Aposel 22

1 “O ijo was ti ijo abu ti e kamba anjam bei merÅgit quiy." 2 Pol a Hibru anjam na naÅgi degsi minjrnaqa naÅgi torei kiri kiriosib sonab olo endegsi minjrej, 3 “E Juda tamo. Ijo qure utru Tarsus. Tarsus a Silisia sawaq di unu. E dia Åambabonam ijo ai abu naÅgi na e Jerusalem osi bonabqa e endia tamo kobaqujaem. Kobaqujaosimqa Gamaliel aqa skul kobaq di soqnem. Sonamqa Gamaliel na gago moma naÅgo dal anjam geregere plaltosiq osorboqnej. Deqa e Qotei aqa kumbra dauryqajqa tulaÅ siÅgilaoqnem. Agi bini niÅgi Qotei aqa kumbra dauryqajqa siÅgilaeqnub dego kere. 4 E na tamo uÅgasari Yesus aqa gam dauryoqneb qaji naÅgi moiyotnjrqa maroqnsim naÅgi tulaÅ ugeugeinjroqnsim tontnjroqnsim tonto talq di breinjroqnem. 5 NiÅgi na Juda tamo kokba ti atra tamo gate a ti naÅgi nenemnjribqa ijo kumbra deqa niÅgi saiÅgwab. Agi e atra tamo gate endegsi minjem, ‘Ni anjam bei neÅgreÅyosim ebimqa e anjam di osiy gilsiy Damaskus qureq di Juda gate kokba naÅgi enjrqai. Enjritqa naÅgi na anjam di sisiyosib e odbibqa tamo uÅgasari Yesus qa naÅgo areqalo siÅgilateqnub qaji naÅgi ojeleÅosiy joqsiy bosiy Jerusalem endia tonto talq di breinjrqai.’ E degsim atra tamo gate minjem. 6 “Deqa e walwelosi gilsim Damaskus jojomyeqnamqa qanam jige puloÅ siÅgila koba minjal ti laÅ goge na aisiq ijo ulatamuq di tulaÅ riaÅonaqa e uloÅosim mandamq di Åeiem. Åeiesosim kakro bei brantonaq quem. A endegsi merbej, ‘O Sol, ni kiyaqa e ugeugeibeqnum?’ 8 Onaqa e na kamba minjem, ‘O Tamo Koba, ni yai?’ Onaqa merbej, ‘E Yesus Nasaret qaji agi ni na ugeugeibeqnum.’ 9 Tamo e ombla soqneb qaji naÅgi dego puloÅ di uneb. Ariya anjam Yesus na merbej qaji di naÅgi poinjrosai. 10 “Onaqa e na olo Yesus minjem, ‘O Tamo Koba, e wau kiye yqai?’ Onaqa Tamo Koba a na merbej, ‘Ni tigelosim Damaskus gilsim dia tamo bei itqam. Wau e ni emqai qaji di a na ubtosim mermqas.’ 11 PuloÅ di tulaÅ riaÅosiq Åam qamotbonaqa e Åam ambruibonaqa Åam atqa keresai. Deqa tamo naÅgi e ombla soqneb qaji naÅgi ijo baÅ ojsib e babaÅbosib Damaskus osi gileb. 12 “Damaskus dia tamo bei soqnej aqa ñam Ananaias. A Qotei aqa dal anjam dauryoqnej qaji. Juda tamo uÅgasari kalil Damaskus di soqneb qaji naÅgi a qa maroqneb, ‘A tamo bolequja.’ 13 E Damaskus gilsim di sonamqa Ananaias na e itbosiqa ijo areq di tigelosiq merbej, ‘O ijo was Sol, ino Åamdamu olo poimeme.’ Degsi merbonaqa bati qujai deqa ijo Åamdamu poibonaqa e olo Åam atsim Ananaias aqa ulatamu unem. 14 Onaqa Ananaias na olo merbej, ‘Gago moma naÅgo Qotei a ni giltmqo. Ni aqa areqalo qalieosim Yesus unsim aqa medabuq na anjam bei quqwajqa deqa ni giltmqo. Yesus a kumbra bole tiÅtiÅ yeqnu qaji tamo. 15 Deqa ni aqa anjam mare mare laqnsimqa kumbra ni unem qaji ti anjam ni quem qaji deqa ti tamo uÅgasari kalil naÅgi sainjroqne. 16 Deqa ni tariÅaim. Ni urur tigelosim yanso ame. Osim Yesus aqa ñam metosim pailye. Yimqa Qotei na ino une kalil kobotetmqas.’ Ananaias na e degsi merbej. 17 “Bati bei e olo Jerusalem bosimqa atra tal miligiq di Qotei pailyoqnsimqa e Åeio bulosim Yesus unem. Yesus unnamqa merbej, ‘Ni Jerusalem endia ijo anjam maroqnqam di Juda naÅgi ni quetmoqnqasai. Deqa ni Jerusalem endi saim. Ni urur tigelosim Jerusalem uratosim gile.’ 19 Onaqa e na Yesus minjem, ‘O Tamo Koba, Juda naÅgi qalie, nami e naÅgo Qotei tal miligiq giloqnsimqa tamo uÅgasari ni qa naÅgo areqalo siÅgilatoqneb qaji naÅgi ojeleÅoqnsim toqoÅ na ñumoqnsim tonto talq di breinjroqnem. NaÅgi ino wau tamo Stiven meniÅ na qaleqnabqa e jojom di tigelosim tamo naÅgi a qaloqneb qaji naÅgo gara jugo taqatesosim endegsi minjroqnem, “NiÅgi keretosib Stiven qalonub moiqo.” Ijo kumbra di Juda naÅgi qalie.’ 21 Onaqa Yesus na e olo merbej, ‘Ni gile. E ni qariÅmitqa ni sawa isaq gilsim dia sawa bei bei qaji naÅgi ijo anjam minjroqnqam.’" 22 Pol a tamo uÅgasari naÅgi anjam degsi minjroqnsiq a sawa bei bei qaji naÅgoq gilqa marnaqa anjam qujai di naÅgi qusib minjiÅ ani oqetnjrnaqa tulaÅ leleÅoqnsib maroqneb, “Pol a qalib moiyem. Tamo deqaji mandamq endi olo saiq." 23 NaÅgi degsib maroqnsib murqumyoqnsib naÅgo gara jugo piqteleÅosib naÅgo baÅ na wi ramboiyoqnsib breiyeqnab goge oqoqnej. 24 Onaqa qaja tamo naÅgo gate koba a na aqa qaja tamo naÅgi minjrej, “NiÅgi Pol osib nuÅgo Åeio tal miligiq di bu toqoÅ na kumbaiÅyiy. KumbaiÅyosib nenemyibqa aqa une kiye qa tamo uÅgasari naÅgi murqumyoqnsib a qalib moiqajqa mareqnub di a na geregere merbimqa e quqwai." 25 Onaqa qaja tamo naÅgi Pol sil na tontosib kumbaiÅyqa laqnabqa a na qaja tamo gate bei jojom di tigelesoqnej qaji di minjej, “E Rom tamo. Deqa niÅgi ijo une mati qalieosaiosib e laÅa kumbaiÅbqab di kumbra bole kiyo?" 26 Onaqa qaja tamo gate dena Pol aqa anjam di qusiqa a qaja tamo naÅgo gate koba aqa areq gilsiqa nenemyej, “Pol a Rom tamo. Deqa ni a kiyeryqam?" 27 Degsi nenemyonaq qusiqa Pol aqa areq gilsiq minjej, “Ni merbe, ni bole Rom tamo e?” Onaqa Pol na minjej, “Od. E Rom tamo." 28 Degsi minjnaqa qaja tamo naÅgo gate koba dena olo Pol minjej, “E silali kobaquja waiyonamqa deqa naÅgi na e Rom tamo ateb.” Onaqa Pol na kamba minjej, “E silali waiyosai. Ijo ai abu naÅgi Rom qaji deqa e Rom tamo tiÅtiÅ." 29 Onaqa qaja tamo naÅgi Pol aqa anjam di qusib a kumbaiÅyqa urateb. Qaja tamo naÅgo gate koba a dego Pol aqa anjam di qusiq a ulaej. Di kiyaqa? A na aqa qaja tamo naÅgi minjrnaqa Pol sil na tonteb deqa. 30 Onaqa nebeonaqa Juda naÅgi na une kiye Pol aqa jejamuq di qametoqneb di qaja tamo naÅgo gate koba a qalieqa marsiqa Pol osiq sil palontetosiq atra tamo kokba ti Juda tamo kokba ti naÅgi metnjrnaq bosib koroonabqa Pol osiqa naÅgo ulatamuq di tigeltej.