Loum 7
PNG1 Nje aêamu soku, sekwo Mousesɨye honɨngkano hungkuno somneêno hunoênjo sokuneêno olo hungkuno loso waselɨmonneêno yohono. Aêamu songo humalofo sohonta hofɨko honɨngkano hungkunomo enjwaêmo humalofo. Hofɨko tɨfi inɨngkayoênefoho. I aêamu poyo peênyoso pipi inɨngkapɨfitnneêelo. Awonoho. Songo neênohinofoho. 2 Aêmu fisi hwehumo umaênɨngkuhwosi oso hwe sohwo songo nohumentanɨngkuhwosi honɨngkano hungkuno Anɨtu Mousesɨmo uyɨmentisoso nɨhuênahone sekumo mokotɨkuênnyofoho. Osohonta oso aêmusiye hwehwo poyo peênɨngkuhwosoêno oso honɨngkano hungkunoso oso aêmu simo apaêno momokiloêmokosyohumanehoho. Oêo, oso aêmusi kako apɨwojo wohumamontonoho. 3 I aêmu fisi kako kakoe hwehwo sɨmoêmjo sohwo kako songo nohumentanɨngkuhwosi oso aêmusi kako ape maênyo honɨngkanoso nomtɨhupehwosi nomênehumo umaênosoêmanji oso aêmusiye honɨngkanoso wonyo umoênɨmontonoho. U, hwe sohwo poyo peênɨngkuhwosoêneêmanji i oso aêmusi kako nomêne hwehumo umaênyoêmanji oso hiso wopɨngofoho. Oso yahino hiso honɨngkano hungkuno somo mtɨhupe-eêneêmaho. Oêo, oso wopɨngofoho. 4 Nje aêamu soku, sekwo upaênɨmno. Hungkuno hiso ne hwapɨngoso oleênefoho. Sɨmoêmo Mousesɨye honɨngkano hungkunoso sekwoe hwehwo paênyo humamentisofoho. I oso hohosohonta sekwo Jisas Kɨlaisɨênji sekwo poyo sapeênɨmentohofo sohonta sekwo honɨngkano hungkuno homtaêni peênɨmentohofofoho. Oseso honɨngkano hungkunoso sekumo apaêno momokiloêmokomokosesyohumanehoho. Oêo, awonoho. Kɨlais songo lɨkaêmentiso sohumo sekwo makotɨkuênɨmentohofo soêno sekwo hokunonji songo lɨkaêmentohofofoho. Oseso sekwo Anɨtuye yahino wopɨngoso iyoêne humalofo. 5 Hohonta nakwoe aêapaho huno sɨmeho tɨmo oso yoêmayo wonyoso umo lɨmojo oso hiso neêno yontanɨngkuhwoni oso yahino wonyoso yokumpohnênyo nemokosyohumamojofoho. Oso hohosohonta Anɨtuye honɨngkano hungkunoso nakumo ole nelahonjoso sekwo yoêmayo wonyoso ikutoho. Ose nelahonjo sohonta nakwo wonyo engo soêno neêmoênɨngkahonɨngki neêno imotohwonefoho. Oso yahino wonyo hiso nakumo poyo wonamokumonteêno yohoho. 6 I olohonta nakwo Jisas Kɨlaisɨênji poyo sapeênɨmentɨhwone soêno oso yahino wonyo hiso nakumo yokumpohnênyo nemokosyohumamojo sohwo momokiloêmokomokonesyohumanehoho. Oêo, Kɨlais nakumo isɨhutofonemaêmentisofoho. Oseso olohonta nakwo oso honɨngkano hungkuno mtɨêmokumentohofo somo enjwaêmo mohumuyontani nakwo aêamu songo paênyo imoênontani Anɨtuye Towahunofe mampaho somo inɨngkowalokuhwono. 7 Osoêno nakwo pehofo lanehwono. Honɨngkano hungkunoso wonyofoho wolantantaho. Oêo, nɨhuêno awonoho. U, honɨngkano hungkunoso yahino wonyo yohotoho ose monajoênjo yontentesi nakwo ole hnnontanɨngkuhwanesohilo. Nakwo wonyoso aneênwoho. Ose hnnontanɨngkuhwanesohilo. I olo soêno fɨsyafɨhupmno. Sekwo nomêne aêamufe yoêmayo somneêno hi semoênɨngkuhwaloho. Ose monajoênjo yontentesi aêamu nomênefe yoêmayo soêno hi ko nɨmoênɨngkahonɨngkuhwosi ngko ole lɨêmnesohilo. Ngko wonyoso ane hwoênyoho. Ose lontanɨêmnesohilo. 8 Sɨmoêmo ngko nomêne aêamufe yoêmayo soêno hi manɨmoênyoênjo yontanɨngki Anɨtuye honɨngkano hungkuno ntɨmento, Kɨko nomêne aêamufe yoêmayo soêno hi kumoênɨngkuhwoloho. Ose upaênɨmentohe sohonta nje hunoso nomêne aêamufe yoêmayo soêno hi engo nɨmoênɨmentisofoho. Olo soêno selalokweno honɨngkano hungkuno sohwo kako honɨngkano wonyoso yohotoho monajoênjo yontentesi oso honɨngkano wonyoso kakoe yokumpohnênyoso aneênesohilo. 9 Hohonta ngko honɨngkano hungkuno mupaênyo sohonta ngko hwe wopɨngo hwoênyoho syafɨhuêmotefoho. I oso hohosohonta ngko honɨngkano hungkuno upaênonji yoêmayo imote soêno huno syafɨsyonji lɨmentoho, Ngko wonyoênjo hwoênyoho. Oso hiso nuhwononji yahino wonyo hiso neêno yonji yahino wonyoso yokumpohnênyo nɨmokosyohumentanɨngki uhwonɨmentoheso honɨngkano wonyo huhwo sohwo ngkimo poyo nɨmokone soêno uhwonɨmentohefoho. 10 Oso honɨngkano hungkuno Mouses nalɨmentisoso ole soêno nejapmmentisofoho. Aêamu hofɨko honɨngkano hungkunomo hofiyoêno inɨngkafijoso songo paênyo humafitnneêento nalɨmentisofoho. I ngko oso hungkuno homo somo nupaênonji ole lɨmentoho, olo hungkuno homo losomo ngko itoêno minɨngkayoênjo imeso poyo peênɨmnoho lɨmentohefoho. 11 Ngko huno ole syafɨhuêmentoho, Honɨngkano hungkunomo inɨngkaêmeêmanji honɨngkano wonyo somo ngko uyakoloêmonnoho. Ngko huno ose ko syofɨsyahonɨngko honɨngkano wonyoso yokumpohnênyo nɨmokosyohumentanɨngki kako honɨngkano hungkuno somo hwasyo hwasyo imote soêno oso honɨngkano hungkuno huhwo sohwo ole ntɨmento, Kɨko poyo peênyo. Ose ntɨmentisofoho. 12 Oseso nakwo huno nayohoho. Anɨtu kakoe honɨngkano hungkunoso nɨhuêno wopɨngoênohinofoho. Oso hungkuno angaêno angaênohinoso hopiênono ntoênohinoho. Wonyo hungkunoso anefoho. 13 Oseso pipilo. Oso wopɨngo hiso ngkimo poyo wanɨmokumontolaho. Oêo, oseêmaho. Yahino wonyo sohwo kako poyo wanɨmokumonteêno yohoho. I honɨngkano hungkuno somo upaênonji yahino wonyo somo utɨhwaênyopo uhwononji nje honɨngkano wonyo engo somo uhwonɨmentohefoho. Ngko Anɨtuye honɨngkano hungkunomo upoênɨngkahonɨngko yoêmayo wonyoso yohotoho ko ntahonɨngki nje sɨmeho tɨmo sɨfe aho yoêmayo wonyoso umo lɨmoteso ngko wonyo hiso neêno iwoênɨngkohefoho. Osoêno honɨngkano wonyo yahino nɨhuêno wonyofoho nnɨngkohoho. 14 Anɨtuye Towahuno sohwo kako Anɨtuye honɨngkano hungkuno Mousesɨmo uyɨmentisoso Mouses kako mtɨêmokumentisofoho. I osoêno oso honɨngkano hungkuno homo somo ngko minɨngkayoênjo yahonɨngko yahino wonyoso yokumpohnênyo nɨmokosyohumentanɨngki ngko oso yahino wonyo huhwo sohwoe syoho ulohofiyo imoênɨmentohefoho. 15 Ngko nje yahino wonyo iwoênɨngkoheso neso ngko huno maniyohoyohoho. Ngko yahino wopɨngoênohini uyɨmo ko lonji oso yahino wopɨngo hiso mimmnehono. I oso yahino wonyoso miyoênjo uyɨmo ko lonji oso wonyo engoso iwoênɨngkohefoho. 16 Ngko honɨngkano wonyoso imote soêno ngkilaho lohono. Osoêno honɨngkano hungkuno Mouses nalɨmentisoso ngko wopɨngo uhwonɨngkohono. 17 Yoêmayo wonyo iwoênɨngkoheso ngkilaho lalokwe soêno ngko huno ole niyohoho. Oso wonyo iwoênɨngkohe hiso nje huno mtaênɨêmaho. Oêo, yahino wonyo nje sɨmeho moêmo mnawojoso yokumpohnênyo imoênɨngkahonɨngki oso wonyo hiso yalokweno. 18 Ngko huno ole niyohoho. Nje sɨmeho moêmo wopɨngoso momnauyoho. Oêo, nje sɨmeho wonyoênohino umo lɨmojofoho. Nje hunoso yoêmayo wopɨngoênohini uyɨmo ko lontnneso nje sɨmeho sohwo wopɨngo hiso miyonehoho. Osoêno wopɨngo yahino iyosoêno ngko yokumpohnênyo ane hwoênyoho. 19 Yoêmayo yahino wopɨngoso umo ko lonji yontnneso ngko miyɨwoênɨngkiyonoho. Yoêmayo wonyoso mimmnehono lontnneso oso wonyo hiso ngko iwoênɨngkohono. 20 Yoêmayo yahino wonyoso ngko miyoênjo umo lontnneso oso hiso ngko iwoênɨngkohono. Oso hiso nje huno mtaênɨêmaho. Oêo, nje sɨmeho sohwo fiyo ntahonɨngki ngko iwoênɨngkohono. Hwapɨngoso nakwoe sɨmeho moêmo yahino wonyoso nakumo yokumpohnênyo nemokosyohumaho. 21 Osoêno olo yahino wonyo loso nje sɨmeho moêmo mnaweho. Ngko yoêmayo yahino wopɨngoso umo ko lontnneso yahino wonyo somo hwosopeefɨwoênɨngkohe hwoênyoho. 22 Nehopi. Nje huno somo ngko ole syafɨsyɨwoênɨngkoho, Anɨtuye honɨngkano hungkunoso wopɨngoênohinofoho. Ose syafɨsyɨwoênɨngkohono. 23 I osoêno ngko ole honɨngkonalokweno. Yahino wonyoso nje sɨmeho moêmo mnanoweho. Oso yahino wonyo huhwo sohwoênji nje hunomo Anɨtuye honɨngkano hungkuno wopɨngo sohwo mnawojo sohwoênji ikujoho fongkiênalokusiyo. Nje huno somo ngko Anɨtuye honɨngkano hungkuno sohwoe syoho ulohofiyo hwoênyoho. I osoêno nje sɨmeho sohwo kako yahino wonyo sohwoe syoho ulohofiyo hweho. I oseso oso yahino wonyo sohwo kako ngkimo impoêangomo wonɨhumajɨêmonto yahonɨngki ngko youwo youwo lalokweno. Nje sɨmeho honɨngkano poyo peênyo somo ipenɨmotowalokunjo somtaêni tɨhwo wontɨmaêmontolo. Ngko nɨhuêno wonyo hwoênyoho. I oso hisoêno Jisas Kɨlais nakwoe Hwe Engo sohwo kako honɨngkano wonyo yokumpohnênyo somtaêni ngkimo isɨhutofonɨmayoêne hweho. Kako ngkimo asomo ntɨmaêmaso soêno ngko Anɨtumo isamoyoka ulalokweno.