Jon 18

1 Yesus a degsi Qotei pailyosiq koboonaqa a na aqa aÅgro naÅgi joqsiqa koba na walwelosib Kidron ya dosib taqal beiq aisib nañu agu beiq di soqneb. 2 Bati gaigai Yesus aqa aÅgro naÅgi koba na nañu agu dia korooqneb. Deqa Yesus aqa aÅgro Judas agi Yesus osim jeu tamo naÅgo baÅq di atqas qaji a nañu agu di qaliesoqnej. 3 Deqa a na qaja tamo gargekoba naÅgi waÅal ti lam ti sebru ti eleÅonab joqsiqa nañu agu deq gileb. Atra tamo kokba ti Farisi ti naÅgi na naÅgi qariÅnjrnab Yesus ojqa gileb. Rom naÅgo qaja tamo qudei dego naÅgi koba na gileb. 4 Gulbe kalil Yesus aqaq di brantqas qaji di a nami qaliesoqnej. Deqa qaja tamo naÅgi aqaq bonabqa a naÅgo areq aisiqa nenemnjrej, “NiÅgi yai qa bonub?" 5 Onaqa naÅgi na kamba minjeb, “Iga Yesus Nasaret qaji a qa bonum.” Onaqa Yesus na minjrej, “E agiende.” Judas agi Yesus osiqa qaja tamo naÅgo baÅq di atej qaji a naÅgi koba na tigelesoqneb. 6 Onaqa naÅgi Yesus aqa anjam di qusibqa qore na ululoÅosib ÅereÅeb. 7 Onaqa Yesus na olo nenemnjrej, “NiÅgi yai qa bonub?” Onaqa naÅgi na minjeb, “Iga Yesus Nasaret qaji a qa bonum." 8 Onaqa Yesus na minjrej, “E nami merÅgonum, e agiende. NiÅgi e qa bonub di e segi ojiy. Ijo aÅgro naÅgi uratnjrib gileb." 9 Yesus a naÅgi degsi minjrej deqa aqa anjam bei nami marej qaji di aqa damu brantej. Agi a nami endegsi marej, “O Abu, tamo naÅgi ni na ebem qaji bei e uratit padalqasai." 10 Onaqa jeu tamo naÅgi Yesus ojeqnab Saimon Pita na aqa sebru osiqa atra tamo gate aqa kaÅgal tamo bei gateq di qalqajqa waiyej grotosiqa dabkala segi gentetej. KaÅgal tamo di aqa ñam Malkus. 11 Onaqa Yesus na Pita minjej, “Ino sebru olo ate. E jaqatiÅ koba oqai. JaqatiÅ di ya uge uyo bul. Di uyqai. Ijo Abu na merbej, ‘Ni jaqatiÅ di oqam.’" 12 Onaqa qaja tamo naÅgi ti naÅgo gate koba a ombla na Yesus ojsib aqa baÅ tonteteb. 13 Osib Kaiafas aqa sou Anas aqa talq osib aiyeb. Kaiafas a wausau deqa Juda naÅgo atra tamo gate soqnej. 14 Agi a nami Juda tamo kokba naÅgi minjrej, “Tamo qujai a tamo uÅgasari kalil naÅgi qa moiqas di kere." 15 Qaja tamo naÅgi Yesus osi aiyeqnabqa Saimon Pita a qoreq na Yesus dauryosiq aiyej. Yesus aqa aÅgro bei dego a dauryosiq aiyej. AÅgro di atra tamo gate a qalie. Deqa a Yesus dauryosiq torei jeÅ miligiq gilsiq atra tamo gate aqa talq di brantej. 16 Ariya Pita a siraÅme qala oqeq di tigelesoqnej. Onaqa Yesus aqa aÅgro agi atra tamo gate a qaliesoqnej qaji a na siraÅme taqato uÅa minjnaqa odyonaqa Pita osiq ombla na jeÅ miligiq gilsib tal qalaq di tigelesoqneb. 17 Onaqa siraÅme taqato uÅa a na Pita nenemyej, “Ni Yesus aqa aÅgro kiyo?” Onaqa Pita na kamba minjej, “Eo. E aqa aÅgro sai." 18 KaÅgal tamo naÅgi ti tal taqato tamo naÅgi ti yornjrnaqa Åam tuÅguyosib Åamyuwo areq di tigelesosib Åam yoroqneb. Onaqa Pita a dego bosiq naÅgi koba na tigelesosib Åam yoroqneb. 19 Bati deqa atra tamo gate a anjam gargekoba Yesus nenemyoqnej. Yesus aqa aÅgro naÅgi qa ti aqa anjam a na tamo uÅgasari naÅgi minjroqnej qaji deqa ti nenemyoqnej. 20 Onaqa Yesus na kamba minjej, “E boleq di tamo uÅgasari naÅgi anjam minjroqnem. E bati gaigai Qotei tal miligiq di, atra tal miligiq di, Juda naÅgo koro sawaq di anjam palontoqnsim minjroqnem. E uliosim anjam minjrosaioqnem. 21 Deqa ni kiyaqa e nenemkobaibeqnum? Tamo uÅgasari ijo anjam quoqneb qaji naÅgi segi nenemnjrimqa naÅgi na mermqab. E anjam minjroqnem qaji di naÅgi qalie." 22 Yesus a atra tamo gate degsi minjnaqa qaja tamo bei Yesus aqa areq di tigelesoqnej qaji a baÅ lubtosiqa Yesus aqa ulatamuq di qalej. Osiqa minjej, “Ni kiyaqa atra tamo gate aqa medabu ojonum?" 23 Onaqa Yesus na kamba minjej, “E anjam maronum endi gisaÅamqa ubtosim merbe. Ariya ijo anjam boleamqa ni kiyaqa e lubonum?" 24 Onaqa Anas na aqa qaja tamo naÅgi minjrnaqa Yesus osib atra tamo gate Kaiafas aqaq gileb. Yesus aqa baÅ tonto qorbi sonaq osi gileb. 25 Saimon Pita a Åamyuwo areq di tigelesosiq Åam yoreqnaqa tamo qudei na minjeb, “Ni dego Yesus aqa aÅgro bei kiyo?” Onaqa Pita a saidosiq minjrej, “Eo. E aqa aÅgro sai." 26 Onaqa atra tamo gate aqa kaÅgal tamo bei na Pita minjej, “E ni kiyo Yesus ombla nañu aguq di sonam numonum?” Tamo di agi Pita na tamo dabkala gentetej qaji aqa was. 27 Onaqa Pita a olo saidosiq minjej, “Di e sai.” Pita a degsi gisaÅoqalubtonaqa tuwe anjamej. 28 Onaqa nobqolo malu qameqnaq Juda tamo kokba naÅgi na Kaiafas aqa talq dena Yesus osib Rom naÅgo mandor Pailat aqa tal kobaqujaq gileb. NaÅgi tal miligiq gilosai. NaÅgi endegsib are qaleb, “Pailat a Juda tamo sai. A sawa bei qaji tamo. Deqa iga aqa tal miligiq gilqa getento. Gago dal anjam degsi unu. Iga aqa tal miligiq gilqom di iga une ti sqom. Deqa gago yori bati koba brantimqa iga iÅgi uyqa keresaiigwas.” NaÅgi degsib are qalsib deqa naÅgi Pailat aqa tal miligiq gilosai. 29 NaÅgi oqeq di tigelesonabqa Pailat a segi oqedosiq naÅgoq di brantej. Brantosiqa nenemnjrej, “Tamo endi aqa une kiye qa niÅgi a osib ijoq bonub?" 30 Onaqa naÅgi na Pailat minjeb, “Tamo endi a kumbra uge yosai qamu iga inoq osi bosai qamu." 31 Onaqa Pailat na olo minjrej, “NiÅgi a olo osi aisib nuÅgo segi dal anjam na aqa une qa pegiyiy.” Onaqa naÅgi na kamba Pailat minjeb, “Iga Juda tamo. Deqa iga na tamo moiyotqa keresai." 32 NaÅgi Pailat degsib minjeb deqa anjam bei Yesus a nami marej qaji di aqa damu brantej. Agi Yesus a gam kiye na moiqas di a segi nami ubtej. 33 Onaqa Pailat a olo puluosiqa aqa tal miligiq gilsiq aqa qaja tamo naÅgi minjrnaqa naÅgi na Yesus osib aqa areq beb. Bonabqa Pailat na nenemyej, “Ni Juda naÅgo Mandor Koba e?" 34 Onaqa Yesus na kamba minjej, “Ni ino segi areqalo na anjam di merbonum kiyo tamo qudei na e qa saimonub qusim anjam di merbonum kiyo? Ni e merbe." 35 Onaqa Pailat na olo minjej, “E Juda tamo e? Sai. Ni que. Ino segi leÅ agi Juda naÅgi ti atra tamo kokba ti naÅgi na ni osib ijoq bonub. Deqa ni merbe. Ni une kiye yonum deqa ni osi bonub?" 36 Onaqa Yesus na minjej, “E mandam qaji mandor sosai. Degsi so qamu Juda naÅgi na e ojeqnab ijo wau tamo naÅgi ÅiriÅosib qoto itnjreb qamu." 37 Onaqa Pailat na olo Yesus nenemyej, “Ni bole mandor e?” Onaqa Yesus na minjej, “Od, ni kere merbonum. E mandor. E anjam bole ubtqajqa deqa mandamq aisim Åambabem. Tamo kalil anjam bole dauryeqnub qaji naÅgi ijo anjam queqnub." 38 Onaqa Pailat na nenemyej, “Anjam bole di kiye?” Juda naÅgi na Pailat minjeb, “Ni Yesus Åamburbasq di qame!” Pailat a degsi marsiqa olo oqedosiqa Juda tamo kokba naÅgoq gilsiqa minjrej, “E tamo endi aqa jejamuq di une bei unosai. 39 Deqa e nuÅgo kumbra bei dauryqai. Wausau gaigai nuÅgo yori bati koba branteqnaqa e na tamo qujai tonto talq dena uratoqnsim eÅgeqnum. Deqa niÅgi na merbiy. Wausau endeqa e tamo yai uratosiy eÅgwai? E Juda naÅgo mandor endi uratosiy eÅgwai e?" 40 Onaqa Juda tamo kokba naÅgi olo tulaÅ saidosib minjeb, “Ni a uratim oqedaiq. Tonto tamo Barabas a uratim oqedem.” NaÅgi Pailat degsib minjeb. Barabas a leÅ ojo tamo.