IDI UFA 6
WBT1 Oo Yaawee aneenna aanooqiranaki qari sia qiniara qaoo qimasee minni qisaa. Aneenna aanooqiranannai sia qini aupurarana qimia. 2 Oo Yaawee qinee kudoosaapaidaqa anee qiniara qimudaoo qia. Qini afeeka taikee marifaqa kudoosaapaida marunnanara anee afeeka qimia. 3 Qini marirafa mudukatia firaaqoo ummaaraki maridanoo. Oo Yaawee kisaaqasaafee kaqi fifau maridanee sia qini dadaaqidanee. 4 Oo Yaawee anee aniree mandaki marunnana uqeereeqeena amiqiraqoo quqaqisaa. Aneenna nifauaranakiqari qinee kuqiranaki marunnana dadaaqia. 5 Kuqirausa sia aniara iridaqa. Sia moo fannoo amana miqoo ani amooqiannoo. 6 Qinee firaa ummaaraki maridaqa firaaqoo qimudaani rimarifaqa kudoosaapaidaqa. Aiqama eenda qini qaari faiqee marunnanasaa daukunu kai nammariara foora aufidanoo. Qiqa daukunu fannoo qini qunusaa aqufidanoo putaa idanoo. 7 Qini namuqaa darirari marianara qiki raqee marunanoo firaaqoo qifukaumuqa innooqaifaqa qifu maqarara anuqidaqa. 8 Innee manda oosana maree mariasa qinee marunnaqooqari nianasaa fifuaqa. Yaaweefa qini qiki raqarana iridanoo. 9 Mifa qinee dadaaqianifeera nammeera qunnana irisee qini innaaru qirana akiiqara dadaaqiannoo. 10 Qini namuqaauqa manda nisaurirafa tautummasee rafaaqafu nimaqainaqa furufariqa quqasee daraanifara.