Hibru 1
PNG1 Nami Qotei na gago moma utru naÅgi anjam minjroqnej. A gam endena naÅgi anjam minjroqnej. A na aqa medabu o qaji tamo naÅgi qariÅnjreqnaqa naÅgi giloqnsib bati gargekoba gago moma utru naÅgi anjam minjroqneb. 2 Ariya bini Qotei na iga dego anjam mergeqnu. DiÅo bati jojomqo deqa a na aqa Åiri aqa medabu na iga anjam mergeqnu. Qotei na aqa Åiri giltej deqa a iÅgi iÅgi kalil oqas. Aqa baÅ na Qotei na mandam atej unu. 3 A na Qotei aqa riaÅ koba iga osorgeqnu. Aqa so ti Qotei aqa so ti ombla kerekere. Aqa anjam siÅgila ti unu. Anjam dena a na iÅgi iÅgi kalil siÅgilatejunu. A gago une kobotetgosiqa laÅ qureq oqsiq Qotei siÅgila koba ti unu qaji aqa baÅ woq di awejunu. 4 Qotei na aqa Åiri ñam kobaquja yej. Ãam dena laÅ aÅgro naÅgo ñam tulaÅ buÅyejunu. 5 Nami Qotei na aqa Åiri endegsi minjej, “Ni ijo segi AÅgro. Bini e ino Abu unum.” Osiqa olo anjam bei dego aqa Åiri qa endegsi marej, “E aqa Abu sqai. A ijo AÅgro sqas.” Ariya Qotei na aqa laÅ aÅgro naÅgi anjam degsi minjrosaioqnej. 6 Nami Qotei na aqa Åiri matu qariÅyim mandamq aiqa osiqa a qa olo anjam endegsi marej, “Ijo laÅ aÅgro kalil naÅgi aqa sorgomq di sosib a qa louoqnqab." 7 Ariya Qotei a laÅ aÅgro naÅgi qa anjam degsi marosaioqnej. A naÅgi qa endegsi marej, “E ijo laÅ aÅgro naÅgi wau enjrem. Deqa naÅgi jagwa ti Åamyuwo ti bulosib ijo wau ojeqnub." 8 Ariya Qotei na aqa segi Åiri endegsi minjej, “O Qotei, ni bati gaigai Mandor Koba sqam. Ni tamo bole unum deqa ni na ino segi tamo uÅgasari naÅgi taqatnjroqnqam. 9 Ni kumbra bole yqajqa tulaÅ arearetmeqnu. Ni kumbra uge yqajqa arearetmosaieqnu. Deqa ino Qotei na ni giltmosiqa ino gateq di goreÅ bilentosiq ñam kobaquja emej. Deqa ni tulaÅ areboleboleimeqnu. Ino arebolebole dena ino was naÅgo arebolebole tulaÅ buÅyejunu." 10 Qotei na aqa Åiri degsi minjsiqa olo anjam bei dego endegsi minjej, “O Tamo Koba, ni nami mandam atem unu. Osim laÅ dego ino segi baÅ na gereiyem. 11 LaÅ ti mandam ti koboqab. Ariya ni bati gaigai sqam. LaÅ ti mandam ti gara jugo bulosib sariosib ugeqab. 12 Tamo bei na aqa gara lubtoqnsiq taqal ateqnu dego kere ni na laÅ ti mandam ti lubtosim taqal atqam. Tamo bei na aqa gara piqtoqnsiq taqal ateqnu dego kere ni na laÅ ti mandam ti piqtosim taqal atqam. Ariya ni segi bulyqasai. Ni bati gaigai degsi sqam. Ino sqajqa bati koboqasai." 13 Qotei na aqa Åiri degsi minjsiqa olo minjej, “Ni ijo baÅ woq endi awesoqnimqa e na ino jeu tamo kalil naÅgi eleÅosiy ino siÅgaq di ateleÅqai.” Qotei na anjam deqaji aqa laÅ aÅgro naÅgi minjrosaioqnej. 14 LaÅ aÅgro naÅgi Qotei aqa Åiri bul sai. NaÅgi Qotei aqa wau ojo qaji mondor. A na naÅgi qariÅnjreqnaqa naÅgi aqa wau ojeqnub. NaÅgo wau agiende. NaÅgi giloqnsib tamo uÅgasari a na eleÅqas qaji naÅgi aqaryainjreqnub.