Loum 5

1 Nakwo Jisas Kɨlaisɨmo sɨmeho hiêntnnono uyɨwoênɨngkuhwone soêno Anɨtu kako nakumo ole nelalofoho, Wopɨngo kuyoho nelalofoho. Osoêno kako nakwoe wonyomneêno sɨmeho tohinoso mumnyofoho. Oêo, nakwoe Hwe Engo Jisas Kɨlais sohwo kako yoêmayo wopɨngo nalohoêmentiso soêno nakwo Anɨtuênji sɨmeho afa inalokuhwono. 2 Nakwo Anɨtumo ufohiênɨfitnneêento honɨngkano namommentiso soêno Anɨtu kako nakumo wopɨngo nelohofalofoho. Osoêno nakwo sɨmonyo yontani nakwo Anɨtuênji wopɨngopo humayoêne hontohumalohwono. 3 Sɨmonyoso osoênohini miyalokuyɨhwono. Oêo, yoêmayo tango neêmaso osoêntnneêno sɨmonyo yalokuhwono. Hwapɨngoso yoêmayo tango neêmasoso nakwoe sɨmeho yokumpohnênyo sosofitoênyoênefoho. 4 Yoêmayo tangoso ko neêmasoso nakwo yokumpohnênyo lohofontanɨngkuhwasi Anɨtu kako wopɨngo kuyoho wonalɨmontonoho. Huno ose naihwosoêno nakwo Anɨtu asomo netɨmayoêne hontohumalohwono. 5 I yoêmayo wopɨngo soêno hontohumehwasi nakwo Anɨtumo sɨmeho hiêntnnono neêno uyɨhwasi nakwo wonɨmango monanonehoho. Hwapɨngoso Anɨtu kakoe hitohoso nakwoe sɨmehomo hoênonahumentisofoho. 6 Nakwo wopɨngo imoênyoêne yokumpohnênyo ane humentanɨngkuhwoni Jisas kako oso sɨkuno Anɨtu hoênahumentiso somo nakwo aêamu Anɨtumo hohujo ikinjɨmoênnyo hnênɨmo asomo netɨmayoêne peênɨmentisofoho. 7 Jisas kako nakumo sɨmeho nejapɨwoênɨngkiso hopaso nakwo nomêne aêamumo uyantontaho. Hwe fihwo kako nomênihwo honɨngkano wopɨngoênjo sohumo ufoêmayoêne wapeênɨmontolaho. Oêo, awonoho. I aêamu angaênohino sohwo kako aêamu nɨhuêno wonyoangkafo sohuneêno ufoêmayoêne wopeênɨmontolɨkeno. Ngko huno maniyohoyohoho. 8 I osoêno nakwo nɨhuêno wonyo nohumentanɨngkuhwoni Jisas Kɨlais kako nakumo nefoêmayoêne peênɨmentisofoho. Ose imentiso soêno Anɨtu kako nakumo sɨmeho nejopalokunjo soêno utɨhwaênyopo ujo ehontojwahumentisofoho. 9 Jisas nakumneêno peênɨmentiso soêno Anɨtu kako nakumo wopɨngo kuyoho nelalofoho. Oseso nakwo Jisas Kɨlaisɨênji nohumentani nakwo huno ole nayohi, Anɨtu kako tohino monejaponehoho. 10 Sɨmoêmo nakwo Anɨtuye mango hwonaêni humamotohwone sohonta Anɨtuye Hwomu sohwo nakwoe wonyoêne peênɨmentiso soêno kako Anɨtuye aêamu ne namokumentisofoho. Olohonta Kɨlais kako songo humaso sohwo kako nakumo neêno wonefoêmaêmontonoho eso huno nayohoho. 11 Oseso nakwoe Hwe Engo Jisas Kɨlais kako nakumo Anɨtuênji motonefohiênɨngkahonɨngki nakwo Anɨtuye aêamu ne imoênontani sɨmonyo engo yalokuhwono. 12 Nakwo olo soêno huno nayohoho. Hwe sɨmoêmjo sohwo kako wonyo imentiso sohonta olo hwaho lopo yahino wonyoso iêmofapmmentisofoho. Poyo peênyoso oso yahino wonyo homo somtaêni imoênɨmentisofoho. Osoêno nakwo hopiênono poyo peênɨwoênɨngkuhwono hwapɨngoso nakwo hopiênono wonyoênjɨênwoho. 13 Anɨtuye honɨngkano hungkuno mêmofape sohonta nakwoe hwaho lopo yahino wonyoso woêmojoponoho. I osoêno Anɨtu kako kakoe honɨngkano hungkuno muyoênjo imentiso soêno kako aêamufe yahino wonyo somneêno tohino mummentisofoho. 14 Oseso Atam nohumanto honɨngkano wonyo yonto peênɨmentisofoho. Oso mtaêangoso neêno mjɨmoênɨmoponto Mousesɨye sɨkuno iêmofapmmentisofoho. Sɨmoêmo Atam Anɨtuye hungkuno ko upaênonto hwotoho fento wonyo imentisofoho. Aêamu tɨfinjoso hofɨko Anɨtuye hungkuno momasoênjoso Atam hungkuno homo somo hwotoho hmmentiso paênyoso ko mahmmentohofoso hofɨko huhwa wonyo yontɨfi poyo peênɨmentohofofoho. Atam kako sɨmoêmtaêango sohwo imentiso sohwoe yahino somo aêamu hopiênono kakimo tɨfi inɨngkamentohofofoho. I osoêno tɨfi noêmo Jisas kakoe yahino songo aêamu tɨfi inɨngkayoêne mojɨêmofapmmentisofoho. 15 Oseso Atamênji Jisasɨênji siko afa sɨmoêmjo hwaswoho. I osoêno siko yahino nɨhuêno kengo kengo imoêmentisiyefoho. Atam kako wonyo engo imentiso oso mtaêangoso aêamu hopiênono hofɨko nopeênɨwoênɨngkohofofoho. I osoêno Anɨtu sɨmeho wopɨngo mɨkunɨmposo nejapmmentisoso kakoe hwomu Jisas Kɨlais nejapmmentisofoho. Jisasɨye yahino wopɨngoso Atamɨye yahino wonyo somo nuyakolofonto nakwoe wonyoso wae enaoêmentisofoho. 16 Anɨtu kakoe hwomu nakwoe hwaho lopo uhwatɨmentiso sohonta kako Atam olo hwaho lopo yahino wonyo imentiso hopa imentisoêmaho. Atam kako sɨmoêmo wonyo yahonɨngki Anɨtu kako nahonɨmentisoso nakwo hopiênono wonyo ihwasi poyo peênyoêne nahonɨmentisofoho. Anɨtu ose nahononto kakoe huno mtaêni kakoe hwomu nakumo wopɨngo nalohofoêne nejapmmentisofoho. Oso wopɨngo nalohoêmentiso soêno wopɨngo kuyoho nelalofoho. 17 Hwe sɨmoêmjo Atam sohwo kako Anɨtuye hungkuno haloho maposoênjo imentiso soêno nakwo aêamu hwahoponjo hnênwi poyo peênomaêmentɨhwonefoho. I osoêno Anɨtu kako nakumo wopɨngo nalohoêmneêento kakoe hwomu nejapmmentisofoho. Aêamu fihwo kako yoêmayo Jisas imentiso somo sɨmeho wopɨngo uyoso osohumo Anɨtu kako wopɨngo kuyoho ulɨhwosi songo neêno humayoêneso uyɨmontonoho. Oso aêamuso kako Jisas Kɨlaisɨênji neêno nohumahwosi yoêmayo somo Jisasɨênji mokosyohumantokutnnefoho. 18 Ihwoni, hwe angaêno kako wonyo imentiso soêno nakwo hinjohoênwi honɨngkano wonyoênjo imoênɨmentɨhwonefoho. Osoêno poyo wapeênɨfe nalɨmentisofoho. I, tɨfi noêmo hwe angaêno Jisas sohwo kako wopɨngo imentiso soêno kako nakwoe wonyo honɨngkano somneêno poyo peênyo hungkuno somtaêni nakumo isɨhutofonemanto songo humayoêneso nejapmmentisofoho. Osoêno Anɨtu kako wopɨngo kuyoho nelalofoho. 19 Ihwoni. Olenoho. Hwe angaêno kako Anɨtuye hungkunomo haloho maposoênjo imentiso soêno aêamu hopiênonohino hnênwi yahino wonyo imoêmentɨhwonefoho. I hwe angaênohino nomêne sohwo kako Anɨtuye hungkunomo haloho poêmentiso soêno Anɨtu kako aêamu piênɨngo engo hnênyumo wopɨngo kuyoho nalɨmentisofoho. 20 Anɨtu aêamu hnênyumo kakoe honɨngkano hungkuno nejapmmentiso soêno nakwo nakwoe honɨngkano wonyoso nɨhuêno wonyo honɨngkonɨmentɨhwonefoho. Nakwo wonyo engo ko yahonɨngkuhwoni Anɨtu kako nakumneêno wopɨngo mɨkunɨmposo wonyoangkafo nelohofalokunjoso nakwoe wonyo engo somo yakoloênnyofoho. 21 Hohonta yahino wonyo engoso nakumo yokumpohnênyo nemokosyohumanto poyo namokumojofoho. Olohonta Anɨtu kako nakumo wopɨngo nalohofonto kako wopɨngo kuyoho nalonto songo humayoêneso nejopalofoho. Hwapɨngoso nakwoe Hwe Engo Jisas Kɨlais nakwoe wonyomneêno tohino engo maêmentisofoho.