Matyu 1

1 Endi Yesus Kristus aqa moma naÅgo ñam kalil. Yesus Kristus a Devit aqa leÅ na Åambabej. Devit a Abraham aqa leÅ na Åambabej. 2 Abraham a Aisak aqa abu. Aisak a Jekop aqa abu. Jekop a Juda aqa was naÅgi ti naÅgo abu. 3 Juda a Peres Sera wo naÅgo abu. NaÅgo ai Tamar. Peres a Hesron aqa abu. Hesron a Ram aqa abu. 4 Ram a Aminadap aqa abu. Aminadap a Nason aqa abu. Nason a Salmon aqa abu. 5 Salmon a Boas aqa abu. Boas aqa ai Rahap. Boas a Obet aqa abu. Obet aqa ai Rut. Obet a Jesi aqa abu. 6 Jesi a Mandor Koba Devit aqa abu. Devit a Solomon aqa abu. Solomon aqa ai a nami Uria aqa ÅauÅ soqnej. 7 Solomon a Rehoboam aqa abu. Rehoboam a Abiya aqa abu. Abiya a Asa aqa abu. 8 Asa a Jehosafat aqa abu. Jehosafat a Jehoram aqa abu. Jehoram a Usia aqa abu. 9 Usia a Jotam aqa abu. Jotam a Ahas aqa abu. Ahas a Hesekia aqa abu. 10 Hesekia a Manase aqa abu. Manase a Emon aqa abu. Emon a Josaia aqa abu. 11 Josaia a Jehoiakin aqa was naÅgi ti naÅgo abu. Aqa bati qa jeu tamo naÅgi na Israel naÅgi tontnjrsib joqsib Babilon qureq di taqatnjresoqneb. 12 Babilon qureq di naÅgi tontnjrnab sonabqa Jehoiakin aqa aÅgro Sealtiel a Åambabej. Sealtiel a Serubabel aqa abu. 13 Serubabel a Abiut aqa abu. Abiut a Eliakim aqa abu. Eliakim a Asor aqa abu. 14 Asor a Sadok aqa abu. Sadok a Akim aqa abu. Akim a Eliut aqa abu. 15 Eliut a Eleasar aqa abu. Eleasar a Matan aqa abu. Matan a Jekop aqa abu. 16 Jekop a Josep aqa abu. Josep a Maria aqa gumbuluÅ. Maria aqa miligiq na Yesus a Åambabej. NaÅgi a qa mareqnub, a Kristus. 17 Deqa Abraham aqaq dena bosi bosiq Devit a Åambabej di moma 14. Devit aqaq dena bosi bosiq Israel naÅgi Babilon qureq di soqneb di dego moma 14. NaÅgi Babilon qureq di soqneb dena bosi bosiq Kristus a Åambabej di dego moma 14. 18 Yesus Kristus a endegsi Åambabej. Aqa ai Maria Josep na oqajqa saga qameb. Ariya Josep a Maria ombla ÅereÅosaisonabqa Mondor Bole a Maria aqaq ainaqa a gumaÅej. 19 Onaqa Maria aqa gumbuluÅ Josep a endegsi quej, “Maria a gumaÅqo.” Josep aqa kumbra tulaÅ boledamu deqa a endegsi are qalej, “E lumu na Maria uratqai. E boleq di uratqasai. Maria a jemaiyo uge." 20 Degsi are qaleqnaqa Tamo Koba aqa laÅ aÅgro bei a Josep aqaq ainaqa Åeiobilqei na unej. Unnaqa laÅ aÅgro na minjej, “O Josep, Devit aqa moma, ni Maria ame. Ni ulaaim. Ni que. Mondor Bole a Maria aqaq aiqoqa a gumaÅqo. 21 Deqa a aÅgro mel oqas. Amqa bunuqna aÅgro dena aqa segi tamo uÅgasari naÅgo une kobotetnjrsim naÅgi eleÅqas. Deqa ni aqa ñam Yesus waiyqam." 22 Kumbra kalil di brantej deqa anjam bei Tamo Koba aqa medabu o tamo bei nami marej qaji di aqa damu brantej. A endegsi marej, 23 “NiÅgi quiy. Bunuqna duÅgeÅge bei a tamo ombla ÅereÅosaisosimqa a gumaÅosim aÅgro mel oqas. Amqa naÅgi aqa ñam Emanuel waiyqab.” Ãam di aqa damu, “Qotei a iga koba na unum." 24 Onaqa Josep a qutuosiqa Tamo Koba aqa laÅ aÅgro na anjam minjej qaji di dauryosiqa Maria ej. 25 Bati deqa a Maria ombla ÅereÅosaioqneb. Gilsi gilsiq Maria a aÅgro mel ej. Onaqa Josep na aÅgro di aqa ñam Yesus waiyej.