Uli Anjam 15
PNG1 Onaqa maĆwa kobaquja bei laĆ goge di brantonaq e unem. Unsimqa tulaĆ prugugetem. LaĆ aĆgro 7 naĆgi gulbe uge uge 7 ojesoqneb. Gulbe uge uge di koboamqa Qotei aqa minjiĆ torei koboqas. Amqa gulbe uge deqaji olo bunu brantqasai. 2 Onaqa e iĆgi bei yuwal baĆga bul unem. A tulaĆ jeqilosiq qunuĆ bulej. Yuwal babaĆ gogeq di Ćamyuwo puloĆoqnej. Tamo uĆgasari nami qoto siĆgilaosib wagme juwaĆ ti aqa sulum ti aqa ñam aqa toqor ti gotraĆnjreb qaji naĆgi yuwal qalaq di tigelosib Qotei aqa gombiĆ ojeleĆesoqneb. 3 Osib Qotei aqa wau tamo Moses aqa lou ti Kaja Du aqa lou na ti endegsib louoqneb, “O Tamo Koba Qotei, siĆgila kalil inoq di unu. Wau kalil ni yeqnum qaji di siĆgila koba. Iga ino wau di unoqnsim deqa tulaĆ prugeqnum. Tamo uĆgasari sawa sawa kalilq di unub qaji naĆgo Mandor Koba agi ni segi. Kumbra kalil ni yeqnum qaji di tulaĆ boledamu. 4 O Tamo Koba, ni segi qujai kumbra tulaĆ bolequja yeqnum. Ino jejamuq di une bei saiqoji. Deqa tamo uĆgasari kalil naĆgi bati gaigai ni biĆimoqnsibqa ino ñam soqtoqnsib sqab. Tamo uĆgasari sawa sawa kalilq di unub qaji naĆgi ino areq boqnsib ni qa louoqnqab. Ino kumbra bole kalil ni segi na boleq babtekritonum." 5 Onaqa e olo Ćam atsimqa Qotei aqa atra tal laĆ qureq di unu qaji aqa siraĆ waqesonaq unem. Tal dia Qotei na aqa anjam bole babteqnu. 6 Onaqa laĆ aĆgro 7 gulbe uge uge 7 di ojesoqneb qaji naĆgi Qotei aqa atra talq dena brantosib oqedeb. NaĆgi gara jugo qat tulaĆ boledamu jigeleĆosib alalag gol na gereiyo qaji dena naĆgo are targaq di kaiĆyosib soqneb. 7 Onaqa wagme Ćambile so qaji bei a brantosiq tabir 7 gol na gereiyo qaji di eleĆosiqa laĆ aĆgro 7 naĆgi di enjrej. Tabir 7 di Qotei bati gaigai sqas qaji aqa minjiĆ na maqesoqneb. 8 Onaqa Qotei aqa riaĆ ti aqa siĆgila ti dena qurem koba oqsiqa Qotei aqa atra tal getentej. Deqa tamo bei a Qotei aqa atra tal miligiq gilqa keresai. LaĆ aĆgro 7 naĆgi gulbe uge uge 7 di bilentib koboamqa bati deqa tamo naĆgi olo Qotei aqa atra tal miligiq gilqa kere.