Hibru 7

PNG

‹ Chapter 6 Hibru — All Chapters Chapter 8 ›

1 Melkisedek a Salem qure na�go mandor soqnej. A Qotei Goge Koba aqa atra tamo dego soqnej. Bati deqa Abraham a mandor qudei na�gi ti qotsiqa na�gi ñumej. �umsiqa olo aqa qureq beqnaqa Melkisedek a gamq di Abraham turosiqa aqa gateq di ba� atetosiqa a qa pailyej. 2 Onaqa i�gi i�gi kalil Abraham a mandor na�goq dena ele�ej qaji di a na poto 10 yosiq oto qujai Melkisedek atraiyej. Melkisedek aqa ñam aqa damu agiende, Kumbra Bole Yeqnu Qaji Mandor. Qure ñam Salem aqa damu agiende, Are Lawo. Melkisedek a Salem qure na�go mandor soqnej deqa aqa ñam aqa damu bei agiende, Are Lawo Qaji Mandor. 3 Melkisedek a abu saiqoji. A ai saiqoji. A moma bei dego saiqoji. Aqa �ambabo bati di iga qaliesai. Aqa moiqajqa bati di dego iga qaliesai. Deqa a Qotei aqa �iri bulosiq a bati gaigai atra tamo unu. 4 Melkisedek aqa ñam tula� kobaquja. E deqa ni�gi sai�gwai. Gago moma utru Abraham a mandor na�goq dena i�gi i�gi boledamu ele�osiqa poto 10 yosiq oto qujai Melkisedek atraiyej. 5 Bunuqna Qotei na Livai aqa moma na�gi minjrej, “Ni�gi atra tamo sqab.” Agi dal anjam endegsi unu, “Israel na�gi na i�gi i�gi poto 10 yoqnsib oto qujai Livai aqa moma na�gi atrainjroqnqab.” Israel na�gi Abraham aqa le� na �ambabeb. Na�gi Livai aqa moma na�go was. 6 Melkisedek a Livai aqa le� sai. Ariya Abraham a i�gi i�gi poto 10 yosiq oto qujai Melkisedek atraiyej. Atraiyonaqa Melkisedek a Abraham aqa gateq di ba� atetosiqa a qa pailyej. Abraham agi nami Qotei na minjej, “E ino moma na�gi kobatnjrqai." 7 Iga qalie, tamo ñam ti na�gi na tamo ñam saiqoji na�go gateq di ba� atetnjroqnsib na�gi qa pailyeqnub. 8 Israel na�gi na Livai aqa moma na�gi i�gi i�gi atrainjreqnub. Livai aqa moma na�gi more�eqnub. Ariya Melkisedek agi Abraham na i�gi i�gi atraiyej qaji aqa moiqajqa bati na�gi nami ne�gre�yosaioqneb. Deqa a bati gaigai sobulejunu. 9 Livai aqa moma utru qujai di agi Abraham. Deqa iga endegsi marqom, Livai na i�gi i�gi di osiq Melkisedek atraiyobulej. 10 Melkisedek a Abraham gamq di turej bati di Livai a �ambabosaisoqnej. Abraham a i�gi i�gi di Melkisedek atraiyej bati deqa Livai a Abraham aqa jejamu miligiq di soqnej. Bunuqna Livai a Abraham aqa le� na �ambabej. Deqa iga endegsi marqom, Livai a dego i�gi i�gi di Melkisedek atraiyobulej. 11 Livai aqa moma na�gi atra tamo sosib wauoqneb na�go wau dena tamo u�gasari na�gi boletnjrosaioqnej. Na�gi boletnjrej qamu atra tamo bei a olo brantosai qamu. Bole, dal anjam a marej, Livai aqa moma na�gi atra tamo sqab. Dal anjam di Israel na�gi nami esoqneb. Ariya Qotei a olo marnaqa Yesus a gago atra tamo brantej. A Aron bulosiq atra tamo brantosai. A Melkisedek bulosiq atra tamo brantej. 12 O ijo was, dal anjam a marej, Livai aqa moma na�gi atra tamo sqab. Ariya bunuqna Qotei a na�gi kobotnjrsiqa olo atra tamo bei agi Yesus atej. Qotei aqa kumbra dena a na dal anjam bulyosiq olo dal anjam bei atej. 13 Yesus a Livai aqa le� na �ambabosai. A le� bei na�goq na �ambabej. Le� na�gi di atraiyqajqa wau nami ojosaioqneb. 14 Iga qalie, gago Tamo Koba a Juda aqa le� na �ambabej. Le� dena atra tamo na�gi brantqajqa Moses a deqa marosaioqnej. 15 Yesus a atra tamo bunuj brantosiq Melkisedek bulonaq iga unem. Deqa iga poigeqnu, atra tamo bunuj dena atra tamo kalil nami soqneb qaji na�gi tula� bu�njrejunu. 16 Dal anjam a marej, atra tamo na�gi Livai aqa le� na brantqab. Ariya Yesus a gam bei na atra tamo brantej. A �ambile ti si�gila ti unu. A gaigai degsim sqas. Gam dena a atra tamo brantej. 17 Agi Qotei na nami Kristus endegsi minjej, “Melkisedek a atra tamo soqnej dego kere ni bati gaigai atra tamo sqam." 18 O ijo was, anjam dena iga poigeqnu, dal anjam nami soqnej qaji di si�gila saiqoji. Dal anjam dena iga aqaryaigwa keresai. Deqa Qotei na dal anjam di taqal waiyej. 19 Dal anjam dena iga boletgosaioqnej deqa Qotei na dal anjam di taqal waiyosiqa olo gam bunuj waqtetgej. Gam bunuj di tula� bolequja. Gam dena dal anjam namij di tula� bu�yejunu. Deqa iga gam bunuj di dauryosim Qotei aqa areq giloqnsim a qa tari�oqnqom. 20 Qotei na Yesus giltosiqa minjej, “Ni atra tamo sqam.” Degsi minjsiqa aqa anjam di si�gilatej. Atra tamo nami soqneb qaji na�gi dego Qotei na giltnjroqnsiqa minjroqnej, “Ni�gi atra tamo sqab.” Ariya a aqa anjam di si�gilatosaioqnej. Agi Qotei aqa anjam bei nami endegsib ne�gre�yeb unu, “Tamo Koba a na Kristus endegsi minjej, ‘Ni bati gaigai atra tamo sqam.’ Osiqa aqa anjam di si�gilatej. Deqa aqa anjam di a olo uratqa keresai." 22 Deqa iga qalieonum, Qotei aqa anjam bunuj di tula� bolequja. Di kiyaqa? Yesus a segi na anjam di gereiyej deqa. Anjam dena dal anjam namij tula� bu�yejunu. 23 Nami tamo gargekoba na�gi atra tamo soqneb. Na�gi more�oqneb deqa na�gi gaigai atra tamo sqa keresai. 24 Ariya Yesus a gaigai sqas deqa a gaigai atra tamo sosim wauoqnqas. Tamo bei na aqa sawa oqa keresai. 25 Deqa tamo u�gasari Yesus aqa ñam na Qotei aqa areq gileqnub qaji na�gi Yesus na torei ele�qa kere. Di kiyaqa? A gaigai �ambile sosiq na�gi qa Qotei pailyeqnu. 26 Yesus a atra tamo gate deqaji unu deqa a na iga tula� aqaryaigwa kere. A gaigai Qotei aqa segi kumbra boleq di sosiq dauryeqnu. A une bei saiqoji. A Qotei aqa �amgalaq di tamo tula� bolequja. Qotei na a osi oqsiq la� qureq di awotej unu. Deqa a une tamo na�go ambleq di sosai. A isaq di unu. 27 Atra tamo gate nami qaji na�gi bati gaigai wagme i�gi i�gi oqnsib Qotei atraiyeqnub. Mati na�gi na�go segi une qa wagme i�gi i�gi oqnsib Qotei atraiyeqnub. Osib olo tamo u�gasari na�go une qa dego Qotei atraiyeqnub. Ariya Yesus a wau degyosaieqnu. A bati qujai qa aqa segi jejamu �ambile sonaq osiqa Qotei atraiyej. 28 Dal anjam a nami marej, mandam tamo na�gi atra tamo gate sqab. Tamo na�gi di si�gila saiqoji. Ariya bunuqna Qotei na olo anjam bei marsiqa anjam di si�gilatej. Anjam di aqa damu agiende. A na aqa segi �iri torei keretosiqa a atra tamo gate atej. Deqa a bati gaigai atra tamo gate sqas.

‹ Chapter 6 Hibru — All Chapters Chapter 8 ›

Hibru 7

Cite / Share This Page