IDI UFA 54
WBT1 Oo Anutu aneenna afeekannai qini mara amiqiranaki quqaqisaa. Aneenna firaa afeekannai qini rumbaranakinaana iduku qisaa. 2 Oo Anutu, qini innaaru qirana iria, qini dookinaa ufa iria. 3 Ramoo ramaa imariasa aniree qini dariraridaqa. Faiqí kuqa narimariasa qini marirana taika qimaqarara midaqa. Anutu ani ufara sia irimariasa qini dariraridammia. 4 Kuqaa Anutufa qini dadaaqi marifa maridanoo. Qini mariranasaa rakisi marifa Yaaweefa maridanoo. 5 Anutufa qini namuqaa qini mandaikamma qimaqee maria oosannana quandasee nariqa faqa mandaikamma nimaqaani. Oo Yaawee aneenna mapukusee mariranara irisee misa kuridinnisaa. 6 Oo Yaawee qinee aandau tatufirana ani suqa amirara dididanoo. Oo Yaawee ani auqu amiqirafa marinara ani amooqianaura. 7 Anee qini dadaaqiananoo aiqama ummaara fannoo sia qini rafaaqafinoo. Miqimma saanaqa qeeqa qifunnai qeeqa namuqaa aqufuana niqafeeqa.