Taitas 3
PNG1 Taitas sohwosi, jɨje aêamu somo olo hungkuno soêno huno ufohotofo. Yoêmayo hwe engo sekwo enjwaêmo humalofo sohwa hwaho mokosyohumayo sohwa osohwafe hungkunomo haloho pekuji yoêmayo syoho sejapɨfijoso sekwo komoêno fiyɨmno. 2 Ose ulohoji nomêne hungkuno ole ulohoho. Aêamu nomêne somneêno wonyo hungkuno nolɨkutoho. Ikujoho nofongkiênɨngkutoho. Oêo, sɨmeho pompenjiyoênji nohumafɨkuji aêamu hopiênonohino somneêno hwahopo pawomno. Wopɨngoênohini ulohopmno. Ose ulohoho. 3 Kɨko huno moiêwonoho. Hohonta nakwo hoênwi huno aneênwoho. Oseso nakwo hungkunomo hwotoho hmmotohwonefoho. Hwe wonyo Seten kako hwasyo hungkuno nalonto honɨngkano wonyomo ipenemotapmmentisofoho. Yoêmayo yahino wonyoso sɨmeho fefoyoênji nakwoe hwe engo hopa imoênɨngkahonɨngki nakwo tɨfi inɨngkowentani nakwoe aêapahomnohini hoênomaênɨmotohwono. Nakwo nomêne aêamu somneêno sɨmeho wonyo namoênɨmɨweho. Hofɨkoe yoêmayo soêno hi namoênɨmɨweho. Aêamu nakuneêno mangohwa imoênalokwofo sohwanji nakwo hopiênonohino mango hwonaênyoho. 4 Ose nohumentanɨngkuhwoni Anɨtu asomo netɨmayoêne sohwo sɨmeho nejapeso utɨhwaênyopo iêmofaponto honɨngkano wonyo somtaêni isɨhutofonemaêmentisofoho. 5 Nakwoe yoêmayo honɨngkano wopɨngoêne poyo peênɨmentisoêmaho. Oêo, Anɨtu nakumneêno hitoho ulofahonɨngki asomo netɨmayoêne kako poyo peênɨmentiso hweho. Nakwoe wonyoso wae enaofahonɨngki kakoe Towahuno Wopɨngo sohwo mijo hopa kiyonemanto aêamu songo paênyo namokumentisofoho. Songo namokonto huno wopɨngo songoso nejapmmentisofoho. 6 Jisas Kɨlais nakumneêno poyo peênonto apaêno songo lɨkaêmentiso soêno Anɨtu kakoe Towahuno nehulaêoêmentisofoho. 7 Ose yonto yoêmayo Jisas Kɨlais nakumneêno nalohoêmentiso soêno Anɨtu nelalofi, Nje mehomi wopɨngo kuyoho. Ose nelalofoho. Osoêno nakwoêne ango songo neêno humayoêne soênji yoêmayo wopɨngo soênji wonejapmmonto yahonɨngki hontohumalohwono. 8 Oso hungkuno nehopeho. Olo hungkuno piênɨngo kumtɨêmokiyalokwe loso kɨko aêamu somo yokumpohnênyo filutɨhwahoho. Aêamu Anɨtumo sɨmeho hiêntnnono uyɨwoênɨngkohofoso olo hungkuno losomo inɨngkakuji hofɨko syoho wopɨngo soêno sɨmeho umoênono. Olo syoho wopɨngo loso aêamumo ufoêmayoneso neênjofoho. 9 Taitas sohwosi aêamu siki yoka hnnɨwoênɨngkohofo somneêno iêwaho fiyo. Aêamu hofiyakwosafe aêmane hungkuno somneêno huno syafɨsyɨwoênɨngkohofo somneêno iêwaho fuyakolofo. Honɨngkano hungkuno somneêno ikujoho hungkuno hopa hnnontanɨngkujoso iêwaho fuyakolofo. Nakwo huno moiêwonoho. Oso hungkuno hiso monefoêmanehoho. Oêo, neênjoêmaho. Ne anefoho. 10 Aêamu fihwo sekwoênji nohumahwosi aêamu somo wahusiloêmo lɨhwosi hungkuno kengo ulososo oso aêamu sohumo hungkuno yokumpohnênyo uso. Jɨje hungkuno sɨmoêmjo somo haloho makuposoêmanji apaêno uso. Apaêno haloho makuposoêmanji oso hwe sohumo hohujo fikinjɨmofo. 11 Oso aêamu oseso kɨko huno kiyohoho. Kako honɨngkano wopɨngo mtaêni nto sompeeêmaho. Kakoe yahino wonyo soêno huno ko uyahonɨngki kako kakoe yahino wonyo somo musɨkwajiyohofo. 12 Olo hungkuno loso nto mtitoêmaleno. Ifoyo hamno engo somo ngko ango Nikopoulis osomo wohumamonneêno yohono. Hwe hufaêu Atemasɨênji Tikikosɨênji ngkoênji humalohwono. Osoêno hwangku hwe angaênohino huhwo sohwo kikiyepono uhwatɨmonneêno yohono. Kuêmaso sohonta kɨko ango Nikopoulis sopo komoêno nɨêmaho. 13 Oso hwe Senas hungkuno mɨhwajiyo syohoênjo sohwo oso hwoênji Apoulousɨênji siko hano iyo sohonta kɨko hofiyo ufoêmaho. Wosopayoênji yoêmayo honɨngkanomneêno umofonyo iyosoêno yano uyo. 14 Kɨkoênohinɨêmaho. Oêo, hwe moyaêmi hopiênonohinoso ufoêmapɨfijoso hofɨko syoho wopɨngo soêno sɨmeho umoênɨmontonoho. Aêamu umofonyo iyo sohwamo ufoêmapɨfe. Siki humayoso wopɨngoêmaho. Oêo, hofɨko humafijoso syoho neênjo uyɨfe. 15 Olopo aêamu hopiênonohini ngkoênji humalofoso nakwoe aêamuhwe kilalokwofo. Aêamu Anɨtuye hungkunomo inɨngkowalokwofoso kɨkoênji humalofoso hofɨko nakumo sɨmeho nejopalokwofo oso hwamo ole fonajiyo, Nakwoe aêamufo ulalokuhwono. Ose fonajiyo ntohofo. Anɨtu kako hofiyo wosefoêmano. Olo hungkuno loso ngko Poulɨêni mtɨêmokohono. Hungkuno osohopeho.