Toho Wojo Honajo Hungkuno 9
PNG1 Aêamu ahwomomjo aho fehohnjo hopiênonohino sohwo kako kounoho yoka lahonɨngki uhwonɨmentoheso hntokwaliyo angaênohino sohwo kako hwahopo pɨwahuêmentisofoho. Nopɨwesyahonɨngki hofɨko oso hntokwaliyo homo somo piênɨmo hwapɨngo aneênjo sopo hano hwosampesoso uyɨmentohofofoho. 2 Piênɨmomjo hokuêyo hwosompeehonɨngki oso piênɨmo homo somjo toho engo somtaêni tɨkayo sɨkwoêmno engoso sapmmentisofoho. Oso tɨkayo hiso mofehiênyoênji ifofo sɨmano esyaofoêneso sɨkwoêmno imoênɨmentisofoho. 3 Oso tɨkayo homo somtaêni mpompalɨême paênyo piênɨngo engo folofomanto hwaho ae yawojoêmo ifehuêmokahumentisofoho. Oso mpompalɨême paênyo huhwo sohwa hofɨkoe yokumpohnênyoso aênantɨhwoyo sohwafe yokumpohnênyo paênyo hwafoho. Oso yokumpohnênyo hisoênji aêamumo mokintofoênefoho. 4 Hofɨko mpompalɨême paênyo sohwamo ole ulɨmentohofi, Sekwo hoja hwanji iyo hwanji yoêmayo hwaho loponjo fokaênyo somo fonɨfonyo imokukutoho. Oêo, hwe moyaêmi Anɨtuye ifalifaliyo yomohuênyopo mamtɨêmokinyoênjo somo tohino engo uyɨmno. 5 Sekwo hwe moyaêmi hopiênonohino homo somo tohino engo uyontanɨngkuji hamno aho fehohnjo hopiênono woseyakoloêmontonoho. I osoêno sekwo poyo umokukutoho. Ose ulahonɨngkofi mpompalɨême paênyo huhwo sohwa tohino engo aênantɨhwoyo sohwa uyɨwoênɨngkohofo hopaso uyɨmentohofofoho. 6 I oso hohosohonta aêamu tohino engo mafɨkujoêno poyo wapeênɨfe ko lɨkuji tohino uyɨfijoso aêamuso hofɨko poyo peênyoêne honɨngkanoso motɨpemapɨfitnnehofo. Oso hisoêno poyo umoênano ko lɨfijoso poyo mmoênɨfitnnehofo. 7 Ngko uhwonɨmentoheso oso mpompalɨême paênyo huhwo sohwa hofɨko oso yahu aêamu hnênomokomɨwoênɨngkohofo sohwafe engo paênyo hwafoho. Hofɨko ikujoho wofongkiênano lontɨfi itoêno esyohumentanɨngkofi uhwonɨmentohefoho. Hofɨkoe mnokino sopo wokoso wonyoangkafo fotoênɨmentohofofoho. Hofɨkoe sɨmanoso aêmosɨmanoênjo hwafoho. 8 Hofɨkoe mijiyoso sawemofoho. Hofɨkoe mangoso sɨwatɨmangofoho. Mango hiso yokumpohnênyo yahu sɨhwano paênɨngofoho. 9 Oso mpompalɨême paênyo sohwa hofɨkoe swokinoso mijo yɨhumo sohwafe aêapaho nɨhuêno sojo paênyo uhwonɨwoênɨngkuhwoneso paênyoênjo hwafoho. Hofɨkoe fefeeloho peengku peenjo mpuyo piênɨngo engoênjo paênyofoho. Yahu piênɨngo engo sohwafe kuntoêyoka paênyofoho. 10 Hofɨkoe somiso aêamu somo montitofontanɨngkofi hamno aho fehohnjo hopiênono uyakoloêmentisofoho. Tohino engo mɨkunɨmposo uyɨmentohofofoho. 11 Mpompalɨême paênyo sohwafe hwe engo sohwo kako towahuno wonyo sohwo piênɨmo hwapɨngo ane soêmo mokosyohumawoênɨngkiso hweho. Kakoe yofeso aêamu Hipɨluso ole lɨwoênɨngkohofoso Opeeton. Aêamu Ngkɨlikɨso ole lɨwoênɨngkohofi Opalɨyon. Oso hungkuno hwapɨngoso olenoho. Aêamumo Wonyo Umokuwoênɨngkiso hweho. 12 Osohonta uhwonɨmentoheso tango engo mɨkunɨmposo sɨmoêmjoso moiêwonoho. Nomêne hufaêu weho. Tango hufaêu umoênɨmontonoho. 13 Aêamu ahwomomjo aho fehohnjo hopiênono nomêne mtaêni angaênohino sohwo kounoho yoka lɨmentisofoho. Oso Anɨtuye sɨmano soponjo ijempoho naênohinoênjo Anɨtumneêno yoêmayo hoênasyɨwoênɨngkohofo sopo hwolafeso osofosofahuênohinoênjo sopo yahu mpulɨmokau sɨhwano hopa uhwonɨmentohefoho. Oso ijempoho hopo sopo ntaêni mampaho hoênɨmentisofoho. 14 Oso aêamu ahwomomjo kounoho yoka lɨmentiso sohumo mampaho hiso ole ulɨmento, Kɨko towahuno wonyo osofosofahuênohino sohwa Mijo Yufɨletis tafe sopo impe intoênawotofo sohwamo nuêmahoji fisɨhutoêmɨhwajo. 15 Ose ulahonɨngki kako nowento isɨhutoêmɨhwajɨmentisofoho. Oso towahuno osofosofahuênohino wonyo sohwamo Anɨtu kako olo soswo lomo olo hamno lomo olo sɨkuno lomneêno impe intoênawoêmentisofoho. Hofɨko nowekuji aêamu hwahoponjo hopiênonohino somo hufaêu sɨhune hotitofɨkuji angaênohino somo fonjasyɨkuji mtitofo hufaêu umoênɨmontonoho. 16 Oso towahuno wonyo sohwamo isɨhutoêmɨhwojahonɨngkofi ole upaênɨmentoho, Towahuno wonyo huhwo sohwafe aêamu ikujohoêne yahupo kehumalofo sohwa hofɨko nɨhuêno piênɨngo hwafoho. Tu hantɨlet miliyon (200,000,000) hwafoho. 17 Ngko wojo hopa uhwonɨngkoheso olenoho. Aêamu yahupo kehumalofo sohwafe manjiêmofo sojo paênyoso honɨjwo, sonjijo hwosɨmijoênjo hwafoho. Yahu sohwafe mnokinoso sikisɨwojo sohwafe mnokinoênjo paênyo hwafoho. Yahufe mango mtaêni tɨkayo akino wonyoênjo sɨkwoêmno hwosɨmijoênji tohoênji sijomokohoênaweho. 18 Oso toho hisoênji tɨkayo akino wonyo sɨkwoêmnoênji hwosɨmijoênji hofɨkoe mango mtaêni aêamu hwahoponjo somo hufaêu sɨhune hotitofonto mtitofo angaênohino somo poyo imokumentohofofoho. 19 Oso yahu sohwafe yokumpohnênyoso hofɨkoe somimo hofɨkoe mangomo woênnyoponoho. Hofɨkoe somiso homa aêamumo toho lofɨwoênɨngkiso sohwafe mnokinoênjo paênyo hwafoho. 20 Aêamu poyo mapeênyoso hofɨko nohumantɨfi hofɨkoe yahino wonyomneêno sɨmeho mɨwoloêmokiyoênjo imentohofofoho. Oêo, hofɨko towahuno wonyo homo somneêno hwomtame ulohofɨwoênɨngkohofofoho. Oso towahuno wonyo huhwo sohwafe yofe hoênomayoêne soêno hofɨko hwasyo anɨtuye huyoêmango sojo mtaêni iyo mtaêni hwaho mtaêni mtɨêmokontɨfi osomo hwomtame imentohofofoho. Oso mtɨêmokumentohofoso haloho mupaênyofoho. Tɨmo muhwonyofoho. Hano memoyoênjofoho. 21 Aêamu hiso hofɨko nomêne aêamu somo nofonjasyontɨfi kiênyo imokontɨfi aêmohufo yontɨfi yoêmayo hoêyangoso hufo maêmentohofofoho. Oso yahino wonyo homo somneêno hofɨkoe sɨmeho mɨwoloêmokiyoênjo imentohofofoho.