Uli Anjam 1

1 Nami anjam endi uliesonaqa Yesus Kristus na babtej. Qotei na anjam endi Yesus minjnaqa a babtej. E Jon. E Yesus aqa wau tamo. E Qotei aqa medabu osim anjam endi neÅgreÅyonum. Kumbra kalil e unem qaji di e ubtosim buk endia neÅgreÅyonum. Osim Qotei aqa anjam ti Yesus Kristus aqa anjam ti bole qa marsim palontonum. Tamo a Qotei aqa anjam endi sisiyqas di a tulaÅ areboleboleiyqas. Tamo uÅgasari anjam endi quoqnsib dauryeqnub qaji naÅgi dego tulaÅ areboleboleinjrqas. Kumbra kalil e ubtosim buk endia neÅgreÅyonum qaji di brantqajqa bati jojomqo. Kumbra di urur brantqas deqa Yesus na aqa wau tamo naÅgi osornjrej. A gam endena naÅgi osornjrej. A na aqa laÅ aÅgro qariÅyonaqa ijoq bosiqa anjam endi e merbej. Merbej deqa agi e neÅgreÅyonum. 4 E Jon. E anjam endi neÅgreÅyosim niÅgi tamo uÅgasari qure 7 di unub qaji nuÅgoq qariÅyonum. NiÅgi Yesus aqa ñam qa koroeqnub qaji. NiÅgi Esia sawaq di unub. Qotei bini unu, nami soqnej, bunuqna bqas qaji a niÅgi qa are boleiyimqa niÅgi lawo na soqniy. Mondor 7 Qotei aqa awo jaram koba namoq di unub qaji naÅgi dego niÅgi qa are boleinjrimqa niÅgi lawo na soqniy. 5 Yesus Kristus a Qotei aqa anjam kalil geregere palonteqnu. A tamo kalil naÅgi qa namoosiq subq na tigelej. A mandor kokba kalil mandamq endi unub qaji naÅgo Tamo Koba. A dego niÅgi qa are boleiyimqa niÅgi lawo na soqniy. Yesus a iga qalaqalaigeqnu. A moisiqa aqa leÅ aiyej dena a na gago une kalil kobotetgej. 6 Iga aqa Abu Qotei aqa atra tamo sqajqa deqa ti iga a ombla mandor kokba sqajqa deqa ti marsiq iga giltgej. Yesus Kristus a bati gaigai ñam koba ti siÅgila koba ti sqas. Bole. 7 NiÅgi uniy. Yesus a laÅbi ambleq na boqnimqa tamo kalil naÅgi a unqab. Tamo kalil nami a qaja na qameb qaji naÅgi dego a unqab. Tamo uÅgasari kalil mandamq endi unub qaji naÅgi a qa are ugeinjrimqa tulaÅ akamugetqab. Od, kumbra di brantqas. Bole. 8 Tamo Koba Qotei siÅgila koba ti unu qaji a marej, “E segi qujai namoq di unum. E segi qujai bunuq di sqai.” Di bole. Qotei a segi qujai nami soqnej. A bini unu. A bunuqna bqas. 9 E nuÅgo was Jon. Iga kalil koba na Yesus aqa tamo uÅgasari unum. E niÅgi ti gulbe qoboiyoqnsim jaqatiÅ eleÅeqnum. Qotei a gago Mandor Koba sosiq iga taqatgeqnu. Deqa iga siÅgila na tigeloqnsimqa gulbe qoboiyejunum. E Qotei aqa anjam ti Yesus aqa anjam ti palontoqnsim laqnem deqa jeu tamo naÅgi na e taqal waibosib nui ñam Patmos endia e ateb unum. 10 E Patmos nui endi sonamqa Tamo Koba aqa bati brantej. Bati brantonaqa Qotei aqa Mondor Bole na e siÅgilatbonaqa ijo qoreq di tamo bei leleÅonaqa e aqa kakro quem. A tulaÅ leleÅkobaej. Gul anjameqnu dego kere. 11 LeleÅosiq merbej, “Kumbra kalil ni unqam qaji deqa anjam neÅgreÅye. NeÅgreÅyosim qariÅyimqa tamo uÅgasari qure 7 dia Yesus aqa ñam qa koroeqnub qaji naÅgoq gilem. Tamo uÅgasari naÅgi di agi Efesus qureq di, Smerna qureq di, Pergamum qureq di, Taiataira qureq di, Sardis qureq di, Filadelfia qureq di, Laodisia qureq di Yesus aqa ñam qa koroeqnub." 12 Onaqa e tamo anjam merbej qaji di unqajqa bulosim Åam atsimqa lam 7 gol na gereiyo qaji di sonab unjrem. 13 Lam naÅgo ambleq di tamo bei sonaq e unem. Tamo di a Tamo AÅgro bul. A gara olekoba jugnaq aisiq siÅga kabutej. Aqa are targaq di alalag gol na gereiyo qaji dena kaiÅyej. 14 Aqa gate ti gate baÅga ti laÅbi bul tulaÅ qat soqnej. Aqa Åamdamu Åam puloÅ bul puloÅoqnej. 15 Aqa siÅga minjaloqnej. Bras Åamyuwo na koiteqnab minjaleqnu dego kere. E aqa kakro quem di ya kobaquja meli dosiq anjam ateqnu dego kere. 16 Aqa baÅ wo na bongar 7 ojeleÅesoqnej. Aqa medabuq na serie olekoba tulaÅ qala uge qala aiyel brantej. Aqa ulatamu seÅ bul tulaÅ suwaÅoqnej. 17 E tamo di unsimqa tulaÅ ulaugetosim Åam ambruibonaqa e aqa siÅga jojomq di uloÅosim moiyobulem. Onaqa a na aqa baÅ wo ijo gateq di atsiqa merbej, “Ni ulaaim. E segi qujai namoq di unum. E segi qujai bunuq di sqai. 18 E Åambile gaigai sqajqa utru. Nami e moiyem. Bini ni e nube. E olo Åambile unum. E bati gaigai Åambile sqai. E segi na moiyo ti moiyo qure ti taqatejunum. 19 Deqa kumbra ni unonum qaji deqa neÅgreÅye. Kumbra bini unu qaji ti kumbra bunuqna branteleÅqas qaji deqa ti neÅgreÅye. 20 Bongar 7 ijo baÅ woq di unub qaji naÅgi ti lam 7 gol na gereiyo qaji naÅgi ti di ni unjronum. Di anjam ulito qaji. Aqa utru mermqai. Bongar 7 dena tamo uÅgasari qure 7 dia e qa koroeqnub qaji naÅgo laÅ aÅgro 7 naÅgi sigitnjrejunub. Lam 7 dena tamo uÅgasari qure 7 dia e qa koroeqnub qaji naÅgi sigitnjrejunub."