Aposel 2

PNG

‹ Chapter 1 Aposel — All Chapters Chapter 3 ›

1 Onaqa Juda na�go yori bati koba ñam Pentikos di brantej. Juda na�go moma na�gi nami i�gi meli bunuj otorele�eb. Deqa olo are qalqajqa yori bati brantonaqa Yesus aqa tamo u�gasari na�gi tal qujaiq di koroosib soqneb. Sonabqa la� goge na jagwa koba anjam ato bulosiq tal na�gi awesoqneb qaji deq aiyej. Aisiq tal keretej. 3 Onaqa i�gi bei a �am pulo� bulosiqa aisiq segi segiosiqa na�go gateq di awoele�onaq uneb. 4 Bati deqa Mondor Bole a na�go segi segi are miligiq aisiq me� bulyetnjrnaqa na�gi kalil qure utru segi segi na�go anjam marele�oqneb. 5 Bati deqa Juda tula� gargekoba sawa sawa kalilq di �ambabeb qaji na�gi Jerusalem di soqneb. Na�gi kalil Qotei qa louoqneb qaji. 6 Jagwa koba di anjam ato bulonaqa na�gi kalil queb. Qusibqa ma�wa di unqajqa bosib koroeb. Koroosib na�go segi segi qure utru anjam Yesus aqa tamo u�gasari na�gi na mareqnab qusibqa prugugetoqneb. Osib maroqneb, “Tamo u�gasari kalil endi Galili qaji. 8 Na�gi kiyersib gago segi segi qure utru anjam mareqnab iga queqnum? 9 Iga qudei Partia, Midia, Elam, Mesopotemia, Judia, Kapadosia, Pontus, Esia qaji. 10 Iga qudei Frigia, Pamfilia, Isip qaji. Iga qudei Libia sawa agi Sairini sawa jojom deqaji. Iga qudei Rom qaji. 11 Iga qudei Juda tamo ti�ti�. Iga qudei Juda na�go lou dauryqa marsim na�go miligiq aiyem. Iga qudei Krit. Iga qudei Arebia qaji. Na�gi kiyersib gago segi segi qure utru anjam na Qotei aqa ma�wa kalil qa saeqnab iga queqnum?" 12 Juda kalil na�gi anjam degsib marsibqa prugugetoqnsib segi segi maroqneb, “Endi kumbra kiyero?" 13 Onaqa na�gi qudei yomuoqnsib maroqneb, “Na�gi wain bunuj uysib deqa nanariosib anjam la�a la�a mareqnub." 14 Onaqa Yesus aqa a�gro 11 na�gi Pita ombla tigelosibqa Pita na aqa medabu waqtosiqa endegsi marej, “Ni�gi Juda ti tamo kalil Jerusalem endi unub qaji ni�gi ti ijo anjam endi qusib poi�gem. 15 Ni�gi maronub, ‘Tamo u�gasari na�gi di wain uysib nanarionub.’ Di sai. Endego nobqolo koba. Wain uyqa bati sai. 16 Ma�wa ni�gi bini unonub qaji endeqa Qotei aqa medabu o tamo Joel a nami marej. Agi a endegsi marej, 17 ‘Qotei a marqo, “Di�o bati jojomoqnimqa e na ijo Mondor qari�yitqa tamo u�gasari kalil na�goq aiqas. Aisim nu�go a�gro mel ti nu�go a�gro sebi� ti na�gi si�gila enjrimqa na�gi ijo medabu osib anjam maroqnqab. Nu�go a�gro wala na�gi ti nu�go tamo bole bole na�gi ti areqalo waqtetnjroqnimqa �eio buloqnsibqa ijo kumbra gargekoba unoqnqab. 18 Bati deqa e na ijo Mondor qari�yitqa ijo wau tamo ti ijo wau u�a ti na�goq aisim si�gila enjroqnimqa na�gi ijo medabu osib anjam maroqnqab. 19 La� goge dia e ma�wa gargekoba yoqnqai. Mandamq di dego ma�wa gargekoba yoqnqai. Le� ti �amyuwo ti qurem koba ti qari�yit mandamq aiqas. 20 Se� ambruqas. Bai lentosim le� bulqas. Amqa Tamo Koba a ria� koba ti si�gila koba ti bqas. 21 Bati deqa tamo u�gasari gargekoba na�gi Tamo Koba aqa ñam metosib pailyibqa a na na�go pailyo qusim na�gi kalil ele�amqa na�gi so bole gaigai sqab.” ’ Qotei aqa medabu o qaji tamo Joel a nami anjam degsi marej. 22 “Deqa Israel tamo u�gasari, ni�gi ijo anjam endi quiy. Ni�gi qalie, Qotei a Yesus Nasaret qaji aqa si�gila na ma�wa gargekoba nu�go ambleq di yoqnej. A degyoqnej. Di kiyaqa? Ni�gi poi�gwajqa, Qotei na a qari�yonaq bej. 23 Bunuqna Qotei na Yesus olo osiq nu�go ba�q di atej. A nami kumbra degyqa marsiq aqa segi areqalo dauryosiq degyej. Degyonaqa ni�gi na Yesus ojsib tamo uge na�go ba�q di atnabqa na�gi a osib �amburbasq di qalnab moiyej. Nu�go kumbra dena ni�gi segi na Yesus qalsib moiyoteb. 24 Onaqa Qotei na Yesus olo subq na tigeltosiqa moiyo aqa gulbe kobotej. Deqa moiyo na Yesus a olo ojqa keresai. 25 Agi Devit a nami Yesus qa endegsi marej, ‘Tamo Koba a bati gaigai ijo ulatamuq di sonaq e uneqnum. A ijo ba� woq di unu deqa e padalqasai. 26 Deqa e tula� areboleboleibeqnu. E arebolebole na anjam mareqnum. O Qotei, i�gi bole bole ni na e ebqajqa marem qaji di e oqajqa tari�oqnsim unum. 27 Ni ijo qunu� uratim moiyo qureq aiqasai. Ni ino segi a�gro bolequja ni na giltem qaji aqa jejamu dego subq di uratim qusaqasai. 28 �ambile sqajqa gam di ni na e osorbeqnum. Ni e ombla sqam deqa e tula� areboleboleibeqnu.’ Devit a nami anjam degsi marej. 29 “O ijo was, e bole mer�gwai. Gago moma Devit a moinaqa subq ateb. Aqa sub agi bini unu iga gaigai uneqnum. 30 Nami Qotei na Devit minjej, ‘Mondo� ino moma na�gi paraosibqa le� dena tamo bei a �ambabqas. Amqa e na tamo di giltitqa ni mandor koba unum dego kere a kamba ino sawa osim Mandor Koba sqas.’ Qotei a nami Devit anjam degsi minjsiqa aqa anjam di si�gilatosiqa olo minjej, ‘E ijo anjam di uratqasai. E dauryqai.’ Devit a Qotei aqa medabu o tamo soqnej deqa kumbra Qotei na mondo� yqas qaji di Devit a nami qalieej. Osiqa Kristus qa endegsi marej, ‘Bunuqna a subq na tigelqas.’ Osiqa olo marej, ‘Qotei na Kristus moiyo qureq di uratqasai. Aqa jejamu dego subq di uratim qusaqasai.’ 32 O ijo was, Yesus qujai di Qotei a subq na tigeltonaqa iga kalil �amdamu na unem. Deqa bini iga a qa mare mare laqnum. 33 A la� qureq oqsiq ñam kobaquja osiq Qotei aqa ba� woq di awoej. Osiqa Mondor Bole ni�gi nami e�gwa marej qaji di aqa Abu aqaq dena yaiyosiqa qari�yqo aiqoqa ni�gi unsib nu�go dabkala na dego quonub. 34 Devit a subq na tigelosiq la� qureq oqosai. Ariya a Kristus qa endegsi marej, ‘Tamo Koba a na ijo Tamo Koba minjej, “Ni ijo ba� woq endi awo. 35 Awesoqnimqa e ino jeu tamo kalil na�gi ele�osiy ino sorgomq di atitqa ni na na�gi taqatnjrqam.” ’ Devit a nami Kristus qa degsi marej. 36 “Deqa Israel tamo u�gasari, ni�gi kalil endegsi poi�gem. Yesus agi ni�gi na �amburbasq di qalnab moiyej qaji a Qotei na olo giltosiqa a gago Tamo Koba Kristus ñam waiyej." 37 Onaqa tamo u�gasari na�gi Pita aqa anjam di qunabqa anjam dena na�go are qametnjrej. Deqa na�gi na Yesus aqa a�gro na�gi Pita ombla minjreb, “O gago was ni�gi na mergiy. Iga kiyeronamqa Qotei na iga ele�amqa iga padalqasai?" 38 Onaqa Pita na kamba minjrej, “Ni�gi segi segi are bulyosib Qotei aqaq boiy. Babqa iga Yesus Kristus aqa ñam na ni�gi yans�gonam Qotei na nu�go une kalil kobotet�gwas. Osim aqa Mondor Bole ni�gi la�a e�gwas. Awai saiqoji. 39 Qotei a nami marej, ‘E na ni�gi ti nu�go a�gro ti tamo kalil isa isaq di unub qaji na�gi ti ijo Mondor e�gwai.’ Qotei a nami degsi marej. Deqa ni�gi quiy. Gago Tamo Koba Qotei a aqa anjam di uratqasai. Tamo u�gasari kalil a na metnjrim aqaq bqab qaji na�gi aqa Mondor enjrqas." 40 Pita a anjam deqaji gargekoba si�gila na na�gi minjroqnej. Osiqa olo endegsi minjrej, “Tamo u�gasari bini bati endeqa unub qaji na�gi kumbra uge uge yoqnsib laqnub. Ni�gi na�gi ti Qotei na padalt�gaim deqa ni�gi geregere �am atoqniy." 41 Pita a anjam degsi marnaqa bati deqa tamo u�gasari 3,000 na�gi aqa anjam di qusib na�go are miligiq di ateb. Osib na�gi yanso eb. Na�gi Yesus qa na�go areqalo si�gilateb deqa na�gi tamo u�gasari nami Yesus qa na�go areqalo si�gilateb qaji na�go miligiq aisib koba na soqneb. 42 Tamo u�gasari Yesus qa na�go areqalo si�gilateb qaji na�gi bati gaigai aqa anjam maro tamo na�go anjam quoqnsib dauryoqneb. Na�gi are qujaitoqnsib bem gentoqnsib uyoqnsibqa Qotei pailyoqnsib soqneb. 43 Qotei na Yesus aqa anjam maro tamo na�gi di si�gila enjreqnaqa na�gi ma�wa gargekoba yoqneb. Yeqnab Yesus aqa tamo u�gasari kalil na�gi ma�wa di unoqnsib Qotei aqa ñam soqtoqneb. 44 Tamo u�gasari kalil Yesus qa na�go areqalo si�gilateb qaji na�gi bati gaigai korooqnsibqa are qujaitoqnsib soqneb. Na�go i�gi i�gi kalil di koba qaji degsib maroqnsib segi segi qa jei jeiyoqneb. 45 Na�go mandam ti i�gi i�gi ti qari�yele�eqnab tamo qudei na awaiyoqnsib silali enjreqnab oqnsib Yesus aqa tamo u�gasari i�gi i�gi saiqoji na�gi jeisib enjroqneb. 46 Na�gi bati gaigai are qujaitoqnsib sosibqa atra tal miligiq di korooqnsib louoqneb. Na�go segi segi talq di dego korooqnsibqa bem gentoqnsib uyoqneb. Na�gi arebolebole ti lawo na sosibqa Qotei aqa ñam soqtoqnsib koba na i�gi uyoqneb. Degyeqnabqa tamo u�gasari kalil na�gi na�go kumbra di unoqnsib na�gi qa tula� areboleboleinjroqnej. Bati gaigai tamo u�gasari qudei na�gi are bulyeqnab Tamo Koba a na na�gi ele�eqnaqa na�gi boqnsib tamo u�gasari nami Yesus qa na�go areqalo si�gilateb qaji na�go miligiq aiyoqnsib koba na soqneb.

‹ Chapter 1 Aposel — All Chapters Chapter 3 ›

Aposel 2

Cite / Share This Page