IDI UFA 129
WBT1 Innee Isaraee maqannaasa innee kumaaraasaa maruqooqari inni namuqaa ummaara nimi maree ani marianara qima qimiaqa. 2 Qinee kumaaraa mariafannaqooqari qini namuqaauqa niranaqee marufaqa qini mandaikamma qimaqee mariqau. Miqidaqa sia qini uridaaqaree mariqau. 3 Maqarumasee afuqaki oora ateekee mariandee iqa namuqaauqa qini kaakadi qitaufaka runna oorara foora meemai uqanna ateekee mariqau. 4 Miqi marufanoo Yaaweefa andeeqarafa maridanoo rumbaranakinaana iduku qisanau. 5 Aiqama Sioonna maqusara fidiaqaa imariasa rafaaqa fusaifaqa anirandeeqa sandeefarannoo. 6 Misa maaqasaa ururee mari andanda fara foora urureenoo aadana usidanoo. 7 Sia moo fannoo mina suqu moodaanaki quqaidaqa sia rumbamaree fidaqa. 8 Aiqaree fimariasakiqari sia moo fannoo Yaaweefa amiqi amiqimma amaqaanifee qifaranoo. Maasa Yaaweena auqusaa amiqi amiqimma amaqaidee qidaqa.