Uli Anjam 21
PNG1 Onaqa e laĆ bunuj ti mandam bunuj ti unjrem. LaĆ namij ti mandam namij ti koboeb. Yuwal dego koboej. 2 Onaqa e Qotei aqa qure koba Jerusalem bunuj di dego unem. Qure di Qotei aqaq di sosiqa laĆ goge dena mandamq aiyeqnaq e unem. Qure di aqa wala tulaĆ boledamu. UĆa a tamo baĆ ojqa osim walaqas dego kere. 3 Onaqa awo jaram namoq di tamo bei a tigelosiq anjam marnaqa e aqa kakro quem. A tulaĆ leleĆosiqa marej, “NiĆgi quiy. Bini Qotei aqa tal aisiq tamo uĆgasari naĆgoq di unu. Deqa Qotei a naĆgo ambleq di sqas. NaĆgi aqa segi tamo uĆgasari sqab. Od, Qotei a naĆgi koba na sqab. A naĆgo Qotei sqas. 4 A naĆgo Ćam ya kalil nuntetnjrqas. Deqa naĆgi olo akamqasai. NaĆgi olo moreĆqasai. NaĆgi olo are gulbeinjrqasai. NaĆgi olo jaqatiĆ oqasai. Kumbra namij kalil di koboqas." 5 Onaqa tamo awo jaramq di awesoqnej qaji a marej, “NiĆgi quiy. E iĆgi iĆgi kalil bunuj atonum.” Osiqa merbej, “Ni ijo anjam kalil endi neĆgreĆye. Anjam endi bole. Tamo naĆgi qusib marqab, ‘Bole.’" 6 Osiqa olo merbej, “Bati kereqo. E segi qujai namoq di unum. E segi qujai bunuq di sqai. E iĆgi iĆgi kalil qa utru. Wau kalil e yeqnum qaji di e olo koboteqnum. Tamo a ya qaryimqa e na Ćambile qa ya jumbumq dena tigsiy anaiyit uyqas. Ya di awai saiqoji. E na laĆa anaiyqai. 7 Tamo a Satan ombla qotsim siĆgilaqas di e na iĆgi iĆgi kalil di laĆa yqai. E aqa Qotei soqnit a ijo aĆgro sqas. 8 “Ariya tamo ulakobaeqnub qaji naĆgi ti tamo Yesus qa naĆgo areqalo siĆgilatosaieqnub qaji naĆgi ti Ćamyuwo kobaq aiqab. Tamo kumbra uge uge yo qaji, leĆ ojo qaji, sambala kumbra yo qaji, gumaniĆo qaji, quñam qalo qaji, gisaĆ qotei biĆinjro qaji, gisaĆ anjam maro qaji naĆgi di Ćamyuwo kobaq aiyeleĆqab. Ćamyuwoq di meniĆ yusiq ñaĆgaeqnu. Ćamyuwo di moiyo bunu qaji." 9 Onaqa laĆ aĆgro 7 tabir 7 ojesoqneb naĆgi deqaji bei bosiqa ijo areq di tigelej. Tabir 7 miligiq di nami gulbe uge uge 7 jigsib bilentonab mandamq aisiq tamo uĆgasari naĆgi tulaĆ ugeugeinjrsiq Qotei aqa minjiĆ kobotej. LaĆ aĆgro dena merbej, “Ni endeq au. Bamqa Kaja Du aqa uĆa bunuj walaqo qaji di osormit unqam." 10 Onaqa Qotei aqa Mondor na e siĆgilatbonaqa laĆ aĆgro dena e osiqa mana tulaĆ goge kobaq oqej. Oqsiq dia Qotei aqa qure koba Jerusalem bunuj osorbej. Qure di Qotei aqaq di sosiqa laĆ goge dena mandamq aiyeqnaq e unem. 11 Qure di Qotei aqa riaĆ na tulaĆ suwantej. Qotei aqa riaĆ di tulaĆ bolequja. A meniĆ boledamu bul. A tulaĆ suwaĆosiq meniĆ jaspa bulej. Osiqa tulaĆ jeqilosiq qunuĆ bulej. 12 Qure di naĆgi na dadaĆyeb. DadaĆ di tulaĆ goge koba. DadaĆ di aqa siraĆme 12 soqneb. SiraĆme jojomq di laĆ aĆgro 12 naĆgi tigelesoqneb. SiraĆmeq di Israel tamo uĆgasari naĆgo moma utru 12 naĆgo ñam neĆgreĆyonab soqneb. 13 DadaĆ guta qa di siraĆme qalub soqneb. DadaĆ tauĆ qa di siraĆme qalub soqneb. DadaĆ bebeĆ qa di siraĆme qalub soqneb. DadaĆ guma qa di siraĆme qalub soqneb. 14 MeniĆ kokba 12 na dadaĆ aqa utru siĆgilateb. MeniĆ quraq di tamo 12 Kaja Du na qariĆnjrnaq aqa anjam mare mare laqneb qaji naĆgo ñam atnab soqneb. 15 LaĆ aĆgro e anjam merbej qaji a toqoĆ bei gol na gereiyo qaji di ojesoqnej. Ojsiqa qure ti qure aqa dadaĆ ti dadaĆ aqa siraĆme ti naĆgo ole keretej. 16 Qure aqa par ti ole ti kerekere. LaĆ aĆgro dena toqoĆ di osiqa qure keretej di aqa par ti ole ti goge ti 2,200 kilomita. Qure aqa par ti ole ti goge ti kerekere. 17 LaĆ aĆgro na qure aqa dadaĆ keretej di aqa goge 144 meta. ToqoĆ laĆ aĆgro na ojesoqnej qaji di mandam qaji toqoĆ. Kereto dena a na dadaĆ keretej. 18 Qure aqa dadaĆ di Qotei na meniĆ jaspa na gereiyej. Qure di gol na gereiyej. Qure di tulaĆ riaĆosiq qunuĆ bulej. 19 MeniĆ boledamu segi segi na dadaĆ aqa utru walatej. MeniĆ boledamu namba 1 aqa ñam jaspa. MeniĆ namba 2 aqa ñam sapaia. A qenjent. MeniĆ namba 3 aqa ñam aget. MeniĆ namba 4 aqa ñam emeral. A Ćam baĆga gesgi bul. 20 MeniĆ namba 5 aqa ñam sadonikis. A lentosiq qatej dego. MeniĆ namba 6 aqa ñam konilian. A lent. MeniĆ namba 7 aqa ñam krisolait. A merient. MeniĆ namba 8 aqa ñam beril. A Ćam baĆga gesgi bul. MeniĆ namba 9 aqa ñam topas. A merient. MeniĆ namba 10 aqa ñam krisopres. MeniĆ namba 11 aqa ñam haiasin. MeniĆ namba 12 aqa ñam ametis. A lent. 21 DadaĆ aqa siraĆ 12 di meniĆ qat kokba 12. MeniĆ kokba di kolilei tanu bul. SiraĆ segi segi di meniĆ qat qujai. Qure aqa gam kalil gol na gereiyeb. Gam di tulaĆ jeqilosiq qunuĆ bulej. 22 Qure dia e atra tal bei unosai. Tamo Koba Qotei siĆgila ti unu qaji aqa Kaja Du wo naĆgi segi aiyel qure di aqa atra tal. 23 Qure di seĆ ti bai ti na suwantosai. Qotei aqa segi riaĆ na qure di suwanteqnu. Kaja Du a segi qure di aqa puloĆ. 24 Tamo uĆgasari sawa sawa kalilq di unub qaji naĆgi qure di aqa riaĆ na walweloqnqab. Mandor kokba sawa sawa kalil taqatejunub qaji naĆgi na naĆgo ñoro bole bole oqnsib qure miligiq osi boqnqab. 25 DadaĆ aqa siraĆme kalil waqesqab. Olo kabuesqasai. Bati gaigai waqesqab. Qure dia qolooqnqasai. Gaigai suwaĆo sqas. 26 Tamo uĆgasari sawa sawa kalilq di unub qaji naĆgi na naĆgo wala ti naĆgo ñoro bole bole ti oqnsib qure koba di miligiq osi boqnqab. 27 Ariya tamo kumbra uge uge yeqnub qaji naĆgi ti tamo gisaĆ anjam mareqnub qaji naĆgi ti iĆgi iĆgi jiga ti kalil qure di miligiq gilqa keresai. Tamo uĆgasari naĆgo ñam Ćambile qa buk miligiq di Qotei na neĆgreĆyej qaji naĆgi segi qure di miligiq gilqa kere. Ćambile qa buk di agi Kaja Du aqa segi buk.