Mak 2

1 Bati bei Yesus a olo Kaperneam gilsiq di sonaqa qure deqaji naÅgi endegsib queb, “Yesus a gago qureq olo bqo. A talq di unu." 2 Deqa tamo uÅgasari gargekoba naÅgi bosib siraÅmeq di jujuÅonabqa Yesus a Qotei aqa anjam palontosiq minjroqnej. 3 Onaqa tamo qolqe naÅgi na tamo bei jejamu laiyej qaji a saperaq di atsibqa qoboiyosib Yesus aqa talq osi beb. 4 Osi bosib Åam ateb di tamo uÅgasari gargekoba naÅgi siraÅme juÅonab unjreb. Deqa naÅgi Yesus aqa areq gilqa keresaiinjrnaqa tal quraq oqsib goge na waqtosibqa tamo sapera qoji gulaintosib ura uratonab Yesus aqa areq aiyej. 5 Onaqa Yesus a naÅgo areqalo unej di naÅgo areqalo qujai Yesus na tamo jejamu laiyej qaji di boletqa kere. Degsi unsiq deqa tamo di minjej, “O ijo aÅgro, ino une kalil e na kobotetmonum." 6 Onaqa dal anjam qalie tamo qudei warum dia awesoqneb qaji naÅgi Yesus aqa anjam di qusibqa naÅgo areqalo na mareb, 7 “Yesus a kiyaqa anjam degsi marqo? A Qotei misiliÅyqo. Yai na tamo naÅgo une kobotqa kere? Qotei a segi qujai." 8 NaÅgi degsib are qaleqnabqa Yesus a naÅgo areqalo di qalieosiqa minjrej, “NiÅgi kiyaqa areqalo di onub? 9 Anjam kiye e na tamo jejamu laiyqo qaji di minjitqa niÅgi qusib e qa poiÅgwas? ‘Ino une kalil e na kobotetmonum,’ anjam de kiyo, ‘Ni tigelosim ino sapera osim walwel,’ anjam de kiyo? 10 Ariya e segi Tamo AÅgro. E mandamq endi siÅgila ti unum deqa e na tamo naÅgo une kobotetnjrqa kere. NiÅgi degsi poiÅgwajqa deqa e na tamo di boletqai.” Yesus a naÅgi degsi minjrsiqa tamo jejamu laiyej qaji di koqyosiqa minjej, 11 “E ni mermqai. Ni tigelosim ino sapera osim ino talq gile." 12 Degsi minjnaqa aqa jejamu boleonaqa a tigelosiqa aqa sapera osiqa tamo uÅgasari kalil naÅgo Åamdamuq di walwelosiq gilej. Onaqa tamo uÅgasari kalil naÅgi Yesus aqa maÅwa di unsibqa naÅgi tulaÅ prugugetosib Qotei aqa ñam soqtosib mareb, “MaÅwa iga endego unonum di kumbra tulaÅ bei. Tamo bei na maÅwa deqaji bei yeqnaq iga nami unosaioqnem." 13 Onaqa Yesus a olo alile ainaqa tamo uÅgasari gargekoba naÅgi bosib aqa areq di koroonabqa a na Qotei aqa anjam palonteqnaq naÅgi quoqneb. 14 Dena walwelosiq takis o qaji tamo bei aqa ñam Livai a takis o talq di awesonaq gilsiq itej. A Alfias aqa Åiri. A itosiq minjej, “Ni e daurbe.” Degsi minjnaqa a tigelosiqa Yesus dauryej. 15 Onaqa bati bei Yesus aqa aÅgro naÅgi ti Livai aqa talq gilsib awoosib iÅgi uyoqneb. NaÅgi segi sai. Une tamo ti takis o qaji tamo ti gargekoba naÅgi dego koba na Yesus dauryosib Livai aqa talq di awoosib Yesus aqa aÅgro naÅgi ti iÅgi uyoqneb. 16 Onaqa Farisi qudei naÅgi bosib Yesus a une tamo ti takis o qaji tamo ti naÅgi koba na iÅgi uyeqnab unjrsibqa Yesus aqa aÅgro naÅgi minjreb, “Yesus a kiyaqa une tamo ti takis o qaji tamo ti naÅgi koba na iÅgi uyeqnub?" 17 Onaqa Yesus a Farisi naÅgo anjam di qusiqa minjrej, “Tamo ma saiqoji naÅgi yu qaÅgra tamo aqaq gilosaieqnub. Tamo ma ti naÅgi segi yu qaÅgra tamo aqaq gileqnub. Tamo bei a marqas, ‘E tamo bole. E une saiqoji.’ E tamo deqaji naÅgi metnjrit ijoq bqajqa deqa mandamq aiyosai. Tamo a marqas, ‘E une ti.’ E tamo deqaji naÅgi metnjrit ijoq bqajqa deqa mandamq aiyem." 18 Bati bei Jon aqa aÅgro naÅgi ti Farisi naÅgi ti iÅgi uratoqnsib qurieÅoqneb. Deqa naÅgi Yesus aqa areq bosib minjeb, “Jon aqa aÅgro naÅgi iÅgi uratoqnsib qurieÅeqnub. Farisi naÅgo aÅgro naÅgi dego iÅgi uratoqnsib qurieÅeqnub. Ariya ino aÅgro naÅgi kiyaqa qurieÅosaieqnub?" 19 Onaqa Yesus na kamba minjrej, “Tamo bei a uÅa baÅ ojqa bati qa aqa was naÅgi ti soqnibqa naÅgi qurieÅqab e? Sai. 20 Bunuqna naÅgo was a naÅgi uratnjrimqa bati deqa naÅgi qurieÅoqnsib sqab. 21 “Tamo bei a gara jugo bunuj osim dena mutu gentosim gara jugo sari braÅoq di qandimqa keresai. Degsi qandimqas di bunuqna a na gara jugo sari di yansimqa gara mutu bunuj a kiñalaosim gara jugo sari di uratim braÅ qelikobaqas. 22 Tamo bei a wain bunuj osim ya nobu sariq di qamqa keresai. Ya nobu sari di nami kaÅgraÅosiq siÅgilaej deqa a wain bunuj qamimqa wain a didiqosim ya nobu sari paratosimqa wain bileÅosim mandamq aiqas. Ya nobu a dego ugeqas. A wain bunuj osim ya nobu bunujq di qamqas di kere." 23 Yori bati bei Yesus aqa aÅgro naÅgi ti wau ambleq na giloqnsibqa aqa aÅgro naÅgi bem sum gei eleÅoqnsib uye uye giloqneb. 24 NaÅgi degsib gileqnabqa Farisi qudei naÅgi bosib unjrsibqa Yesus minjeb, “Ino aÅgro naÅgi kiyaqa kumbra degyeqnub? Yori bati qa kumbra degyo di getento koba." 25 Onaqa Yesus na kamba Farisi naÅgi minjrej, “Nami Devit aqa wau tamo ti naÅgi mamnjrnaqa kumbra yeb qaji di niÅgi buk miligiq di sisiyosai kiyo? 26 Abiatar a atra tamo gate sonaqa bati deqa Devit a atra tal miligiq gilsiqa Qotei atraiyqajqa bem uysiqa aqa wau tamo naÅgi dego anainjrnaq uyeb. Bem di getento. Di atra tamo naÅgo segi uyqajqa bem. Devit a degyej di a dal anjam grotej. Ariya a Qotei aqa Åamgalaq di une saiqoji. NiÅgi anjam di sisiyosai kiyo?" 27 Osiqa minjrej, “Qotei a yori bati qa are qalsiq tamo naÅgi atosai. A tamo naÅgi qa are qalsiq yori bati atej. 28 E Tamo AÅgro. Deqa e segi na yori bati taqatejunum. E segi yori bati aqa Tamo Koba."