Jon 2

1 Bati aiyel koboonaqa Kana qure agi Galili sawaq di unu dia tamo bei uÅa baÅ ojqa bati brantej. Deqa tamo uÅgasari naÅgi koroosib iÅgi goiyeb. Anjam qariÅyonab Yesus aqa ai a koro deq gilej. 2 Yesus aqa aÅgro naÅgi ti dego metnjrnab koro deq gileb. 3 Koroosib iÅgi uyeqnabqa wain saiinjrnaqa Yesus aqa ai na minjej, “NaÅgi wain saiinjrqo." 4 Onaqa Yesus na minjej, “Ai, di ino wau. Di ijo wau sai. Ijo wauqa bati brantosaiunu." 5 Onaqa aqa ai na kaÅgal tamo naÅgi endegsi minjrej, “Yesus a anjam kiye merÅgimqa di dauryiy." 6 Tal dia ya nobu 6 kokba meniÅ na gereiyo qaji ateleÅonab soqneb. Juda naÅgi Qotei pailyqa oqnsib ya nobu dena ya tigoqnsib naÅgo baÅ ti jejamu ti yansoqneb. Deqa ya nobu di ateleÅonab soqneb. Ya nobu quja quja 100 lita. 7 Ariya Yesus na kaÅgal tamo naÅgi minjrej, “Ya nobu di maqteleÅiy.” Onaqa naÅgi ya nobuq di ya qameleÅonab maqej. 8 Onaqa Yesus na olo minjrej, “Ya bei tigsib osi gilsib goiyo lanja a yiy.” Onaqa kaÅgal tamo naÅgi Yesus aqa anjam di dauryosib ya bei tigsib osi gilsib goiyo lanja a yeb. 9 Ya di Yesus na bulyonaq wain babej. Wain babonaqa goiyo lanja a uyo oneiyosiq marej, “Endi wain bolequja.” Wain di qabe na bej di a qaliesai. KaÅgal tamo ya tigeb qaji naÅgi segi qalie. Onaqa goiyo lanja a na tamo uÅa baÅ ojej qaji di metonaq aqa areq bonaq minjej, 10 “Bati gaigai tamo naÅgi iÅgi goiyoqnsib wain qaqatiÅ bole namo tamo naÅgi anainjreqnab uyeqnub. Uyeqnab olo bunu wain qaqatiÅ bolesai di anainjreqnub. Ariya ni degyosai. Ni wain qaqatiÅ bole tentosim namo wain qaqatiÅ bolesai anainjronum uyonub olo bunu wain qaqatiÅ bole anainjronum." 11 Yesus a Kana qureq di maÅwa di babtej. Kana qure agi Galili sawaq di unu. A nami maÅwa bei babtosaioqnej. Bati di qujai a na maÅwa babtqa utru atej. MaÅwa dena a na aqa segi ñam koba ti aqa siÅgila koba ti boleq atej. Onaqa aqa aÅgro naÅgi maÅwa di unsibqa a qa naÅgo areqalo siÅgilateb. 12 Ariya uÅa baÅ ojqa bati di koboonaqa Yesus aqa was naÅgi ti aqa aÅgro naÅgi ti aqa ai koba na Kana qure uratosib Kaperneam qureq gileb. Gilsib dia bati qudei soqneb. 13 Qotei a nami Israel naÅgi Isip sawaq di padalqa laqnabqa naÅgi eleÅej. Deqa olo are qalqajqa yori bati jojomonaqa Yesus a Jerusalem aiyej. 14 Aisiq atra tal kobaquja miligiq gilej. Gilsiqa Åam atej di tamo naÅgi na makau ti kaja ti binoÅ ti qariÅyeqnabqa tamo qudei na awaiyeqnab unjrej. Silali piloqneb qaji tamo naÅgi naÅgo awo jaramq di awesosib silali pileqnabqa naÅgi dego Yesus na unjrej. 15 Unjrsiqa rauÅga osiq dena toqoÅ gereiyosiq ganiÅyoqnsiq naÅgi kalil naÅgo kaja ti naÅgo makau ti winjrnaqa atra tal uratosib jaraiyeb. Silali piloqneb qaji tamo naÅgi dego winjrsiq naÅgo awo jaram bilbelyosiq silali bimbleÅyetnjrej. 16 Osiqa tamo naÅgi binoÅ qariÅyoqnsibqa dena silali oqneb qaji naÅgi endegsi minjrej, “NiÅgi binoÅ di eleÅosib jaraiyiy. NiÅgi na ijo Abu aqa tal endi iÅgi qariÅyo tal bulyaib." 17 Onaqa Yesus aqa aÅgro naÅgi aqa kumbra di unsibqa Qotei aqa anjam bei neÅgreÅq di so qaji deqa olo are qaleb. Agi nami endegsib neÅgreÅyeb, “O Abu, e ino tal qa tulaÅ arearetbqo. Deqa e ino tal bole sqajqa siÅgilaeqnum." 18 Yesus na tamo naÅgi di winjrnaqa Juda tamo kokba naÅgi unsibqa deqa nenemyeb, “Ni maÅwa kiye babtim dena iga poigwas, ni Qotei aqa ñam na kumbra endi yeqnum?" 19 Onaqa Yesus na kamba minjrej, “NiÅgi na atra tal kobaquja endi koÅgrontibqa bati qalub qa e olo tigeltqai." 20 Onaqa naÅgi na minjeb, “Atra tal endi gereiyeqnab wausau 46 koboej. Ni kiyaqa bati qalub qa olo tigeltqa maronum? Keresai." 21 Yesus a atra tal qa marej di aqa segi jejamu sigitosiqa yawo anjam marej. 22 Deqa bunuqna a subq na tigelonaqa aqa aÅgro naÅgi aqa anjam deqa olo are qalsibqa Qotei aqa anjam nami neÅgreÅyeb qaji deqa poinjrnaqa Yesus qa naÅgo areqalo siÅgilateb. 23 Qotei a nami Israel naÅgi Isip sawaq di padalqa laqnabqa naÅgi eleÅej. Deqa olo are qalqajqa yori bati brantonaqa Yesus a Jerusalem di sosiqa maÅwa babteqnaqa tamo uÅgasari tulaÅ gargekoba naÅgi unoqnsib aqa ñam qa naÅgo areqalo siÅgilatoqneb. 24 Ariya Yesus a naÅgi areinjrosai. A tamo kalil naÅgi qa qalie bole. 25 A powo bei qa truquosaieqnu. Deqa tamo bei na tamo naÅgi qa ubtosim Yesus minjaiq. A segi tamo naÅgo areqalo qalie bole.