2 Korin 1

PNG

‹ Chapter 0 2 Korin — All Chapters Chapter 2 ›

1 E Pol. Kristus Yesus na e qari�bej deqa e aqa anjam mare mare laqnum. Qotei aqa segi areqalo na e wau di ebej. Aqo gago was Timoti wo anjam endi ne�gre�yonum. Ne�gre�yosim ni�gi Korin qureq di Qotei qa loueqnub qaji ni�gi ti Qotei aqa segi tamo u�gasari kalil Akaia sawaq di unub qaji na�gi qa ti qari�yonum. 2 Gago Abu Qotei wo Tamo Koba Yesus Kristus wo na�gi aiyel ni�gi qa are boleinjrimqa ni�gi lawo na soqniy. 3 Iga gago Tamo Koba Yesus Kristus aqa Abu Qotei aqa ñam soqtoqnqom. A gago Abu unu deqa a iga qa dulqajqa utru. A gago are tula� latetgwajqa Qotei. 4 Deqa a gago gulbe kalil qa iga are latetgeqnu. A kumbra degyeqnu deqa iga na olo kamba Kristen tamo u�gasari gulbe ti unub qaji na�go are latetnjreqnum. 5 Kristus a jaqati� koba qoboiyej deqa iga a ombla jaqati� koba qoboiyeqnum. Dego kere Kristus a are tula� laesonaqa iga a ombla are tula� laejunum. 6 O ijo was kalil, aqo Timoti wo gulbe eqnum di aqa utru agiende. Gago gulbe dena Qotei na nu�go are latet�gosim ni�gi ele�qas. Ariya Qotei na gago are latetgeqnu di aqa utru agiende. Kumbra dena dego Qotei na nu�go are latet�goqnqas. Yimqa jaqati� iga qoboiyeqnum qaji di ni�gi dego qoboiyoqnsib si�gila na tigelesqab. 7 Iga ni�gi qa gago areqalo si�gilatosim endegsi mareqnum, bole, ni�gi si�gila na tigelesqab. Iga qalieonum, ni�gi iga ti beterosim jaqati� eqnum deqa Qotei na ni�gi iga ti gago are latetgoqnqas. 8 O ijo was kalil, iga Esia sawaq di gulbe kobaquja item. Gulbe dena iga ugeugeigosiqa gago si�gila tula� bu�yej. Deqa iga endegsi are qalem, gulbe dena iga moiyotgwas. O ijo was, ni�gi gago gulbe deqa qalieoiy. 9 Bole, iga are qalem, gulbe dena iga moiyotgwas. Anjam pegiyo tamo na tamo bei minjqas, “Ni une ti unum deqa ni moiqam.” Dego kere iga are qalem, gulbe dena iga moiyotgwas. Qotei na gulbe di iga egej. Di kiyaqa? Iga gago segi si�gila qa are qalaim deqa. Iga Qotei aqa si�gila qa are qaloqnqom. Agi a na qujai moiyo tamo na�gi olo subq na tigeltnjreqnu. 10 O ijo was, gulbe dena iga moiyotgwa laqnaqa Qotei na gulbe di taqal atetgej. Bunuqna dego a na gago gulbe taqal atetgoqnqas. Deqa iga Qotei qa gago areqalo si�gilatoqnsim mareqnum, bole, a na olo gago gulbe taqal atetgoqnqas. Yim iga bole sqom. 11 O ijo was ni�gi iga qa Qotei pailyoqniy. Yimqa Qotei a nu�go pailyo de ti tamo u�gasari gargekoba na�go pailyo ti quoqnsim iga aqaryaigoqnqas. Gam dena ni�gi na dego iga aqaryaigoqnqab. Yim tamo u�gasari gargekoba na�gi Qotei tula� bi�iyoqnqab. 12 O was kalil, ijo are miligiq di e qalieonum, e kumbra bole ti�ti� segi dauryoqnsim unum. E ijo kumbra deqa tula� areboleboleibeqnu. Kumbra bole kalil Qotei na osorbeqnu qaji di segi e dauryoqnsim unum. E mandam tamo na�go powo na kumbra di yosaieqnum. Qotei a e qa are boleiyoqnsiq kumbra osorbeqnu qaji di segi e yeqnum. Deqa e na tamo u�gasari kalil na�gi kumbra bole gaigai enjreqnum. Agi e na ni�gi dego kumbra tula� boledamu e�goqnem. 13 Ijo anjam endi ni�gi sisiyosib poi�gwajqa deqa e ne�gre�yonum. Bole, ijo anjam qudei qa ni�gi geregere poi�gosai unu. Ariya ijo are endegsi unu. Ni�gi ijo anjam kalil qa poi�gekritim gilsib di�o bati itqab. Yim gago Tamo Koba Yesus a olo bqajqa batiamqa ni�gi e qa tula� arebolebolei�gim e kamba dego ni�gi qa tula� areboleboleibqas. 15 Ijo are miligiq di e nami qalieem, ni�gi ijo kumbra kalil qa tula� arebolebolei�gim sqab. Utru deqa e na ni�gi mer�gem, “E mati nu�goq bosiy ni�gi urat�gosiy Masedonia sawaq gilsiy dena puluosiy nu�goq olo bqai.” Od, e bati aiyel nu�goq bqajqa are qalem. Di kiyaqa? Qotei na ni�gi gerei�go aiyelt�gwajqa deqa. E nu�goq olo bosiy dena Judia sawaq aiqa laqnitqa ni�gi silali qa aqaryaibibqa e gamq di i�gi bei qa truquaim deqa ti are qalem. 17 Ni�gi endegsib are qaleqnub kiyo, “Pol aqa anjam di a dauryosai. A na iga gisa�gej. A mandam tamo na�go kumbra dauryoqnsiq deqa a anjam bei maroqnsiq olo urateqnu. A la�a odoqnsiqa olo saideqnu.” O ijo was ni�gi e qa degsib are qalaib. 18 Qotei a tamo bole unu deqa a aqa segi anjam kalil dauryeqnu. Deqa e dego anjam bole segi ni�gi mer�geqnum. E la�a odoqnsim olo saidosaieqnum. 19 Nami aqo Timoti wo Sailas ombla na wauoqnsim Qotei aqa �iri Yesus Kristus aqa anjam palontoqnsim ni�gi mer�goqnem. Ni�gi qalie, Yesus a dego la�a odoqnsiq olo saidosaieqnu. A gaigai Qotei aqa ñam na odeqnu. 20 Qotei a nami i�gi bole bole iga egwajqa marej. Kristus a odeqnu deqa Qotei na i�gi di iga egwas. Deqa iga Kristus aqa ñam na mareqnum, “Bole.” Osim iga Qotei aqa ñam soqteqnum. 21 Qotei a segi na ni�gi iga ti si�gilatgeqnu. Si�gilatgeqnaqa ni�gi iga ti Kristus beteryejunum. A na qujai iga aqa segi qa marsiq giltgej. 22 Osiqa aqa toqor egsiqa gago are miligiq di atej unu. Aqa toqor di aqa Mondor Bole. Mondor di Qotei na iga namo egej deqa iga qalieonum, bunuqna i�gi bole bole a na iga egwa marej qaji di dego egwas. 23 O ijo was, e Qotei aqa ñam na ni�gi endegsi mer�gwai. E ni�gi gulbe e�gwa uratosim deqa e olo Korin qureq bosai. 24 Nu�go areqalo Yesus qa si�gilateqnub qaji di iga na la�a taqatosaieqnum. Iga ni�gi ti koba na Yesus aqa wau ojeqnum. Di kiyaqa? Ni�gi tula� arebolebolei�gwajqa deqa. Iga qalieonum, ni�gi nu�go areqalo Yesus qa geregere si�gilatosib tigelejunub.

‹ Chapter 0 2 Korin — All Chapters Chapter 2 ›

2 Korin 1

Cite / Share This Page