3 Jon 1

1 E Kristen gate. O ijo was bole Gaius, e anjam endi neÅgreÅyosim inoq qariÅyonum. E ni bole qalaqalaimeqnum. 2 O ijo was bole, e ni qa endegsi pailyeqnum, “O Abu, ni na Gaius aqa wau kalil boletime. Osim a siÅgilatim a ma saiqoji soqneme.” O Gaius, e qalieonum, ino qunuÅ a bole unu. 3 Nami Kristen was qudei naÅgi e nubqa bosib merbeb, “Gaius a anjam bole dauryeqnu.” Degsib merbonab e qusim tulaÅ areboleboleibej. Od, Gaius, e qalieonum, ni anjam bole dauryeqnum. 4 Ijo aÅgro naÅgi anjam bole dauryeqnub e di quoqnsim deqa tulaÅ areboleboleibeqnu. Ijo arebolebole dena arebolebole kalil tulaÅ buÅyejunu. 5 O ijo was bole, e qalie, ni kumbra bole dauryoqnsim ino Kristen was naÅgi geregereinjreqnum. Osim Kristen was qudei naÅgo ulatamu ni qaliesai qaji naÅgi qure beiq na beqnabqa naÅgi dego ni na geregereinjreqnum. 6 Was naÅgi di ino qalaqalaiyo kumbra qa saeqnab Kristen tamo uÅgasari qure endia unub qaji naÅgi queqnub. Deqa ni que. Was naÅgi di olo ni uratmosib walwelqa laqnibqa ni na iÅgi iÅgi qa naÅgi aqaryainjrim naÅgi walwelqab. Qotei a ino kumbra deqa tulaÅ arearetoqnqas. 7 Was naÅgi di Yesus aqa wau ojqajqa are qaloqnsib aqa ñam osib walweleqnub. NaÅgi sawa bei bei qaji naÅgo ambleq di waueqnub. NaÅgo wau dena naÅgi silali iÅgi iÅgi osaieqnub. 8 Deqa iga tamo deqaji naÅgi aqaryainjroqnqom. Iga degyqom di iga naÅgi koba na wau ojoqnsim anjam bole siÅgilatoqnqom. 9 Nami e anjam qudei neÅgreÅyosim Kristen tamo uÅgasari ino qureq di unub qaji naÅgoq qariÅyem. Ariya Diotrefes a gago anjam quetgosaieqnu. A tulaÅ diqoqnsiqa a na Kristen kalil naÅgi buÅnjrsim aqa segi ñam soqtqajqa siÅgilaeqnu. 10 Deqa e nuÅgoq bosiy Diotrefes aqa kumbra qudei qa olo saiÅgwai. Aqa kumbra bei agiende. A iga qa anjam uge uge mareleÅeqnu. Di segi sai. Kristen was naÅgi walwelosib nuÅgo qureq beqnab a na naÅgi aqa meq joqsi gilqa urateqnu. Yeqnaqa tamo qudei na was naÅgi di naÅgo meq joqsi gilqa laqnab a na naÅgi dego getentnjreqnu. Osiqa naÅgi Qotei tal miligiq gilqa saidnjreqnu. 11 O ijo was bole Gaius, ni kumbra uge dauryaim. Ni kumbra bole segi daurye. Tamo a kumbra bole dauryqas di a Qotei aqa tamo sqas. Ariya tamo naÅgi kumbra uge uge dauryeqnub qaji naÅgi Qotei unqa keresai. 12 Tamo kalil naÅgi Demitrius a qa mareqnub, aqa kumbra bole. Anjam bole a segi dego tamo sigitosiqa Demitrius aqa kumbra bole qa mareqnu. E segi dego a qa mareqnum, aqa kumbra bole. Ni qalie, ijo anjam a bole. 13 E anjam gargekoba neÅgreÅyosiy inoq qariÅyqa kere. Ariya e neÅgreÅyqasai. 14 Sokiñala e inoq bosiy ni numsiy aqo ombla anjam marqom. 15 Ni lawo na soqnime. Kristen was qure endia unub qaji naÅgi ni qa kaiye anjam qariÅyonub. E dego Kristen was kalil ni koba na unub qaji naÅgi qa kaiye anjam qariÅyonum. Ijo kaiye anjam endi ni na naÅgi minjrime. Bole.