Jon 4

1 Farisi naÅgi endegsib queb, “Yesus a Jon buÅyosiqa tamo uÅgasari tulaÅ gargekoba yansnjreqnaqa naÅgi a dauryeqnub. Jon a tamo gargekoba yansnjrosaieqnu.” Farisi naÅgi degsib queb. Bole, Yesus a segi na tamo uÅgasari naÅgi yansnjrosaioqnej. Aqa aÅgro naÅgi na yansnjroqneb. Tamo Koba Yesus a qalieej, Farisi naÅgi degsib queb. Deqa a Judia sawa uratosiqa olo Galili sawaq gilej. 4 A gam dauryosiqa Samaria sawa amble potosiqa walwelosiq gilej. 5 Gilsiq Samaria naÅgo qure kiñala bei aqa ñam Sikar di brantej. Qure qalaq di mandam mutu bei soqnej. Mandam mutu di Jekop a nami aqa Åiri Josep yej. 6 Ya uyqajqa sub dia soqnej. Ya sub di Jekop a nami bogej qaji. Yesus a walwelosiq qanam jige seÅ bati 12 onaqa aqa jejamu asgiyonaqa aqaratqa osiqa ya sub qalaq di awoej. 7 Onaqa aqa aÅgro naÅgi iÅgi awaiyqa marsib qure miligiq aiyeb. Aiyeqnabqa Samaria uÅa bei a ya tugwajqa bej. Bonaqa Yesus na minjej, “Ya gambaÅ tigsim e anaibe." 9 Onaqa Samaria uÅa dena Yesus kamba minjej, “Ni Juda tamo. E Samaria uÅa. Deqa ni kiyaqa e merbonum, ‘Ya gambaÅ tigsim e anaibe’?” UÅa na degsiqa Yesus minjej. Di kiyaqa? Juda naÅgi Samaria naÅgi ti koba na anjam marosaieqnub. 10 Onaqa Yesus na uÅa di minjej, “Ni iÅgi bole Qotei na laÅa emqajqa di qalieosim qamu tamo ni na ya tigsim anaiyqajqa mermqo qaji a qa poimqo qamu ni e merbimqa Åambile gaigai sqajqa ya anaimonum qamu." 11 Onaqa uÅa dena minjej, “O Tamo Koba, ni ya tugwajqa gambaÅ saiqoji. Ya sub endi tulaÅ guma koba. Deqa ni qabe na Åambile gaigai sqajqa ya di oqam? 12 Gago moma utru Jekop a nami ya sub endi bogsiqa gago moma naÅgi enjrej. A sub endena ya uyoqnej. Aqa aÅgro naÅgi ti aqa makau ti aqa kaja ti naÅgi dego sub endena ya uyoqneb. Ni na gago moma utru Jekop buÅyqam kiyo?" 13 Onaqa Yesus na kamba minjej, “Tamo naÅgi sub endena ya uyoqnqab di naÅgi olo bunu ya qarnjroqnqas. 14 Ariya e na tamo naÅgi ya anainjrqai di naÅgi bunu ya qarnjrqasai. Ya e na anainjrqai di naÅgi uyibqa naÅgo are miligiq di ya ani bul polyoqnimqa naÅgi Åambile gaigai sqab." 15 Onaqa uÅa dena Yesus minjej, “O Tamo Koba, ni na ya di anaibimqa e olo ya qarboqnqasai. Amqa e olo bosiy sub endena ya tugoqnqasai." 16 Onaqa Yesus na minjej, “Ni mati aisim ino gumbuluÅ metosim niÅgi ombla endeq boiy." 17 Onaqa uÅa na minjej, “E gumbuluÅ saiqoji.” Onaqa Yesus na minjej, “Ni gumbuluÅ saiqoji di kere maronum. 18 Ni nami gumbuluÅ 5 osim uratnjrem. Ariya tamo ni bini ombla unum qaji di ino gumbuluÅ sai. Deqa ino anjam di bole." 19 Onaqa uÅa dena minjej, “O Tamo Koba, ni anjam di ubtosim merbonum deqa e poibqo, ni Qotei aqa medabu o qaji tamo bole. 20 Gago moma naÅgi nami manaq endi korooqnsib Qotei qa louoqneb. Ariya Juda naÅgi mareqnub, ‘Qotei qa louqajqa sawa qujai agi Jerusalem.’" 21 Onaqa Yesus na olo minjej, “O uÅa, e ni anjam bei mermit ni qusim poimeme. Anjam agiende. Bati bei brantimqa manaq endi niÅgi Abu qa louoqnqasai. Jerusalem dia dego niÅgi Abu qa louoqnqasai. 22 NiÅgi Samaria qaji. Deqa niÅgi Abu qa loueqnub qaji a qa geregere poiÅgosai. Ariya iga Juda qaji. Deqa iga Abu qa loueqnum qaji a qa geregere poigeqnu. Di kiyaqa? Abu na tamo uÅgasari naÅgi eleÅqajqa utru agi Juda iga segi. 23 Ariya bati bei brantimqa tamo naÅgi Mondor na ti anjam bole na ti Abu qa louoqnqab. Osib naÅgo lou dena naÅgi Abu qa bole louoqnqab. Yim Abu a naÅgi qa tulaÅ areboleboleiyqas. Bati di agi brantqo. 24 Qotei a segi Mondor. Deqa tamo naÅgi Qotei qa louqa oqnsib Mondor na ti anjam bole na ti louoqnqab di naÅgi Qotei qa bole louoqnqab." 25 Onaqa uÅa dena Yesus minjej, “E qalie, Mesaia a bqas.” “Mesaia” di Hibru anjam. Gago anjam, “Kristus.” Osiqa Yesus minjej, “Mesaia a bosimqa Qotei aqa anjam kalil ubtosim mergekritqas." 26 Onaqa Yesus na minjej, “Mesaia agi e segi. Aqo ombla anjam mareqnum." 27 Yesus a uÅa degsi minjnaqa aqa aÅgro naÅgi olo qureq na bosibqa a uÅa de wo anjam mareqnab unsibqa tulaÅ prugugeteb. Ariya naÅgi Yesus nenemyosai, “Ni kiyaqa uÅa de wo anjam mareqnub?” Degyosai. 28 Onaqa uÅa dena aqa ya nobu uratosiqa olo qure miligiq aisiqa tamo uÅgasari naÅgi minjrej, 29 “NiÅgi bosib tamo di uniy. E kumbra nami yoqnem qaji di a na ubtekritqo. Tamo di a Kristus kiyo?" 30 Degsi minjrnaqa naÅgi qure uratosib Yesus unqajqa beb. 31 Beqnabqa Yesus aqa aÅgro naÅgi na minjeb, “O Qalie Tamo Koba, ni bosim iÅgi uye." 32 Onaqa Yesus na minjrej, “Ijo iÅgi uyo bei unu di niÅgi qaliesai." 33 Onaqa aqa aÅgro naÅgi aqa anjam di qusibqa segi segi maroqneb, “Tamo bei na iÅgi bei osi bosiq anaiyqo kiyo?" 34 Onaqa Yesus na minjrej, “Qotei e qariÅbej qaji aqa areqalo e dauryosiy aqa wau kobotqai. Ijo iÅgi uyo bole agide. 35 “NiÅgi mareqnub, ‘Bai qolqe koboeqnaqa iÅgi melieqnu.’ NiÅgi degsib mareqnub. Ariya e na niÅgi yawo anjam bei endegsi merÅgwai. NiÅgi iÅgi wauq di Åam atsib iÅgi meliosiq unu di unqab. 36 Tamo iÅgi meli gentoqnsib koroiyeqnub qaji naÅgi awai eqnub. NaÅgo awai agi naÅgi Åambile gaigai sqab. Deqa tamo naÅgi iÅgi yageqnub qaji ti tamo naÅgi iÅgi meli genteqnub qaji ti koba na areboleboleinjrqas. 37 Deqa anjam endi bole, ‘Tamo bei na iÅgi yagwas. Olo tamo bei na iÅgi meli gentqas.’ 38 E niÅgi qariÅgonumqa gilsib wau niÅgi na wauosai qaji dena iÅgi eleÅeqnub. Tamo qudei naÅgi nami waukobaeb. Ariya niÅgi laÅa gilsib iÅgi eleÅeqnub." 39 UÅa dena Samaria tamo uÅgasari gargekoba qure dia soqneb qaji naÅgi Yesus qa sainjrnaq qusibqa Yesus qa naÅgo areqalo siÅgilateb. Di kiyaqa? UÅa na minjrej, “Kumbra kalil e nami yoqnem qaji di tamo dena ubtekritqo." 40 Degsi minjrnaq qusibqa Yesus aqa areq bosib minjeb, “Ni gago qureq endi iga koba na sqom.” Degsi minjnabqa Yesus a bati aiyel naÅgo qureq di soqnej. 41 Sosiqa Qotei aqa anjam palonteqnaqa tamo uÅgasari gargekoba naÅgi aqa anjam quoqnsib poinjreqnaqa a qa naÅgo areqalo siÅgilatoqneb. 42 Deqa naÅgi na uÅa di minjeb, “Ni Yesus qa anjam mergonam qusim gago areqaloq di siÅgilatem. SiÅgilatosim sonamqa a segi na olo anjam mergwo qusim turtosim gago areqalo a qa torei siÅgilatonum. Osim deqa iga endegsi poigwo, ‘Bole, Yesus a na qujai tamo uÅgasari mandamq endi unub qaji naÅgi eleÅqas.’" 43 Onaqa bati aiyel koboonaqa Yesus a qure di uratosiqa walwelosiq Galili sawaq gilej. 44 A segi nami endegsi marej, “Qotei aqa medabu o qaji tamo bei aqa segi qure utruq gilsim anjam minjroqnqas di naÅgi aqa anjam quetqa asginjrqas. Deqa a qure dia ñam saiqoji sqas." 45 Yesus a Galili sawaq di brantonaqa tamo uÅgasari sawa dia soqneb qaji naÅgi a qa tulaÅ areboleboleinjrej. Di kiyaqa? Nami Juda naÅgo yori bati koba qa Yesus a Jerusalem dia maÅwa babteqnaq naÅgi unoqneb deqa. 46 Ariya Yesus a olo Kana qureq aiyej. Qure di agi Galili sawaq di unu. Qure dia nami Yesus a ya bulyonaqa wain babej. Aisiq di sonaqa Kaperneam qureq di Rom naÅgo mandor aqa tamo gate bei aqa Åiri makobaiyonaq Åeiesoqnej. 47 Deqa tamo gate di Yesus a Judia sawa uratosiq bosiq Galili sawaq di soqnej di qusiqa walwelosiq aqa areq aisiq pailyosiq minjej, “O Tamo Koba, ijo aÅgro a moiqa laqnu. Deqa ni bosim a boletime." 48 Onaqa Yesus na tamo di minjej, “NiÅgi ijo maÅwa bei nuÅgo Åamdamu na unqasai di niÅgi e qa nuÅgo areqalo siÅgilatqasai." 49 Onaqa tamo dena olo Yesus minjej, “O Tamo Koba, ni boqujat. Ijo aÅgro a moiyo uge." 50 Onaqa Yesus na minjej, “Ni gile. Endego ino aÅgro a boleqo Åambile unu. A moiqasai.” Onaqa a Yesus aqa anjam di qusiqa bole qa marsiq gilej. 51 A gileqnaqa aqa kaÅgal tamo qudei naÅgi aqa talq dena bosib gamq di turosib minjeb, “Ino aÅgro a boleosiq Åambile unu." 52 Onaqa a na nenemnjrej, “SeÅ bati gembu a boleqo?” Onaqa minjeb, “Ya qanam seÅ bosiq iÅgi uyo bati tiÅyonaqa aqa jejamu kaÅkaÅ koboonaqa a boleej." 53 Degsi minjnabqa a qalieej, seÅ bati deqa tiÅtiÅ Yesus na minjej, “Endego ino aÅgro a boleqo Åambile unu. A moiqasai.” A degsi qalieosiq deqa a Yesus qa aqa areqalo siÅgilatej. Tamo kalil a ombla tal qujaiq di soqneb qaji naÅgi dego Yesus qa naÅgo areqalo siÅgilateb. 54 Yesus a Judia sawa uratosiq bosiq Galili sawaq di sosiqa bati deqa a maÅwa di yej. A nami Galili sawaq di maÅwa bei yosaioqnej. Aqa maÅwa qujai nami yej qaji agi a ya bulyonaq wain babej.