1 Jon 4
PNG1 Tamo gargekoba naÅgi mandamq endi laqnsibqa endegsib mareqnub, “Iga Qotei aqa medabu o qaji tamo bole.” O ijo was bole, naÅgo anjam di gisaÅ. Deqa niÅgi naÅgo anjam di nuÅgo areqaloq di siÅgilataib. NiÅgi na mondor kalil naÅgi geregere peginjroqnsib dena niÅgi qalieqab, naÅgi Qotei aqaq na beqnub kiyo sai kiyo. 2 Tamo uÅgasari Qotei aqa Mondor ti unub qaji naÅgi endegsib mareqnub, “Yesus Kristus a tamo bulyosiqa mandamq aiyej.” Dena niÅgi qalieqab, tamo uÅgasari naÅgi di Qotei aqaq na beb. 3 Ariya Yesus a tamo bulyosiqa mandamq aiyej anjam di tamo uÅgasari Qotei aqa Mondor ti sosai qaji naÅgi saideqnub. Dena niÅgi qalieqab, tamo uÅgasari naÅgi di Qotei aqaq na bosai. NaÅgi mondor uge ti unub. Mondor uge di Kristus aqa jeu tamo kobaquja aqa segi mondor. NiÅgi nami queb, mondor uge di a bqas. Agi a bosiq mandamq endi laqnu. 4 O ijo aÅgro kiñilala, niÅgi Qotei aqaq na beb. Qotei aqa Mondor a nuÅgoq di unu deqa niÅgi na gisaÅ anjam maro tamo naÅgi gotraÅnjreqnub. Qotei aqa Mondor a na mondor agi mandam tamo naÅgoq di unu qaji a tulaÅ buÅyeqnu. 5 GisaÅ anjam maro tamo naÅgi di mandamq endena branteb deqa naÅgi mandam qa segi anjam mareqnub. Mareqnab mandam tamo naÅgi naÅgo anjam quoqnsib dauryeqnub. 6 Iga Qotei aqaq na bem deqa tamo uÅgasari Qotei qa qalieonub qaji naÅgi gago anjam quetgeqnub. Ariya tamo uÅgasari Qotei qa qaliesai qaji naÅgi gago anjam quetgosaieqnub. Kumbra dena iga anjam bole qa Mondor ti gisaÅ mondor ti naÅgi peginjroqnsim naÅgi qa poigeqnu. 7 O ijo was bole, Qotei a qalaqalaiyo kumbra qa utru. Deqa iga gago Kristen was naÅgi qalaqalainjrqom. Tamo kalil qalaqalaiyo kumbra dauryeqnub qaji naÅgi olo Åambabobulosib Qotei aqa segi aÅgro tiÅtiÅ unub. Deqa naÅgi Qotei qa qalieonub. 8 Qotei a segi qalaqalaiyo kumbra qa utru. Deqa tamo bei a qalaqalaiyo kumbra dauryqasai di a Qotei qa qalieqa keresai. 9 Qotei aqa Åiri qujai unu. Qotei na a qariÅyonaq mandamq aiyej. Deqa iga aqa ñam na Åambile gaigai sqom. Kumbra dena iga osorgej, Qotei na iga qalaqalaigeqnu. 10 Qotei a qalaqalaiyo kumbra qa utru. Deqa iga endegsi are qalqasai, iga namoqna Qotei qalaqalaiyem. Di sai. Qotei a namoqna iga qalaqalaigej. Osiqa aqa Åiri qariÅyonaq mandamq aisiqa gago une kobotetgosiqa Qotei aqa minjiÅ taqal waiyej. 11 O ijo was bole, Qotei na iga degsi qalaqalaigeqnu deqa iga kamba dego segi segi qa qalaqalaiyo kumbra yoqnqom. 12 Iga nami Qotei aqa ulatamu unosaioqnem. Ariya iga segi segi qa qalaqalaiyo kumbra yoqnqom di Qotei a gagoq di beteresoqnimqa aqa qalaqalaiyo kumbra di gago are miligiq di tulaÅ kobaoqnsim siÅgilaoqnqas. 13 Iga kiyersim qalieqom, Qotei a gagoq di beteresonaqa iga kamba dego a beteryejunum? E ubtosiy marqai. Qotei na aqa Mondor iga egej dena iga qalieqom. 14 Abu na tamo uÅgasari kalil mandamq endi unub qaji naÅgi eleÅqa osiq deqa aqa Åiri qariÅyonaq mandamq aiyej. Aqa kumbra di iga unsim deqa saoqnsim laqnum. 15 Tamo bei a endegsi marqas, “Yesus a Qotei aqa Åiri.” Degsi marqas di Qotei na a beteryesqas. Yimqa a dego Qotei beteryesqas. 16 Iga qalieonum, Qotei na iga qalaqalaigeqnu. Qalieosim deqa iga Qotei qa gago areqalo siÅgilateqnum. Qotei a segi qalaqalaiyo kumbra qa utru. Tamo a qalaqalaiyo kumbra dauryqas di a na Qotei beteryesqas. Yim Qotei a dego tamo di beteryesqas. 17 Beteryesoqnim qalaqalaiyo kumbra gago are miligiq di tulaÅ kobaoqnsim siÅgilaoqnqas. Bole, iga mandamq endi unum. Ariya iga Yesus bulosim unum deqa mondoÅ Qotei na iga pegigwa batiamqa iga are siÅgilatosim aqa ulatamuq di tigelesqom. 18 Tamo a qalaqalaiyo kumbra dauryqas di a ulaqasai. Aqa are miligiq di qalaqalaiyo kumbra tulaÅ kobaoqnsiq siÅgilaeqnu deqa ulaqajqa kumbra aqaq di sosai. Ulaqajqa kumbra aqa utru agiende. Tamo bei a are qaleqnu, “MondoÅ Qotei na e Åolawotbosim awai uge ebqas.” A degsi are qaloqnsiq deqa a ulaeqnu. A degsi ulaeqnu deqa iga qalieonum, aqa are miligiq di qalaqalaiyo kumbra siÅgilaosaiunu. 19 Iga gago Kristen was naÅgi qalaqalainjreqnum. Di kiyaqa? Qotei a namoqna iga qalaqalaigej deqa. 20 Tamo bei a marqas, “E Qotei qalaqalaiyeqnum.” Degsi marqas ariya a na olo aqa Kristen was naÅgi jeutnjreqnu. A na naÅgi qalaqalainjrosaieqnu. Deqa tamo di a gisaÅ tamo. A na aqa Kristen was agi naÅgo ulatamu gaigai uneqnu qaji naÅgi qalaqalainjrosaieqnu. Deqa iga qalieonum, a Qotei agi aqa ulatamu nami unosaioqnej qaji a dego qalaqalaiyqa keresai. 21 Tamo a Qotei qalaqalaiyqas di a aqa Kristen was naÅgi dego qalaqalainjreme. Dal anjam di iga Yesus aqaq na em.