Jems 3
PNG1 O ijo was kalil, tamo quja quja segi Qotei aqa anjam palontoqnebe. Tamo gargekoba naÅgi anjam palontoqnaib. NiÅgi qalie, mondoÅ une pegiyo batiamqa Qotei na anjam palonto tamo naÅgo wau qa geregere peginjrqas. 2 Bati gaigai iga kumbra gro groyeqnum. Ariya iga gago anjam maro qa grotqasai di iga tamo bolequja sqom. Sosimqa gago baÅ ti siÅga ti jejamu ti kalil geregere taqatqom. 3 Iga hos naÅgo medabuq di sil atoqnsim naÅgi titnjreqnam naÅgi iga daurgeqnub. Iga naÅgo medabu segi ojeqnam naÅgo jejamu dego iga daurgeqnu. 4 NiÅgi qobuÅ uniy. QobuÅ a tulaÅ kobaquja. Aqa kuñi tulaÅ kiñala. Ariya jagwa koba tigelosiq qobuÅ tutqa laqnaqa qobuÅ aqa abu na kuñi ojoqnsiq tingiteqnaq qobuÅ a dauryoqnsiq gileqnu. 5 Dego kere gago medabu kiñala. Ariya a diq koba yeqnu. Iga gago medabu waqtoqnsim gago segi ñam soqtoqnsim diqoqnsim anjam mareqnum. Iga qalie, Åamyuwo yusiq tulaÅ kobaqujaoqnsiq ÅamtaÅ kalil yueleÅeqnu. 6 Gago medabu a Åamyuwo bul. Iga gago medabu waqtoqnsim dena iga kumbra uge uge yoqnsim gago jejamu kalil tulaÅ jigateqnum. MondoÅ tamo naÅgi Åamyuwoq aisib padalqab dego kere gago medabu na gago so tulaÅ ugeugeiyeqnu. 7 NiÅgi wagme naÅgi qa are qaliy. Wagme ti qebari ti qe ti kalil iga na taqatnjreqnum. 8 Ariya iga gago medabu taqatqa keresai. Iga gago medabu na gaigai anjam uge uge mareleÅeqnum. Amal uge na tamo naÅgi uñinjroqnsib moiyotnjreqnub dego kere gago medabu na iga kumbra uge ugeq breigeqnu. 9 Gago kumbra agiende. Iga gago medabu waqtoqnsim gago Tamo Koba Abu Qotei aqa ñam soqtoqnsim olo puluoqnsim medabu qujai dena tamo uÅgasari naÅgi misiliÅnjreqnum. Tamo uÅgasari naÅgi di Qotei na gereinjrsiqa aqa segi so boleq di atej. 10 Iga kumbra uge deqaji yeqnum. Agi iga gago medabu waqtoqnsim Qotei aqa ñam soqtoqnsim olo medabu qujai dena anjam uge uge mareleÅeqnum. O ijo was, gago kumbra di ugedamu. 11 Ya jumbum qujaiq na ya bole ti ya uge ti brantqa keresai. 12 Qura na oliv aqa gei oqa kere e? Wain sil na qura aqa gei oqa kere e? Yuwal a ya bole bulyqa kere e? Sai. 13 NuÅgo ambleq di tamo qudei naÅgi qalie ti powo ti unub kiyo? Sqab di naÅgi naÅgo segi ñam aguq atoqnsib kumbra bole bole yoqnebe. Yim tamo uÅgasari naÅgi naÅgo kumbra di unoqnsib maroqnqab, “NaÅgi tamo bole." 14 Ariya niÅgi olo nuÅgo segi jejamu qa are qaloqnsib laÅa are ugeiÅgoqnim diqoqnaib. NiÅgi degyqab di niÅgi gisaÅ kumbra dauryosib Qotei aqa anjam bole ugetqab. 15 Osib niÅgi powo uge ti sqab. Powo deqaji laÅ goge na bosai. Di mandam qaji powo. Di gago areqalo namij aqa powo. Powo di Satan aqaq na beqnu. 16 NiÅgi quiy. Tamo uÅgasari naÅgi naÅgo segi jejamu qa are qaloqnsib laÅa are ugeinjroqnim diqoqnqab di naÅgi so tulaÅ ugeq di sosib kumbra uge uge yoqnqab. 17 Ariya tamo uÅgasari laÅ goge na powo eqnub qaji naÅgi kumbra tulaÅ bolequja yeqnub. NaÅgi kumbra jigat dauryosaieqnub. NaÅgi lawo na sosib tamo naÅgi jiÅga na gereinjroqnsib naÅgi qa duloqnsib kumbra bole bole osornjreqnub. NaÅgi na tamo kalil naÅgi turtnjroqnsib kumbra qujai enjreqnub. NaÅgi laÅa babaÅ na Qotei aqa kumbra dauryosaieqnub. NaÅgi bole dauryeqnub. 18 Tamo deqaji naÅgi lawo na sosib are qujaitoqnsib jeu turyoqnsib kumbra bole tiÅtiÅ babteqnub. IÅgi meli branteqnu dego kere.