2 Timoti 4

1 Qotei aqa Åiri Kristus Yesus wo naÅgo Åamgalaq di e ni siÅgila na endegsi mermqai. MondoÅ Yesus a laÅ qureq na brantosim tamo uÅgasari kalil Åambile so qaji naÅgi ti nami moreÅeb qaji naÅgi ti peginjrqas. Osim a bati gaigai Mandor Koba sqas. 2 Deqa ni Yesus aqa anjam palontoqne. Tamo uÅgasari naÅgi ino anjam quqwa arearetnjroqnqas kiyo asginjroqnqas kiyo di uÅgum. Ni na naÅgi tingitnjroqnsim dalnjroqnsim are tigeltetnjroqne. Ni asgimaiq. 3 O Timoti, ni que. Bunuqna tamo gargekoba naÅgi Qotei aqa anjam quqwa asginjroqnimqa olo anjam utru bei bei quqwajqa are prugnjroqnqas. Osib naÅgo segi areqalo dauryosib anjam plalto tamo qudei naÅgi metnjroqnib bosib gisaÅ anjam minjroqnib qusib arearetnjroqnqas. 4 Deqa naÅgi anjam bole quqwa uratosib laÅa sa anjam quqwajqa dab atoqnqab. 5 Ariya Timoti, ni kumbra degyaim. Ni gaigai areqalo bole na sosimqa gulbe ti jaqatiÅ ti qoboiyoqne. Osim ni na Yesus aqa anjam bole tamo uÅgasari naÅgi minjre minjre laqne. Ni naÅgi aqaryainjrqajqa wau ti unum deqa ni wau di keretosim yoqne. 6 Ni qalie, jeu tamo naÅgi na e lubsib moiyotbqa bati jojomqo. Israel naÅgi wain bilentoqnsib Qotei atraiyeqnub dego kere e moisiyqa ijo leÅ aiqas qaji dena Qotei atraiyobulqai. 7 Tamo naÅgi gurguroqnsib bubuÅeqnub dego kere e nami siÅgila na ururosim Yesus dauryoqnem agi bini e degyeqnum. E ijo wau kalil kobotonum. E Qotei qa ijo areqalo siÅgilatoqnem di e uratosaioqnem. Agi bini e ijo areqalo di siÅgila na ojejunum. 8 Tamo naÅgi gurguroqnsib bubuÅeqnub di naÅgi awai oqajqa. Ijo awai bole agi Qotei a laÅ qureq di atej unu. E awai di oqajqa tariÅoqnsim unum. Ijo awai agiende. MondoÅ Tamo Koba a na e tamo bole une saiqoji qa merbqas. Di ijo awai bole. Tamo Koba a kumbra bole tiÅtiÅ na tamo uÅgasari naÅgi peginjrqas. Peginjrqa bati deqa a awai bole di e ebqas. A e segi awai ebqasai. Tamo kalil Yesus a laÅ goge na brantim unqajqa deqa areboleboleinjreqnu qaji naÅgi dego awai bole enjrqas. 9 O Timoti, ni ijoq urur au. 10 Ni que. Demas a mandam endeqa kumbra qa tulaÅ areareteqnu. Deqa a na e uratbosiqa Tesalonaika qureq gilej. Kresens a Galesia sawaq gilej. Taitus a Dalmesia sawaq gilej. 11 Aqo Luk wo segi unum. Deqa ni Mak osimqa endeq boiy. Mak a tamo bole. A na e aqaryaiboqnsiqa wau bole yeqnu. 12 Tikikus agi e na qariÅyonam Efesus qureq aiyej. 13 Ni ijoq bqa osimqa ijo gara jugo Troas qureq di uratem qaji di osim osau. Agi Karpus aqa talq di uratem unu. Ijo buk qudei dego osau. Ariya ijo pepa lulumo qudei wagme naÅgo jegara na gereiyo qaji di dego osim osbetbe. Ni are walmaiq. 14 Bras na iÅgi iÅgi gereiyo tamo aqa ñam Aleksander a na e ugeugeiboqnej. Deqa mondoÅ Tamo Koba a na kamba Aleksander Åolawotqas. 15 Aleksander a nami iga jeutgoqnsiqa gago anjam tulaÅ ugeugeiyoqnej. Deqa ni a qa geregere Åam atoqne. 16 Jeu tamo naÅgi nami e ojsib anjam pegiyo talq di tigeltbeb bati deqa tamo bei na e taqbosai. Tamo kalil naÅgi e uratbosib jaraiyeb. Deqa e Qotei endegsi pailyem, “O Abu, ni naÅgo une deqa olo kambatnjraime.” E degsi Qotei pailyem. 17 Ariya Tamo Koba Yesus a segi na e taqbosiqa siÅgila ebej deqa e anjam pegiyo talq di tigelosim Yesus aqa anjam bole mareqnamqa sawa bei bei qaji naÅgi quoqneb. Qotei na e aqaryaibosiqa bauÅ juwaÅ naÅgo medabuq na e osiq taqal waibej. 18 Deqa e endegsi qalieonum. Jeu tamo naÅgi boqnsib kumbra uge uge ebqa maroqnib Qotei na e aqaryaiboqnsim naÅgo baÅq dena e oqnsim taqal waiboqnqas. Osim bunuqna a na e laÅ qureq osi oqsim dia e taqatbosim ijo Mandor Koba sqas. Deqa iga bati gaigai aqa ñam soqtoqnqom. Bole. 19 O Timoti, ni na ijo kaiye anjam endi osim tamo naÅgi Onesiforus aqa talq di unub qaji naÅgi ti Prisila Akwila wo naÅgi koba na minjrime. 20 Erastus a Korin qureq di unu. Trofimus a Miletus qureq di ma ti sonaq e na uratem unu. 21 Ni ijoq urur boqujat. Ni tariÅoqnim ulili bati bo uge. Yubulus na Pudens na Linus na Klodia na naÅgi qolqe Kristen tamo kalil naÅgi ti koba na kaiye anjam endi inoq qariÅyonub. 22 Tamo Koba a na ino qunuÅ geregere taqateme. Osim niÅgi kalil qa are boleiyeme. Bole.