Uli Anjam 8
PNG1 Onaqa Kaja Du a kandel aqa namur namba 7 waqtonaqa laĆ qureq di naĆgi kirikiriosib sonab sawa dabkoĆosiq sokiñalayej. 2 Sokiñalayonaq e na laĆ aĆgro 7 Qotei aqa ulatamuq di tigelesoqneb qaji naĆgi unjrem. Unjrem di naĆgi gul 7 ojsib tigelesoqneb. 3 Onaqa laĆ aĆgro bei bosiqa atra bijal jojomq di tigelesoqnej. A tabir gol na gereiyo qaji di ojesoqnej. Di kiyaqa? A Ćam sum osim tabir miligiq di bilentosim koitimqa qurem quleq ti oqwajqa deqa. Onaqa naĆgi Ćam sum koba a yonabqa osiqa Qotei aqa segi tamo uĆgasari kalil naĆgo pailyo ti Ćam sum de ti turtosiqa atra bijal gol na gereiyo qaji dia Qotei atraiyej. Atra bijal di awo jaram namoq di unu. 4 Atraiyonaqa Qotei aqa segi tamo uĆgasari naĆgo pailyo ti qurem quleqt de ti laĆ aĆgro aqa baĆq dena oqsiqa Qotei aqa ulatamuq di brantej. 5 Onaqa laĆ aĆgro a tabir di osiqa atra bijalq dena Ćamyuwo osiqa tabirq di jugonaq maqonaqa waiyonaq mandamq aiyej. Ainaqa kola anjam ti qatroĆ ti minjal ti mimiĆ koba ti brantej. 6 Onaqa laĆ aĆgro 7 gul 7 ojesoqneb qaji naĆgi gul anjamqajqa tigelosib rarieb. 7 LaĆ aĆgro namba 1 a namo aqa gul anjamej. Gul anjamonaqa ais awa bul Ćamyuwo ti leĆ ti turtosib mandamq aiyeb. Ainabqa ĆamtaĆ ti ñiĆ ti mandam taqal qujaiq di so qaji di kalil yuekriteb. Mandam taqal aiyel uratonab soqnej. 8 Onaqa laĆ aĆgro namba 2 na aqa gul anjamonaqa iĆgi bei mana kobaquja bul yusiq puloĆeqnaqa osib waiyonab yuwalq aiyej. Ainaqa yuwal taqal qujai leĆ bulyej. Yuwal taqal aiyel leĆ bulyosai. 9 Degonaqa wagme kalil yuwal taqal qujaiq di Ćambile so qaji naĆgi moreĆeb. QobuĆ kalil dego yuwal taqal qujaiq di so qaji naĆgi padalekriteb. 10 Onaqa laĆ aĆgro namba 3 na aqa gul anjamonaqa bongar kobaquja tor bul yusiq puloĆosiq laĆ qure uratosiq ya ti ya jumbum ti mandam taqal qujaiq di so qaji deq aiyej. Mandam taqal aiyelq di sai. 11 Bongar di aqa ñam Isa Koba. Bongar di ya ti ya jumbum ti mandam taqal qujaiq di so qaji deq ainaqa ya di isakobaeb. Deqa tamo gargekoba naĆgi ya di uysib isakobainjrnaqa moreĆeb. 12 Onaqa laĆ aĆgro namba 4 na aqa gul anjamonaqa seĆ taqal qujai ugeej. Bai taqal qujai dego ugeej. Bongar kalil laĆ taqal qujaiq di so qaji naĆgi dego ugeeleĆeb. LaĆ taqal aiyelq di sai. Deqa qanam seĆ taqal qujai ambruej. Qolo bai taqal qujai ambruej. Bongar kalil laĆ taqal qujaiq di so qaji naĆgi dego ambrueleĆeb. 13 Onaqa e olo Ćam atsimqa baira kobaquja laĆ sorgomq di tiosiq laqnaq unem. A tulaĆ leleĆosiq endegsi marnaq e quem, “O aiyo! LaĆ aĆgro qalub naĆgi gul anjamosaiunub. NaĆgi gul anjamabqa tamo uĆgasari mandamq di unub qaji naĆgi gulbe tulaĆ kokba osib padalougetqab."