2 Tesalonaika 2

PNG

‹ Chapter 1 2 Tesalonaika — All Chapters Chapter 3 ›

1 O ijo was kalil, mondo� gago Tamo Koba Yesus Kristus a la� qureq na boqnimqa ni�gi iga ti aqa si�gaq di koroqom. Iga deqa ni�gi anjam kiñala mer�gim quiy. 2 Tamo qudei na�gi mareqnub, “Tamo Koba a bqajqa bati brantqo koboqo.” Osib olo qudei mareqnub, “Anjam di Qotei aqa Mondor na babtosiq iga mergwo.” Olo qudei mareqnub, “Anjam di Qotei aqa anjam bole.” Olo tamo qudei na�gi mareqnub, “Anjam di Pol aqa wau qujai na�gi ti ne�gre�yonab iga sisiyem.” O was, ni�gi na�go anjam di qusib prugaib. 3 Na�go anjam di gisa�. Na�gi gisa� kumbra dego yeqnub. Deqa ni�gi na�gi daurnjraib. Ni�gi quiy. Yesus bqajqa bati di la�a brantqasai. Bati di brantqa laqnimqa kumbra qudei namoqna endegsi bqas. Tamo gargekoba na�gi Qotei qoreiyoqnsib sqab. Qotei aqa dal anjam gotra�yo qaji tamo kobaquja a dego boleq dqas. Boleq dosim mondo� a �amyuwoq aisim padalougetqas. 4 Tamo kobaquja di a diqoqnsim aqa segi ñam soqtoqnsim gisa� qotei kalil na�gi tula� bu�njroqnqas. Osim a Qotei aqa atra tal koba miligiq gilsim di awoosim marqas, “E segi Qotei.” O ijo was, kumbra kalil di namoqna brantim Kristus a bunuqna bqas. 5 E nu�go qureq di sosimqa tamo kobaquja deqa ni�gi sai�goqnem. Ni�gi ijo anjam di olo are wal�gwo kiyo? 6 Tamo kobaquja di a bosaiunu. A bqajqa bati agi Qotei a nami atej unu. A namoqna baim deqa tamo bei na a bqajqa gam getentejunu. Gam getentetejunu qaji tamo di ni�gi qalie. Tamo kobaquja a bqajqa batiamqa Qotei na marim a brantqas. 7 Ni�gi qalie, tamo kobaquja di a Qotei aqa dal anjam gotra�yo qaji tamo unu. A bini ulioqnsiq waueqnu. A uliesoqnimqa Qotei na gam getentejunu qaji tamo di taqal waiyim tamo kobaquja a boleq dqas. 8 A boleq dimqa bati deqa Tamo Koba Yesus a ria� koba ti bosim aqa me mondor medabuq na puyqas. Puyimqa jagwa koba dosim dal anjam gotra�yo qaji tamo kobaquja di qalsim moiyotqas. O ijo was, Yesus aqa ria� dena tamo kobaquja di tula� padaltougetqas. 9 Dal anjam gotra�yo qaji tamo kobaquja di a Satan aqa si�gila ti bosim aqa gisa� kumbra na ma�wa gargekoba tamo u�gasari na�gi osornjroqnqas. 10 Osim aqa kumbra uge dena a na tamo u�gasari padalo gam dauryeqnub qaji na�gi gisa gisa�njroqnqas. Tamo u�gasari na�gi di Qotei na ele�qa oqnsiq aqa anjam bole minjreqnaqa na�gi deqa arearetnjrosaieqnu. 11 Deqa Qotei na na�go areqalo niñaqyetnjrimqa na�gi aqa anjam bole dauryqa torei uratosib Satan aqa gisa� anjam dauryoqnqab. 12 Deqa iga qalieonum, tamo u�gasari kalil Qotei aqa anjam bole na�go areqaloq di si�gilatosaieqnub qaji na�gi di Qotei na �olawotnjrsim awai ugedamu enjrqas. Di kiyaqa? Na�gi kumbra uge uge dauryqajqa areboleboleinjreqnu deqa. 13 Ariya ijo was kalil, Tamo Koba a na ni�gi tula� qalaqalai�geqnu. Deqa iga bati gaigai ni�gi qa are qaloqnsim Qotei bi�iyeqnum. Tula� nami Qotei na ni�gi ele�qajqa marsiq gilt�gej. A ni�gi gilt�gwa osiqa endegsi are qalej, “Ijo Mondor Bole na Tesalonaika Kristen na�gi si�gilatnjrimqa na�gi ijo segi tamo u�gasari bolequja sqab. Sosib ijo anjam bole na�go areqaloq di si�gilatib kumbra dena e na na�gi ele�qai.” O ijo was, utru deqa Qotei na ni�gi gilt�gej. 14 Aqa are endegsi unu. Ni�gi gago Tamo Koba Yesus Kristus aqa ria� koba ti aqa si�gila ti unqab. Aqa are degsi sonaqa a na ni�gi met�gej. A Yesus aqa anjam bole iga mare mare laqnum qaji deqa are qalsiqa ni�gi met�gej. 15 Deqa ijo was, ni�gi si�gila na tigeloqnsib Qotei aqa anjam kalil iga nami ni�gi mer�goqnem qaji di dauryoqniy. Anjam kalil iga ne�gre�yoqnem qaji di dego ni�gi dauryoqniy. 16 Gago Tamo Koba Yesus Kristus wo gago Abu Qotei wo na�gi aiyel na iga tula� qalaqalaigeqnub. Qotei a gaigai iga si�gilatgoqnsiqa iga qa are boleiyeqnu. Mondo� a na iga torei boletgwas. Deqa bini iga a qa tari�oqnsim unum. 17 O ijo was, Qotei a nu�go are si�gilatet�gosim aqaryai�gimqa ni�gi kumbra bole kalil geregere dauryosib wau bole bole yoqniy.

‹ Chapter 1 2 Tesalonaika — All Chapters Chapter 3 ›

2 Tesalonaika 2

Cite / Share This Page