomomjoso hofiyo umokosyohumentanɨngkofi soswo hufaêu sɨhune hamno aho fehohnjo hopiênono nomêne mtaêni angaênohino uyakoloêmentisofoho. 15 Homa sohwo kako ape simo mijo womihulofononto kakoe mango mtaêni mijo ifofayo paênyo swaponto oso aêmu simo tɨfi umjɨhwosi womihulofononto imentisoso awonoho. 16 Oso mijo hiso oso aêmu simo womihuloêmo lonto tɨfi inɨngkowahonɨngki hwaho sohwo nuhwononto mango yoêmokosyohumentanɨngki mijo ukwato lohofonto oso mijoso wenɨngkuênaofamentisofoho. 17 Oso homa sohwo oso hiso nuhwononto oso aêmu hnneêno sɨmeho tohino mɨkunɨmposo umnɨngkahonɨngki oso aêmu siye imu sohwamo wofonjahumonto imentisofoho. Oso imu huhwo sohwa hofɨko Anɨtuye hungkunomo tɨfi inɨngkawowoênɨngkohofofoho. Hofɨko Jisasɨye hungkuno lontɨfi inɨngkowalokwofo. 18 Oso homa huhwo sohwo kako mijo ayo momɨngo sopo lohoêmentisofoho.