Loum 14

1 Aêamu fihwo kako Anɨtumneêno huno weêeênohino tɨpemaso sohumo sekwo kakimo ole ulɨkutoho, Kɨko huno kengo kengoênjo sohwosi iêwaho fiyo. Ose ulɨkutoho. Oêo, sekwo kakimo nutɨmafɨkuji ole ulɨmno, Nakwo Anɨtumo sɨmeho hiêntnnono uyɨwoênɨngkuhwone hnênnonji Anɨtu kakoe yofe wohoênomano. Ose ulɨmno. I osoêno sekwo kakoe huno kengo kengo soêno yoka ulɨkutoho. 2 Aêamu fihwo kako Anɨtuye huno engo tɨpemaso sohwo kako yoêmayo nonyo wosopayo tongo fehohnjo soêno kako humaho humawoênɨngkiso hwoêmaho. Oêo, kako yoêmayoso tohoênohini nɨwoênɨngkiso hweho. I hwe fihwo kako Anɨtuye huno weêeênohini tɨpemaso sohwo kako yoêmayo tongoso humaho humawoênɨngkiso hweho. 3 I hwe kako tongo oso yoêmayoso nɨwoênɨngkiso osohwo kako nomêne aêamu tongo oso yoêmayoso manɨwoênɨngkiyohofo somo sitofo mulonehoho. I osoêno oso aêamu tongo oso yoêmayoso manɨwoênɨngkiso sohwo kako oso aêamu tongo oso yoêmayo nɨwoênɨngkiso oso huneêno, Kɨko wonyo hwosoho, ose ulohotoho. Oêo, aêamu huhwo sohwaêu siko Anɨtuye aêamu hwaêuyoho. 4 U kɨko aêamu tɨhwosilo nomêne aêamu sohwoe syoho ulohofiyo sohwoe syoho iyosoêno kɨko syoho wonyo yalokuno, ose ulɨmontaho. Oêo, awonoho. Oso hwe huhwo sohumo mokosyohumayo sohwo kako ulɨmontono, Kɨko syoho wonyo yalokuno, wopɨngo yalokuno, eso kakoe hwe engo sohwo ulɨmontonoho. Oso paênyoso Anɨtuye aêamu huno kengo kengoênjo sofe hwapɨngoso Anɨtuyoho. Oso huhwo sohwafe hwe engo Anɨtu huhwo sohwo kako kakineêno tɨfi inɨngkayoêne syoho iyosoêno hofɨkimo yokumpohnênyo umokumontonoho. Osoêno kako hofɨkimo yokumpohnênyo sosofitohmmokosyohumentanɨngkuhwosi hofɨko yokumpohnênyo wolohofantɨfeho. Mopɨwahupitnnehofo. 5 Aêamu fihwo kako huno ole wosyafɨhuêmontonoho. Olo sɨkuno loso sɨkuno engomnoho. Osoêno ngko olo sɨkuno losomo Anɨtumneêno syafɨsyɨêmo iyoho wohumamo. Ose syafɨsyɨhwosoêno nomêne aêamu sohwo kako ole walɨmontonoho. Sɨkuno hopiênonohinoso afaênohinofoho. Osoêno ngko sɨkuno hopiênonohinomo Anɨtumneêno wosyafɨhuêmonnoho. I osoêno sekwo aêamu angaêno angaênohino soku olo hungkuno hilo soêno huno ntoêno syafɨsyɨkujoêno Anɨtu kakoe hunomo nosetɨhwahwosoêno sekwo osomnohini hmnɨngkamno. 6 Aêamu angaênohino fihwo kako olo sɨkuno nje hwe engo sohwoe yofe hoênomayoêne Sɨkuno Engofoho lonto iwoênɨngkiso hweho. Aêamu nomênihwo kako yoêmayo tongo oso yoêmayoso nɨwoênɨngkiso sohwo kako kakoe hwe engo sohuneêno syafɨsyonto nɨwoênɨngkiso hweho. Ou, kako kakoe Hwe Engo Anɨtuneêno jomo ulonto nɨwoênɨngkiso hweho. U aêamu kako yoêmayoso manyoênjo iwoênɨngkiso osohwo kako kakoe Hwe Engo sohuneêno huno syafɨsyonto kako yoêmayoso humaho humawoênɨngkiso hweho. Osoêno kako huhwo Anɨtumo isamoyoka ulɨwoênɨngkiso hweho. 7 Nakwoe humayo soênji nakwoe poyo peênyo soênji oso hisoêno nakwo nakwoe hunoso momokosyohumunilohwono. 8 Oêo, awonoho. Anɨtu kakoênohini nakwoe sɨkunoso mokosyohumawoênɨngkisofoho. Anɨtu kako nakumo songo fosyohumamno ose nelahonɨngki nakwo songo nohumehwasi kakoe hungkunomo unɨngkohwono. U Anɨtu kako ole naloso, Sekwo poyo peênɨmno nalososo u nakwo poyo wopeênantanoho. U nakwo poyo peênasoso u nakwo songo humasoso nakwo Anɨtuye aêamuênwoho. 9 Kɨlais kako poyo peênonto apaêno songo lɨkaêmentiso osoêno kako aêamu poyo peênɨmentohofo soênji nakwo aêamu songo humalohwone hnênnonjiye Hwe Engo hweho. 10 I osoêno sekwo soku nomêne aêamu sofe yahino kengo somo uhwonontɨfi oso sekwoe yahinoso wonyofoho eso pehoêno lalokwofo. I osoêno sekwo soku, nomêne aêamu somneêno sitofo pehoêno ulalokwofo. Sekwo huno seyohoho. Hwangku nakwo Anɨtuye sɨmanopo lohofɨhwasi nakwoe hungkuno soêno Anɨtu kako ikwolofonefoho. 11 Oso hungkuno selalokwe soêno aêamu Anɨtuye hungkuno mtɨêmokumentohofo huhwanji olo soêno mtɨêmokumentohofi, Hwe Engo Anɨtu sohwo kako ole lɨmento, Ngko songo humale sohwoêni hungkuno nehopiênohini selalokweno. Oso sekwo huno waseyono. Hungkuno hiso ne umoênɨmontonoho. Hwangku sohonta aêamu hopiênonohinoso hofɨko nje yofe hoênonɨmafɨkuji hofɨko ngkineêno hwomtame wontohofantɨfeho. Oseso aêamu hopiênonohinoso hofɨko ngkimo wontantɨfeho. Kɨko Anɨtu ne hwosoho. Ose wontantɨfeho. Ose mtɨêmokumentohofofoho. 12 Osoêno nakwo huno ole nayohoho. Hwangku sohonta nakwo angaêno angaênohino hnênwi nakwoe yahino iwoênɨngkuhwone soêno nakwoe Anɨtumo nakwoe yahino hwapɨngo soêno yoloho wolɨjwaofantanoho. 13 Nakwo aêamu Anɨtumo sɨmeho uwoênɨngkuhwone hnênwi nomêne aêamu hofɨkoe yahino kengo kengoênjo somneêno huno wonyo nosyofɨsyɨhwaloho. Oêo, nakwo huno ole wosyofɨsyano. Ngko olo yahino loso iêmeêno nomêne aêamuso hofɨko nonehonɨngkuji hofɨko nje yahino homo somo wonyofoho ko lɨkuji hofɨko nnɨngkapɨkuji hofɨkoe huno wonyo imokinɨfitnnoho lɨêmo oso hiso ngko mimnehono. U ngko yoêmayo iwoênɨngkohe soêno aêamu nomêneso hofɨko Anɨtuye honɨngkano mtaêni pɨwahupitnnoho lɨêmo oso hiso apaêno mimnehono. 14 Nje Hwe Engo Jisas kako ngkimo entɨhwamaso soêno ngko huno ntoêno ole niyohoho. Yoêmayo Anɨtu nakuneêno nonyo wosopayo hoênahumentisoso fehohnjo wonyoênjo hoênahumentisoêmaho. Oêo, wopɨngoênohinifoho. I osoêno hwe fihwo kako huno ole syofɨsyalofoho. Ngko olo hiloso nɨmeso nje honɨngkanoso wonyo umoênɨmontonoho. Kako huno ose syafɨsyososo u kako nosoêmanji kakoe honɨngkano hiso nɨhuêno wonyo umoênɨmtonoho. 15 U kɨko yoêmayo wosopayo nɨwoênɨngkino somo nomêne aêamu hofɨko nokohonɨngkuji hofɨkoe sɨmeho tango uyosoêno u kɨko oso wosopayo hiso neêno nonji oso aêamu homo somo kɨko sɨmeho muyalokuyohino. Kɨlais kako oso aêamu homo somneêno asomo utɨmayoêne poyo peênɨmentiso osoêno kɨko oso wosopayo hiso neêno nonɨngkiji kɨko nomêne aêamumo wonyo umokohotoho. 16 Kɨko yoêmayo yahino iwoênɨngkino soêno wopɨngofoho huno ose kihwosoêno aêamu nomêneso hofɨko kikimo nokohonɨngkuji wonyofoho kilɨkujoêno kɨko oso yahino hiso apaêno yohotoho. 17 Nakwo Anɨtumo enjwaêmo humalohwone hnênwi nakwo pehoêno humalohwono. Yoêmayo nonyo wosopayo nyoênetaho. Yoêmayo mijo nyoênetaho. Oêo, oseêneêmaho. Nakwo Anɨtumo enjwaêmo humalohwone hwapɨngoso olenoho. Anɨtu kakoe Towahuno Wopɨngo nakwoe sɨmeho moêmo humaso soêno kako honɨngkano ntoêno inɨngkayo soêno nefoêmawoênɨngkisofoho. Kako nakwoe sɨmeho pompenjiyo ifɨsyonamofɨwoênɨngkisfoho. Kako nakwoe sɨmeho wopɨngo namokuwoênɨngkisofoho. Osoêno nakwo nomêne aêamumo wopɨngoênohini ulohofano. 18 Aêamu ose iwoênɨngkiso sohwo kako Jisas Kɨlaisɨye syoho ulohofiyo ne hweho. Oso aêamu huhwo sohuneêno Anɨtu kako kakoe sɨmeho wopɨngo umoênalofoho. Aêamu nomêneso oso hwe huhwo sohumo uhwonontɨfi hwe wopɨngo hweho lalokwofo. 19 Nakwo angaêno angaênohino hnênwi nakwo huno olo soêno wosyofɨsyano. Nakwo sɨmeho afa unano. Yoêmayo yahino nakwoe sɨmeho afa namokuwoênɨngkiso yahinoso yokumpohnênyo uyano. Osoênji yoêmayo yahino nakwo aêamu Anɨtumneêno uhuêmokuwoênɨngkuhwone hnênwiye sɨmeho hiêntnnono uyoso yokumpohnênyo namokiyoêneso uyano. 20 Aêamu huno kengo kengoênjo sofe sɨmeho moêmo Anɨtu kakoe yahino wopɨngoso utɨhwayoêne syoho engo yalofoho. I osoêno aêamu fehohnjoso hofɨko huno ole syofɨsyalokwofo, Nakwo nonyo wosopayo fehohnjoso nasoso nakwoe yahinoso wonyo umoênɨmontonoho. Aêamu fehohnjoso ose syofɨsyalokwofo. Oseso nakwo huno nayohoho. Yoêmayo nonyo wosopayo yoêmayo tongoso Anɨtu nakwo nyoêneêno hoênahumentisofoho. I osoêno oso wosopayo soêno aêamu fehohnjo manyoênjo humaho humawoênɨngkohofo somo nakwo nɨkwato lohofasoso aêamu hiso hofɨkoe hunoso wonyo imoênɨngkuhwosoêno u hofɨkoe sɨmeho moêmo Anɨtu syoho yalokunjo somo nakwo wonyo umokantanoho. Ose ihwasoêno nakwo hiênnonji honɨngkano wonyomo unɨngkowantanoho. 21 Huno wopɨngoso olenoho. U yoêmayo yahu tongo nɨwoênɨngkoheso yoêmayo mijo nɨwoênɨngkoheso yoêmayo yahino iwoênɨngkoheso osoêno nomêne aêamu sohwo kako ngkimo nohonososo yahino hiso wonyofoho ko lɨhwosi ngkimo nnɨngkapeêmanji kakoe yahino wonyo imoênonoho lɨêmo ngko kakoênji nohumahmêmo oso yahino hiso apaêno mimnehono. Oso huno hiso wopɨngofoho. 22 Oso yoêmayo yahino hisoêno Anɨtu kakoe hunoso kijapososo oso hunoso sikoeênohinofoho. Nomêne aêamu somneêno yoloho lɨjwaofohotoho. Kɨko yoêmayo yahino iwoênɨngkinoso yoêmayo nonyo wosopayo nɨwoênɨngkino soêno jɨje sɨmehoso wonyofoho mahnnyoêmanji kɨko sɨmonyo fiyo. 23 Aêamu fihwo kako wosopayo nyoêne soêno u yoêmayo yahino iyosoêno wonyofoho ko lɨhwosi yoso sohwo kako yahino wonyoênjo hweho. Hwapɨngoso yoêmayo iwoênɨngkuhwone soêno nakwo sɨmeho angaênohinoênji ole syafɨsyɨwoênɨngkuhwono. Olo yahino loso ntoênohinoho. Ose syofɨsyontani iwoênɨngkuhwoneso oso yahinoso wonyo anefoho. I nakwoe sɨmehomo huno hufaêuyoênjoêmanji u oso yahino hiso yasoso wonyofoho.