YEŞUA 12

¹ İsrail övladları bu padşahları öldürdülər və onların torpaqlarını – İordan çayının şərqindəki bütün Arava ilə Arnon vadisindən Xermon dağına qədər olan yeri zəbt edib özlərinə mülk etdilər.

² Xeşbonda yaşayan Emorluların padşahı Sixon bu torpaqlarda hökmranlıq etmişdi: Arnon vadisi sahilindəki Aroerdən və vadinin ortasındakı Ammonluların sərhədi olan Yabboq çayına qədər Gileadın yarısı,

³ şərqə tərəf Kinneret gölündən Arava dənizinə, yəni Duz dənizinə qədər, şərqdə Bet-Yeşimot istiqamətinə və cənuba tərəf Pisqa yamaclarının ətəklərinə qədər Arava torpağı idi.

⁴ Sağ qalan Rafalılardan biri olan Başan padşahı Oq Aştarotda və Edreidə hökmranlıq edirdi.

⁵ O, Xermon dağında, Sakada, Geşurlular və Maakatlılar sərhədinə qədər bütün Başanda, Xeşbon padşahı Sixonun sərhədinə qədər Gileadın yarısında hökmranlıq edirdi.

⁶ Rəbbin qulu Musa və İsrail övladları onları öldürdülər. Sonra Rəbbin qulu Musa onların torpaqlarını irs olaraq Ruvenlilərə, Qadlılara, Menaşşe qəbiləsinin yarısına verdi.

⁷ Livan vadisində olan Baal-Qaddan Seirə çıxan Xalaq dağına qədər İordan çayının qərb tərəfində olan torpaqlarda Yeşua ilə İsrail övladlarının öldürdükləri padşahlar bunlardır:

⁸ Yeşua dağlıq bölgədə, yamaclı-düzənlikli bölgədə, Aravada, yamaclarda, çöldə, Negevdə yerləşən bu torpaqları, yəni Xetlilər, Emorlular, Kənanlılar, Perizlilər, Xivlilər və Yevuslular ölkəsini, İsrail qəbilələrinə torpaq payı kimi mülk olaraq verdi.

⁹ Yerixo padşahı; Bet-Elin yanındakı Ay şəhərinin padşahı;

¹⁰ Yerusəlim padşahı; Xevron padşahı;

¹¹ Yarmut padşahı; Lakiş padşahı;

¹² Eqlon padşahı; Gezer padşahı;

¹³ Devir padşahı; Geder padşahı;

¹⁴ Xorma padşahı; Arad padşahı;

¹⁵ Livna padşahı; Adullam padşahı;

¹⁶ Maqqeda padşahı; Bet-El padşahı;

¹⁷ Tappuah padşahı; Xefer padşahı;

¹⁸ Afeq padşahı; Laşşaron padşahı;

¹⁹ Madon padşahı; Xasor padşahı;

²⁰ Şimron-Meron padşahı; Akşaf padşahı;

²¹ Taanak padşahı; Megiddo padşahı;

²² Qedeş padşahı; Karmeldəki Yoqneam padşahı;

²³ Nafot-Dordakı Dor padşahı; Qilqaldakı Qoyim padşahı;

²⁴ Tirsa padşahı. Bütün padşahlar cəmi 31 nəfər idi.