1 Jon 1
PNG1 Anjam a Ćambile unu. Anjam di nami soqnej. Anjam di iga quoqnem. Gago Ćamdamu na unoqnem. Gago baĆ na dego ojoqnem. 2 Ćambile di boleq donaqa iga unem. Ćambile di gaigai sqas. Ćambile di aqa Abu wo sosiqa boleq donaqa iga unem. Deqa iga a qa niĆgi saiĆgeqnum. 3 Iga Anjam di gago Ćamdamu na unoqnem. Iga a quoqnem. Deqa iga a qa niĆgi saiĆgeqnum. Di kiyaqa? NiĆgi iga ti beterosim are qujaitosim sqajqa deqa. Agi niĆgi iga ti Abu Qotei aqa Ćiri Yesus Kristus wo naĆgi aiyel beternjrsim naĆgi koba na are qujaitosim unum. 4 Iga niĆgi ti tulaĆ areboleboleigwajqa deqa iga anjam endi neĆgreĆyosim nuĆgoq qariĆyonum. 5 Yesus Kristus a anjam endegsi mergonaq iga quem, “Qotei a puloĆ bul. Ambru bei aqaq di sosai.” Iga anjam di qusimqa agi niĆgi olo merĆgeqnum. 6 Iga marqom, “E Qotei beteryosim a ombla are qujaitosim unum.” Degsi marsimqa ariya iga olo ambruq di walwelqom di iga gisaĆeqnum. Iga kumbra bole dauryosaieqnum. 7 Qotei a suwaĆoq di unu dego kere iga suwaĆoq di walwelqom di iga Qotei aqa tamo uĆgasari kalil naĆgi ti beterosim are qujaitosim sqom. Degsi sqom di Qotei aqa Ćiri Yesus aqa leĆ aiyej qaji dena gago une kalil yansetgimqa iga aqa Ćamgalaq di tamo bole une saiqoji sqom. 8 Iga marqom, “E une yosaieqnum.” Degsi marqom di iga gago segi jejamu gisaĆyeqnum. Deqa anjam bole gago are miligiq di sqa keresai. 9 Ariya iga gago segi une babtosim marqom, “Od, e une ti.” Degsi marqom di Qotei a iga uratgwasai. A kumbra bole tiĆtiĆ dauryosim gago une yansetgwas. Osim gago kumbra uge kalil taqal waiyimqa iga aqa Ćamgalaq di tamo bole une saiqoji sqom. 10 Iga marqom, “E nami une yosaioqnem.” Degsi marqom di iga Qotei aqa ñam ugetoqnsim a gisaĆ tamo qa minjobuleqnum. Deqa aqa anjam gago are miligiq di sqa keresai.