Luk 12

PNG

‹ Chapter 11 Luk — All Chapters Chapter 13 ›

1 Onaqa tamo u�gasari tula� gargekoba na�gi Yesus unqajqa bosib koroosib juju�kobaeb. Si�ga waiyosib walwelqa keresai. Deqa tamo qudei na tamo qudei na�go si�ga sosetnjroqneb. Bati deqa Yesus a aqa a�gro na�gi joqsiqa na�gi sasalosib a na minjrej, “Ni�gi geregere �am atoqniy. Farisi na�gi gisa� tamo. Na�gi anjam maro aiyelteqnub. Bem tiyeqnu qaji sum Farisi na�go bem ti bulyimqa bem dena tiyekritosim tula� kobaqujaqas. 2 Deqa ni�gi quiy. Kumbra kalil kabuejunu qaji di boleq dqas. Anjam kalil uliejunu qaji di tamo na�gi qusib poinjrqas. 3 Deqa anjam kalil ni�gi ambruq di mareqnub qaji di suwa�amqa tamo na�gi quqwab. Anjam kalil ni�gi warum miligiq di mareqnub qaji di tamo na�gi bijal gogeq di tigelosib palontqab." 4 Osiqa Yesus a olo marej, “O ijo a�gro, ni�gi quiy. Ni�gi jeu tamo na�gi ulainjraib. Na�gi nu�go jejamu segi qalsib moiyotqa kere. Na�gi ni�gi gulbe bei e�gwa keresai. Deqa ni�gi na�gi ulainjraib. 5 Tamo ni�gi ulaiyqab qaji agi deqa mer�gwai. Qotei a segi nu�go jejamu moiyotosim bunuqna nu�go qunu� dego �amyuwoq waiyqa kere. Deqa ni�gi a segi ulaiyiy. 6 “Ni�gi qalie. Tamo na�gi qebari sinjir silali kobaquja na awaiyosaieqnub. Silali kiñala na awaiyeqnub. Ariya Qotei na qebari sinjir na�gi geregere taqatnjreqnu. A na na�gi uratnjrosaieqnu. 7 Dego kere Qotei a nu�go gate ba�ga segi segi sisiyoqnsiq geregere taqateqnu. Deqa ni�gi ulaaib. Ni�gi qebari kalil na�gi tula� bu�njrejunub." 8 Osiqa Yesus a olo marej, “E Tamo A�gro. Ni�gi mandam tamo na�go ulatamuq di ijo ñam boleq atsib marqab di mondo� e na kamba Qotei aqa la� a�gro na�go ulatamuq di nu�go ñam boleq atsiy marqai. 9 Ariya ni�gi mandam tamo na�go ulatamuq di ijo ñam marqajqa asgi�gwas di mondo� e kamba dego Qotei aqa la� a�gro na�go ulatamuq di nu�go ñam marqajqa asgibqas. 10 “E Tamo A�gro. Tamo bei na e misili�bqas une di Qotei na kobotqas. Ariya tamo bei na Mondor Bole misili�yqas une di Qotei na kobotqasai. 11 “Bunuqna Juda tamo kokba na�gi ni�gi ojsib na�go Qotei tal miligiq di tigelt�gosib nenem�gibqa ni�gi na kamba anjam kiye minjrqajqa deqa are koba qalaib. Rom na�go gate ti na�go mandor ti na�go ulatamuq di dego ni�gi tigelt�gibqa ni�gi na kamba anjam minjrqajqa ulaaib. 12 Bati deqa Mondor Bole na areqalo e�gimqa ni�gi anjam marqab." 13 Onaqa tamo u�gasari koroesoqneb qaji na�go ambleq dena tamo bei a tigelosiqa Yesus minjej, “O Qalie Tamo, ni ijo was minjimqa a na gago abu moiyej qaji aqa ñoro kalil ambleq na potosim taqal bei ebqas." 14 Onaqa Yesus na minjej, “Tamo yai na e giltbqo deqa e nu�go gulbe di gereiyqai?" 15 Degsi minjsiqa tamo u�gasari kalil na�gi endegsi minjrej, “Ni�gi ñoro koba oqajqa mamaul�gaiq. Ni�gi ñoro koba ti sqab dena ni�gi �ambile bole oqa keresai. Ni�gi ijo anjam deqa geregere are qaloqniy." 16 Osiqa yawo anjam bei endegsi minjrej, “�oro tamo bei soqnej. Aqa wauq di i�gi tula� koba melioqnej. 17 Deqa a endegsi are qalej, ‘E kiyerqai? Ijo i�gi tula� koba meliele�qo. Deqa e i�gi di atqajqa tal keresaiibqo.’ 18 Osiqa marej, ‘E endegyqai. E ijo tal kalil ko�ele�osiy olo tal kokba atele�qai. Osiy ijo i�gi meli kalil tal kokbaq di jugwai. Ijo ñoro kalil dego dia jugele�qai. 19 Jugele�osiy marqai, “Ijo i�gi i�gi tula� koba agi atonum unu. Deqa e aqaratosiy la�a awesqai. Sosiy i�gi ti ya ti uyoqnsiy areboleboleiboqnqas. Wausau gargekoba gilqas ijo i�gi i�gi di koboqasai.” ‘ 20 Tamo di a degsi marnaqa Qotei na minjej, ‘Ni nanari tamo. Qolo qujai endeqa e ino qunu� yaimitqa ni moiqam. Yimqa i�gi i�gi kalil ni na gereiyosim atonum qaji di tamo yai na olo oqas?’ Qotei na degsi minjej. 21 Dego kere tamo na�gi ñoro koba koroiyejunub qaji na�go ñoro qoji padalqab. Na�gi la� qure qa ñoro saiqoji unub deqa na�gi Qotei aqa �amgalaq di sougetesosib more�qab." 22 Osiqa Yesus na aqa a�gro na�gi endegsi minjrej, “Ni�gi mandamq endi bole sqajqa deqa areqalo kobaiyaib. Osib endegsib maraib, ‘Iga i�gi qabe na osim uyqom? Gara qabe na osim gago jejamu kabutqom?’ Ni�gi degsib maraib. 23 Ni�gi i�gi uyo na segi �ambile oqasai. Ni�gi gara jugoqnqab dena segi nu�go jejamu bole sqasai. 24 Ni�gi qebari na�gi unjriy. Na�gi i�gi yagosaieqnub. I�gi otorosib talq di atosaieqnub. Ariya Qotei na qebari na�gi i�gi anainjreqnu. Ni�gi qalie, qebari na�gi qunu� saiqoji. Ni�gi tamo qunu� ti. Ni�gi qebari na�gi tula� bu�njrejunub. 25 Ni�gi mandamq endi sokobaiyqajqa deqa are koba qalaib. Ni�gi are koba qalqab dena ni�gi nu�go segi sqajqa bati olo yala totoryqa keresai. Sai bole sai. 26 Ni�gi wau kiñala deqaji yqa keresai deqa ni�gi kiyaqa i�gi qudei qa are koba qaleqnub? 27 “Ni�gi �am so unjriy. Na�go wala kiyersib branteqnub di ni�gi qaliesai. Na�gi segi wauosaieqnub. Na�go segi wala gereiyosaieqnub. Deqa e ni�gi endegsi mer�gwai. Nami Solomon a gara wala boledamu jugoqnej. Ariya �am so aqa wala dena Solomon aqa wala tula� bu�yejunu. 28 Ma� la�aj a bini oqwas nebe tamo na�gi na gi�ge�yosib �amyuwoq waiyqab. Ma� la�aj di Qotei na wala enjreqnu. Deqa ni�gi kiyaqa Qotei qa nu�go areqalo si�gilatqa yonub keresaii�gwo? Ni�gi ma� la�aj sai. Ni�gi tamo qunu� ti. Deqa ni�gi endegsi poi�gem, Qotei a ni�gi dego gara e�goqnqas. 29 Ni�gi areqalo kobaiyosib endegsib maraib, ‘Iga i�gi ti ya ti qabe na osim uyqom?’ Ni�gi degsib maraib. 30 Tamo u�gasari Qotei qaliesai qaji na�gi i�gi i�gi deqa are koba qaleqnub. Ariya ni�gi deqa are koba qalaib. Nu�go Abu a qalie, ni�gi la�a sqa keresai. Ni�gi i�gi i�gi deqaji oqnsib sqab. 31 Deqa ni�gi Qotei na taqat�gosim nu�go Mandor Koba sqajqa si�gilaoqniy. Ni�gi degyqab di Qotei na kamba i�gi uyo ti gara ti dego e�goqnqas." 32 Osiqa Yesus a olo marej, “O ijo kaja du du ni�gi ulaaib. Nu�go Abu a nu�go Mandor Koba sosim ni�gi taqat�gwajqa areareteqnu. 33 Deqa ni�gi kumbra endegyiy. Ni�gi nu�go ñoro kalil qari�yosib silali osib tamo i�gi i�gi saiqoji na�gi di jeisib enjriy. Osib silali jugwajqa qu� ugeosaieqnu qaji di gereiyosib la� qure qa i�gi i�gi ele�osib di jugele�oiy. I�gi i�gi di koboqa keresai. Baji� tamo na�gi bosib oqasai. Sisimbi� na ugetqasai. I�gi i�gi di gaigai sqas. 34 Sawa qabia ino ñoro bole unu dia ino are miligi dego si�gilatim sqas." 35 Osiqa Yesus a olo marej, “Ni�gi nu�go gara tigele�osib nu�go i�gi i�gi kalil gereiyosib wa�al qatrentosib ijo bqajqa bati qa tari�osib soqniy. 36 Tamo bei a goiyo kobaq dena olo bosim aqa talq di brantosim sira�me kindokindo�amqa aqa ka�gal tamo na�gi a qa tari�ejunub qaji na�gi sira�me waqtoqujatqab. Dego kere ni�gi ijo bqajqa bati qa tari�osib soqniy. 37 Tal lanja aqa ka�gal tamo na�gi a qa tari�osib �am atoqnibqa bosim degsi unjrimqa na�gi tula� areboleboleinjrqas. Deqa a na na�gi metnjrim awoele�abqa i�gi anainjroqnqas. 38 A qolo jige kiyo nebeqa laqnimqa kiyo bosim aqa ka�gal tamo na�gi a qa tari�osib �am atoqnibqa degsi unjrimqa na�gi tula� areboleboleinjrqas. 39 “Ni�gi are qaliy. Bati gembu baji� tamo a bosim tal paratqas di tal lanja a qalieqasai. A nami qalieosiq sonaq qamu baji� tamo a bosiq tal paratqa yonaq unsiq wiyej qamu. 40 Dego kere e Tamo A�gro bqajqa bati ni�gi qaliesai. E bosiy ni�gi pruqt�gaim deqa ni�gi geregere �am atoqnsib e qa tari�oqnsib soqniy." 41 Onaqa Pita na Yesus minjej, “O Tamo Koba, ni yawo anjam maronum di iga segi quqwajqa kiyo tamo u�gasari kalil na�gi dego quqwajqa kiyo?" 42 Onaqa Tamo Koba a na minjej, “Ka�gal tamo yai a areqalo bole ti sosiqa gaigai wau bole yeqnu? Ka�gal tamo di tal lanja na endegsi minjqas, ‘Ni na ijo ka�gal tamo kalil na�gi geregere taqatnjroqnsimqa na�go i�gi uyqajqa batioqnimqa i�gi anainjroqne.’ 43 Degsi minjsimqa sawa beiq gilsim di sqas. Olo puluosim wau kalil a na aqa ka�gal tamo yej qaji di kalil keretosim soqnimqa a bosim unimqa ka�gal tamo di a tula� areboleboleiyqas. 44 Deqa e bole mer�gwai. Ka�gal tamo di a wau boledamu yej deqa tal lanja na aqa i�gi i�gi kalil osim aqa ba�q di atim a na taqatetoqnqas. 45 Ariya ka�gal tamo di a endegsi are qalqas, ‘Ijo tamo koba a urur bqasai.’ Degsi are qalsimqa a na ka�gal tamo ti ka�gal u�a ti na�gi la�a la�a kumbai�njroqnqas. Osim i�gi ti wain ti uyoqnsim nanarioqnqas. 46 Aqa tamo koba bqajqa bati a qaliesai deqa a kumbra degsim yoqnimqa aqa tamo koba brantoqujatosim unimqa a tula� prugugetqas. Deqa aqa tamo koba na a qalougetosim tamo na�gi Qotei qa na�go areqalo si�gilatosaieqnub qaji na�go so sawaq waiyim aiqas. 47 “Tal lanja na aqa ka�gal tamo bei minjqas, ‘Ni wau di ye.’ Yimqa a geregere qusim ariya a olo asgimosim wau di yosaiamqa tal lanja na a kumbai�yogargekobatqas. 48 Ariya tal lanja na aqa ka�gal tamo bei minjqas, ‘Ni wau di ye.’ Yimqa a geregere quosai deqa a wau di yosaiamqa tal lanja na a ji�ga na kumbai�yoqujaitqas. Ni�gi quiy. Qotei na tamo bei wau koba yimqa a wau di ojsim olo wau tula� koba dego ojeme. Qotei na tamo bei aqa ba�q di wau koba atimqa a wau di taqatosim olo wau tula� koba dego taqateme." 49 Osiqa Yesus a olo marej, “E �amyuwo waiyit mandamq aiqas. E deqa bem. Deqa e Qotei endegsi pailyeqnum, ‘O Abu, �amyuwo di urur pulo�eme.’ 50 Ni�gi quiy. E yanso bei oqai. E yanso di osaiunum deqa e are tula� gulbekobaibeqnu. 51 O ijo a�gro, ni�gi kiyersib are qalonub? E na qaja kobotitqa tamo u�gasari na�gi geregere lawo na sqajqa e deqa bem kiyo? Sai. E na qaja kobotqajqa bosai. E na tamo u�gasari na�gi pupoinjritqa na�gi jeu jeu sqajqa deqa bem. 52 Bini bati endeqa ti bunuq qa ti tamo 5 tal qujaiq di unub qaji na�gi ijo ñam qa jeu jeu sqab. Tamo qalub na�gi na tamo aiyel jeutnjroqnqab. Tamo aiyel na�gi na tamo qalub jeutnjroqnqab. 53 Abu na�gi na na�go segi a�gro mel na�gi jeutnjroqnqab. A�gro mel na�gi na na�go segi abu na�gi jeutnjroqnqab. Ai na�gi na na�go segi a�gro sebi� na�gi jeutnjroqnqab. A�gro sebi� na�gi na na�go segi ai na�gi jeutnjroqnqab. Ai� qeli na�gi na na�go segi ai� yala na�gi jeutnjroqnqab. Ai� yala na�gi na na�go segi ai� qeli na�gi jeutnjroqnqab." 54 Osiqa Yesus na tamo u�gasari kalil na�gi endegsi minjrej, “Se� aiyoq dena la�bi tigelamqa ni�gi unsib marqab, ‘Awa bqas.’ Degsib marqab awa bqas. 55 Meli jagwa bamqa ni�gi unsib marqab, ‘Sawa ka�ka�qas.’ Degsib marqab sawa ka�ka�qas. 56 Ni�gi gisa� ani. Ni�gi mandam ti la� ti unoqnsib geregere pegiyeqnub. Ariya kiyaqa kumbra bini branteqnu qaji di ni�gi unoqnsib utru poi�gosaieqnu?" 57 Osiqa Yesus a olo marej, “Kumbra bole ti kumbra uge ti di ni�gi kiyaqa geregere pegiyosaieqnub? 58 Tamo bei a ni qa anjam soqnimqa ni�gi ombla walwelosib anjam pegiyo talq giloqnsibqa gamq di ni�gi segi aiyel anjam urur gereiyoqujatiy. Yosib anjam moiyotosib a ni osim anjam pegiyo talq gilqasai. Ariya ni�gi gamq di anjam gereiyqasai di a na ni osi gilsimqa anjam pegiyo tamo aqa ulatamuq di tigeltmimqa anjam pegiyo tamo a ni osim qaja tamo na�go ba�q di atqas. Yimqa na�gi na ni osib tonto talq di waimqab. 59 Deqa e ni mermqai. Ni tonto talq dena olo oqedqasai. Ni mati ino une aqa awai kalil keretimqa di ni uratmib oqedqam."

‹ Chapter 11 Luk — All Chapters Chapter 13 ›

Luk 12

Cite / Share This Page