Juan 9

1 Amulelu Jerusalen ñi rüpü mew, Jesus pefi kiñe wentru trawmalelu. 2 Fey Jesus ñi pu disipulu ramtueyew: âKimeltufe, ¿chumngelu am tüfachi wentru choyüngelu müten trawmangey? ¿Kisu ñi fütakeche ñi yafkan mew pemay kam kisu ñi yafkan mew? 3 Jesus llowdunguy: âKisu ñi yafkan mew no ka ñi chaw ñi yafkan mew no rume. Fey tüfa may kisu mew ñi pengelngeael ta Ngünechen ñi nien ta pepiluwün. 4 Petu tañi mülen pelon antü, müley taiñ küdawael tüfey tañi werküngeelchi küdaw mew, fey pun ta küpalewiyey, fey iney rume ta pepi küdawlayay. 5 Petu ñi mülen ta iñche tüfachi mapu mew, iñche ta pelon reke mülen ta mapu mew. 6 Fey dew feypilu tüfa, Jesus tofkütuy mapu mew, fey ñi kowün mew dewmay pichin fotra, fey ilpuyelfi ñi nge mew ti trawma. 7 Ka pürüm feypifi: âAmunge tami küllumtuael Siloe pingechi estanke ko mew (tüfa feypin ürke: “tati werküel”). Fey ti trawma amuy ka küllumtumey, fey wiñometulu, dew peloletuy. 8 Fey ti pu karukañma ta kuyfi ñi kimniekeetew ñi ngillatupülatakefel ramtuwingün: â¿Tüfa no am tati anükünuwkefulu ñi ngillatupülatayael? 9 Kiñekentu feypingün: âMay, kisu tati. Kakelu feypingün: âFey no, kisu no tati, tunte kisu femngekafuy rume. Welu kisu feypiley: âMay, iñche tati. 10 Feymew ramtungey: â¿Fey chumngechi am pepi pelotuymi? 11 Fey ti wentru llowdunguy: âÃyechi wentru, ta Jesus pingelu, dewmay fotra, fey tüfey mew ilpuyüñmaenew ñi nge, fey feypienew: ‘Amunge ti Siloe pingechi estanke ko mew, fey küllumtumenge’. Iñche amun, feymew küllumtulu müten iñche, pepi pelotun. 12 Feymew ramtueyew ti pu che: â¿Chew anta müley üyechi wentru? Fey kisu feypi: âKimlan chew ñi mülen. 13 Feychi antü Jesus dewmalu pichin fotra ka pelolfilu ti trawma, tati ürkütun antü ürke. Feymew yengey ti pu farisew mew tati trawmangekefulu. 15 Fey kisu engün ramtukafi ñi chumngechi ñi pelotun. Fey kisu llowdunguy: âIlpuyelenew fotra ñi nge mew, fey küllumtutun, feymew pelotun. 16 Kiñekentu ti pu farisew feypieyew: âTüfa tati femngechi dungu femlu mülelay ta Ngünechen mew, fey yamnofilu am tati ürkütun antü. Welu kakelu feypiyey engün: â¿Chumngechi kay pepi femafuy Ngünechen ñi afmatufalchi dungu, kiñe yafkafengele? Fey tüfa famngechi welukonke püntülkawi ta kisu engün. 17 Fey wiñome ramtungey ti trawmalekefulu: âFey elutuetew tami pelotuael, ¿chem pileymi kay eymi kisu mew? Kisu llowdunguy: âIñche feypilen kay tañi kiñe pelon wentrungen. 18 Welu ti longkolelu pu judiu mew pilayngün ñi feyentuael ñi trawmalekefel ti wentru, fey ñi peloletun, fey amul mütrümngey ti trawmalekelu ñi fütakeche. 19 Fey ramtungey ti ngen fotüm: â¿Fey tüfa am tami fotüm? ¿Feyngey am tañi choyüngelu ñi trawmalen tüfachi wentru? ¿Chumngechi am fewla pepi peloletuy? 20 Kisu ñi chaw ka ñi ñuke llowdunguy: âKimniefiyu. Tüfa ta iñche ñi fotüm, fey we pichichengelu ñi trawmalen, 21 welu kimlayu chumngechi ta tüfa ñi pepi peloletun, ka femngechi kimlayu rume iney ñi eluetew ñi pelotuael. Ramtufimün ta kisu, dew fütachelewey tati. Kisu feypiaeymünmew ti nor dungu âpi engu. 22 Kisu ñi chaw famngechi feypi re llükan mew, tati longkolechi pu judiu kiñewlu engün am tañi wemünentuafiel ti sinagoga mew iney rume ta kimle ta Jesus ñi Cristongen Ngünechen ñi werküel. 23 Feymew feypi ñi chaw ka ñi ñuke: “Ramtullefimün may ta kisu. Dew füta wentrulewey tati” âpi engu. 24 Feymew tati longkolelu pu judiu mew ka wiñome mütrümfingün tati trawmangekefulu, fey feypifi engün: âFeypimuiñ ti nor dungu Ngünechen mew. Iñchiñ küme kimnieiñ ta tüfeychi wentru ñi yafkafengen. Eymi kay ¿chem pileymi? 25 Tati trawmalekefulu llowdunguy: âIñche kimlan ñi yafkafengen pemay kam ñi femngenon. Kiñe dungu müten kimnien ta iñche: trawmangekefun, welu fewla peloletun. 26 Ka wiñome ramtufi engün: â¿Chem chumeymew am fe? ¿Chem chumi tami peloltuaetew? 27 Fey llowdunguy ti trawmalekefulu: âDew feypiwiyiñ tati, welu duamkünumulan. ¿Chumngelu am ayüleymün tamün wiñome feypiwafiel? ¿Eymün anta ayüleymün kay tamün inayafiel? 28 Feymew wesa pifingün, ka feypifingün: âEymi inakefimi ta üyechi wentru, welu iñchiñ inakefiyiñ ta Moyse ñi ley dungu. 29 Iñchiñ kimnieiñ Ngünechen ñi dungufiel ta Moyse. Welu tüfachi wentru kimlafiyiñ rume chew tañi tripan. 30 Fey ti wentru llowdunguy: â¿Chem dungu am tüfa? Eymün kimlaymün chew ñi tripan, welu iñche elutuenew ñi pelotuael. 31 Küme kimnieiñ Ngünechen tañi allkütukenofiel tati pu yafkafe. Allkütuñmakefi ñi ngillatun nor dungu mew püramyekeetew müten ka femkelu Ngünechen ñi ayükeelchi dungu. 32 Chumkawnorume nütramyengekelay ta iney rume tañi elutukefiel ñi pelotuael ñi nge ta kiñe che tati trawmalen choyüngelu. 33 Fey tüfachi wentru küpanofule ta Ngünechen mew, pepi chumlayafuy rume. 34 Feymew feypingey: âEymi kay, choyüngelu müten trawmangelu tami yafkafengen mew, ¿ayüleymi am tami kimeltumuafiel Ngünechen ñi dungu? Fey wemünentungey ti sinagoga mew. 35 Jesus kimürkey ñi wemünentungen ñi illamtuaetew ti pu che tati trawmalekefulu, feymew pewlu Jesus engu, ramtufi: â¿Feyentuleymi anta eymi tati Wentrukünuwpalu mew? 36 Ti trawmalekefulu feypi: âÃidol, feypien ñi ineyngen tati Wentrukünuwpalu, femngechi tañi feyentuael kisu mew. 37 Fey Jesus llowdungueyew: âDew peniefimi, tami petu dunguetew. 38 Feymew ti wentru lukunagi Jesus ñi inafül ka feypi: âFeyentun tati, Ãidol. 39 Jesus ka pürüm feypieyew: âIñche küpan tüfachi mapu mew tañi ramtukadunguafiel ñi chumngechilen ta che Ngünechen mew, femngechi tati trawmangelu ñi pelotuael, fey ka femngechi tati pelolelu trokiwkülelu ñi trawmangetuael reke. 40 Kiñekentu ti pu farisew mülelu kisu ñi fül mew, allkütulu tüfachi dungu, ramtueyew: â¿Iñchiñ anta ngenokimünngeiñ kiñe trawma reke? 41 Fey Jesus llowdungueyew: âEymün ta kiñe trawma reke ngenokimün chengefulmün, nielayafuymün ta yafkan, welu eymün am feypilu tamün kimchengen, küme kimfalküley tamün yafkafengen.