1 Timoti 2
PNG1 O Timoti, e anjam kobaquja bei endegsi mermit ni qusim daurye. Ni na Kristen naÅgi minjroqnimqa naÅgi tamo uÅgasari kalil qa pailyoqnsib Qotei biÅiyoqnebe. 2 Osib mandor kokba ti sawa taqato qaji tamo kalil naÅgi qa ti dego Qotei pailyoqnebe. Yim naÅgi na iga geregere taqatgesoqnibqa iga kalil lawo na sosim kumbra Qotei a areareteqnu qaji di dauryoqnqom. 3 Pailyo deqaji Qotei aqa Åamgalaq di tulaÅ boledamu. Qotei agi iga eleÅej qaji. 4 Qotei aqa are koba endegsi unu. A na tamo uÅgasari kalil naÅgi eleÅamqa naÅgi aqa anjam bole poinjrim ojesqab. 5 Iga qalie, Qotei a segi qujai Qotei bole. Kristus Yesus a segi qujai iga Qotei ti gago ambleq di tigelesosiqa yeba waiyej unu. 6 Yesus a moiqajqa bati kereonaqa a bosiqa tamo uÅgasari kalil naÅgi eleÅqa marsiqa aqa segi Åambile uratosiq moiyej. Aqa kumbra dena Qotei na iga endegsi osorgej, a na tamo uÅgasari kalil naÅgi eleÅqajqa are koba unu. 7 Qotei na e giltbej deqa e aqa anjam mare mare laqnum. E aqa anjam palontqajqa wau ti. E bole mermonum. E gisaÅosai. E aqa anjam plaltoqnitqa sawa bei bei qaji naÅgi poinjrim Yesus qa naÅgo areqalo siÅgilatqajqa deqa osiq e wau ebej. 8 Deqa ni na Kristen tamo qure qure kalilq di unub qaji naÅgi minjroqnimqa naÅgi minjiÅ ti ÅiriÅ ti uratosib Qotei aqa segi kumbra boleq di sosib naÅgo baÅ soqtoqnsib pailyoqnebe. 9 Ni na Kristen uÅgasari naÅgi minjroqnimqa naÅgi areqalo bole na gara jigoqnebe. NaÅgi diqoqnsib naÅgo gate baÅga walatoqnaib. Osib kolilei na ti wala bole na ti naÅgo jejamu maqtosib gara wala ti jigoqnaib. 10 Ni na uÅgasari naÅgi minjroqnimqa naÅgi Qotei aqa anjam dauryoqnsib wau bole bole yoqnebe. Di naÅgo wala bole. 11 UÅgasari naÅgi naÅgo segi ñam aguq atoqnsib medabu getentoqnsib Qotei aqa anjam quoqnebe. 12 NaÅgi Qotei aqa anjam plaltaib. Osib tamo naÅgo gate saib. E na naÅgi saidnjronum. NaÅgi medabu getentosib anjam segi quoqnebe. 13 Ni que. Qotei a Adam namoqna gereiyosiqa bunuqna a Iv gereiyej. 14 Satan na Adam gisaÅ anjam minjosai. A na Iv gisaÅ anjam minjnaq qusiq dauryej. Osiq deqa a une atej. 15 Deqa ni na uÅgasari naÅgi minjroqnimqa naÅgi aÅgrotoqnsib aÅgro qa wauoqnebe. NaÅgi wau di yoqnsib gaigai Yesus qa naÅgo areqalo siÅgilatoqnebe. Osib qalaqalaiyo kumbra dauryosib Qotei aqa segi kumbra boleq di sosib naÅgo segi jejamu taqatoqnebe. Yim deqa Qotei na naÅgi eleÅqas.