Galesia 5

PNG

‹ Chapter 4 Galesia — All Chapters Chapter 6 ›

1 Kristus na iga ele�ej deqa iga olo ka�gal tamo bul sqasai. Dal anjam na iga olo bunu taqatgwasai dego. Deqa ijo was, ni�gi si�gila na tigelesosib tamo qudei na olo ni�gi dal anjam aqa sorgomq di sqa mer�goqnib saidnjroqniy. 2 E Pol. E na ni�gi endegsi mer�git quiy. Ni�gi mulu� aiqab di Kristus na ni�gi aqaryai�gwa keresai. 3 Ni�gi qudei mulu� aiqa mareqnub deqa e na endegsi mer�gwai. Ni�gi mulu� aiqab di Qotei na mer�gwas, “Ni�gi dal anjam mutu kalil dego torei dauryekritiy. Qujai bei grotaib." 4 Ni�gi qudei mareqnub, “Iga dal anjam dauryqom gam dena Qotei na iga tamo bole une saiqoji qa mergwas.” Ni�gi degsib mareqnub di ni�gi Kristus urateqnub. Qotei a ni�gi qa are boleiyej aqa kumbra di dego ni�gi qoreiyeqnub. 5 O was ni�gi degaib. Iga Mondor ejunum deqa iga aqa wau na Qotei qa gago areqalo si�gilatoqnsim mondo� a na iga tamo bole une saiqoji qa mergwajqa deqa tari�oqnsim unum. 6 Tamo a Kristus Yesus beteryesqas di a endegsi poiyqas, “Iga mulu� aiqom di la�a. Iga mulu� aiqasai di dego la�a. Ariya iga Yesus qa gago areqalo si�gilatosim qalaqalaiyo kumbra dauryqom di kumbra bole utru ti.” A degsi poiyqas. 7 Nami ni�gi Yesus aqa gam geregere dauryosib walweloqneb. Ariya tamo yai na gam getentet�gej deqa ni�gi olo anjam bole dauryqa urateqnub? 8 Nu�go areqalo ni�gi bini ojejunub qaji di bolesai. Qotei agi ni�gi met�gej qaji a na areqalo di ni�gi e�gosai. 9 Nu�go areqalo uge di sum bul. Ni�gi qalie, tamo na�gi sum kiñala oqnsib bem ti bulyeqnab bem tiyekritoqnsiq tula� kobaqujaeqnu. Dego kere nu�go areqalo uge di tula� kobaqujaqas. Deqa ni�gi areqalo di uratiy. 10 O ijo was, e qalieonum, ni�gi areqalo uge di uratqab. Osib ijo areqalo olo dauryqab. Tamo Koba a na aqaryai�gimqa ni�gi degyqab. Di e qalieonum. Tamo yai na�gi nu�go areqalo niñaqyet�gwajqa waueqnub di e qaliesai. Tamo na�gi di awai ugedamu oqab. 11 Ariya “Ni�gi mulu� aiyiy” e anjam di tamo na�gi minjreqnum qamu kiyaqa jeu tamo na�gi na e ugeugeibeqnub? O ijo was, e anjam di tamo na�gi minjreqnum qamu Yesus a �amburbasq di moiyej anjam dena jeu tamo na�go areqalo ugetetnjrosai qamu. 12 Jeu tamo na�gi dena nu�go areqalo niñaqyet�geqnub. Na�gi mulu� aiqajqa tula� si�gilaeqnub deqa u�gum, na�gi na�go segi welum gei dego potosib torei taqal waiyebe. 13 Od, ijo was, Yesus a ni�gi ele�ej deqa dal anjam na olo bunu ni�gi taqat�gwasai. Qotei a deqa are qalsiq ni�gi met�gej. Ariya ni�gi endegsib are qalaib, “Iga dal anjam aqa sorgomq di sosai deqa u�gum, iga gago areqalo namij dauryosim kumbra uge uge yoqnqom.” Ni�gi degsib are qalaib. Ni�gi kumbra endegyiy. Ni�gi nu�go Kristen was na�gi aqaryainjroqnsib qalaqalainjroqniy. 14 Anjam bei dego unu, “Ni ino segi jejamu gereiyeqnum dego kere ni ino was na�gi degsim geregereinjroqne.” O ijo was, anjam dena dal anjam kalil kabutejunu. 15 Deqa ni�gi segi segi �iri�oqnsib qotoqnaib. Qotoqnqab di ni�gi segi segi qa kumbra uge yoqnsib uneq aisib padalqab. 16 Ijo anjam bei agiende. Ni�gi Qotei aqa Mondor aqa kumbra na walweloqniy. Degsib walwelqab di ni�gi nu�go segi jejamu qa areqalo namij dauryqasai. 17 Iga qalie, gago areqalo namij ti Qotei aqa Mondor ti ombla jeu atoqnsib unub. Deqa kumbra bole ni�gi yqajqa arearet�geqnu qaji di ni�gi yosaieqnub. 18 Ariya ni�gi Qotei aqa Mondor aqa kumbra dauryqab di ni�gi olo dal anjam aqa sorgomq di sqasai. 19 Areqalo namij aqa kumbra di ni�gi qalie. Sambala kumbra ti, kumbra jiga ti, kumbra uge uge yqajqa are prug�goqa, 20 gisa� qotei qa louoqa, gumani�oqa, was bei jeutoqa, �iri�oqa, was bei aqa i�gi i�gi qa maul�goqa, minji� oqoqa, are ugeoqa, nu�go segi jejamu qa are qalsib anjam na qotoqa, Kristen was na�gi pupoaiyeltnjroqa, 21 tamo ñoro ti na�gi qa are ugei�goqa, ya uysib nanarioqa, ala�kobaoqa. O ijo was, areqalo namij aqa kumbra kalil agide. Tamo u�gasari kumbra deqaji yeqnub qaji na�gi Qotei na taqatnjrsim na�go Mandor Koba sqasai. E nami ni�gi degsi mer�gem agi olo mer�gonum. 22 Ariya Qotei aqa Mondor na iga kumbra bole endeqaji yqajqa are tigeltetgeqnu. Qalaqalaiyo kumbra dauryoqa, areboleboleigoqa, lawo kumbra yoqa, urur minji� oqosaioqa, gago was na�gi aqaryainjroqnsim kumbra bole bole enjroqa, kumbra bole ti�ti� dauryoqa, 23 lawo na soqa, gago segi jejamu taqatosim areqalo namij dauryqa uratoqa. O ijo was, iga kumbra bole deqaji yoqnqom di dal anjam na iga getentgwa keresai. 24 Tamo u�gasari Kristus Yesus beteryejunub qaji na�gi na na�go areqalo namij ti are prugnjrqajqa kumbra ti kalil �amburbasq di qamnab moiyej. 25 Qotei aqa Mondor na iga �ambile egej deqa iga aqa kumbra na walweloqnqom. 26 Iga gago segi ñam soqtqasai. Iga Kristen qudei na�go are ugetetnjroqnsim qotoqnqasai. Iga gago was na�go ñoro qa maulgoqnqasai dego.

‹ Chapter 4 Galesia — All Chapters Chapter 6 ›

Galesia 5

Cite / Share This Page