Rom 4

PNG

‹ Chapter 3 Rom — All Chapters Chapter 5 ›

1 Abraham a iga bul mandam tamo. A gago moma utru. Deqa iga a qa kiyersi marqom? 2 Abraham a wau bole yoqnej gam dena a Qotei aqa �amgalaq di tamo bole soqnej iga degsi marqom e? Sai. Iga degsi maronum qamu Abraham a aqa segi ñam soqtqa kere qamu. 3 Ariya Qotei aqa anjam kiye ne�gre�q di unu? Anjam agiende. “Abraham a Qotei qa aqa areqalo si�gilatej gam dena Qotei na a tamo bole une saiqoji qa minjej." 4 Iga qalie, tamo a wauqas di a awai oqas. A la�a awai oqasai. A wauosim dena awai oqas. 5 Ariya tamo bei a Qotei aqa �amgalaq di tamo bole sqa marsimqa a kiyerqas? E marqai. A wauosaiosim Qotei qa aqa areqalo si�gilatqas. A degyqas di Qotei na a tamo bole une saiqoji qa minjqas. Iga qalie, Qotei na tamo na�gi a qoreiyeqnub qaji na�gi tamo bole une saiqoji qa minjreqnu. 6 Tamo na�gi di wau bole yeqnub kiyo sai kiyo di u�gum. Qotei a na�gi tamo bole une saiqoji qa minjreqnu. Yeqnaqa na�gi tula� areboleboleinjreqnu. Devit a nami anjam deqaji marej. 7 Agi a endegsi marej, “Qotei a tamo na�go kumbra uge qa are walyimqa na�go une kobotetnjrqas di na�gi tula� areboleboleinjrqas. 8 Tamo Koba a tamo na�go une qa olo bunu are qalqasai di na�gi tula� areboleboleinjrqas." 9 Deqa iga kiyersi marqom? Tamo mulu� aiyo qaji na�gi segi areboleboleinjrqas e? Tamo mulu� aiyosaieqnub qaji na�gi dego areboleboleinjrqas e? Od. Na�gi kalil koba na areboleboleinjrqas. Agi iga mareqnum, Abraham a Qotei qa aqa areqalo si�gilatej gam dena Qotei na a tamo bole une saiqoji qa minjej. 10 Ariya Abraham a kiyersi sonaqa Qotei na a tamo bole une saiqoji qa minjej? A nami mulu� aiyej kiyo a mulu� aiyosaisoqnej kiyo? Od, Abraham a mulu� aiyosaisonaqa Qotei na a tamo bole une saiqoji qa minjej. 11 A mulu� aiyosaisoqnej bati deqa a Qotei qa aqa areqalo si�gilatej. Deqa Qotei na a tamo bole une saiqoji qa minjej. Osiqa a toqor bei yej. Toqor di agi Qotei na Abraham mulu� waiyej. Deqa iga endegsi qalieonum, Abraham a tamo kalil mulu� aiyosaiosib na�go areqalo Qotei qa si�gilateqnub qaji na�go moma matu. 12 A tamo na�gi mulu� aiyeqnub qaji na�go moma matu dego. Ariya tamo na�gi na�go jejamu la�a oqnsib mulu� aiyeqnub qaji a na�go moma matu sai. Tamo na�gi mulu� aiyoqnsib olo Abraham aqa kumbra dego dauryeqnub qaji a na�go moma matu bole. Gago moma matu Abraham aqa kumbra agiende. A mulu� aiyosaisosiqa Qotei qa aqa areqalo si�gilatej. 13 Nami Qotei na Abraham aqa moma na�gi ti endegsi minjrej, “E ni�gi mandam kalil e�gwai.” Abraham a dal anjam dauryej deqa Qotei a anjam di marosai. A Qotei qa aqa areqalo si�gilatej deqa Qotei a anjam di marej. Osiqa Abraham a tamo bole une saiqoji qa minjej. 14 Tamo na�gi dal anjam dauryqab gam dena Qotei na na�gi i�gi bole bole enjrqa marej qamu iga Qotei qa gago areqalo si�gilateqnum kumbra di la�a ulo�ej qamu. Qotei aqa anjam marej qaji di dego la�a ulo�ej qamu. 15 Iga qalie, dal anjam unu deqa tamo na�gi dal anjam gotra�yeqnabqa Qotei a na�go une deqa minji� oqeteqnu. Dal anjam sosai qamu iga na tamo na�gi endegsi minjrqa keresai qamu, “Ni�gi dal anjam gotra�yeqnub." 16 Qotei a Abraham qa ti aqa moma bunuqna branteqnub qaji na�gi qa ti are boleiyosiq i�gi bole bole na�gi enjrqa marej. Deqa tamo na�gi Abraham aqa kumbra dauryosib Qotei qa na�go areqalo si�gilateqnub qaji na�gi i�gi bole bole di oqab. Tamo na�gi dal anjam ejunub qaji na�gi segi i�gi di oqasai. Tamo kalil Qotei qa na�go areqalo si�gilateqnub qaji na�gi dego i�gi di oqab. Abraham a iga kalil gago moma matu. 17 Agi Qotei aqa anjam bei nami endegsib ne�gre�yeb unu, “O Abraham, e ni giltmem deqa ni tamo u�gasari sawa sawa kalilq di unub qaji na�go moma matu sqam.” O ijo was ni�gi quiy. Abraham a Qotei qa aqa areqalo si�gilatej deqa a Qotei aqa �amgalaq di gago moma matu unu. Qotei qujai di tamo more�o qaji na�gi olo subq na tigeltnjreqnu. A segi na marnaqa i�gi i�gi kalil nami sosai qaji di brantele�ej. 18 Qotei a kiyersim aqa anjam a nami Abraham minjej qaji di dauryqas di Abraham a poiyosai. Ariya a Qotei qa aqa areqalo si�gilatosiq marej, “Bole, Qotei na aqa anjam di dauryqas.” Aqa kumbra dena a tamo u�gasari gargekoba sawa sawa kalilq di unub qaji na�go moma matu brantej. Agi Qotei a nami Abraham endegsi minjej, “Ino moma na�gi tula� gargekobaqab." 19 Abraham a a�gro saiqoji soqnej. Aqa wausau 100. Deqa aqa si�gila koboej. Aqa �au� Sara a dego tula� qeliej. Deqa a a�grotqa keresai. Abraham a di qalieosiq ariya a Qotei qa aqa areqalo si�gilatqa uratosai. 20 Anjam Qotei na nami minjej qaji a deqa are qalsiq soqnej. A areqalo aiyeltosai. A Qotei qa aqa areqalo si�gilatosiq aqa ñam soqtoqnej. 21 A endegsi qalieej, “Bole, anjam Qotei na nami merbej qaji di a dauryqa kere." 22 Abraham a degsi Qotei qa aqa areqalo si�gilatej deqa Qotei na a tamo bole une saiqoji qa minjej. 23 Anjam di Qotei aqa ne�gre�q di unu. Anjam agiende, “Qotei na Abraham a tamo bole une saiqoji qa minjej.” Anjam di Abraham qa segi ne�gre�yosai. 24 Iga kalil qa dego anjam di ne�gre�yeb. Iga dego Qotei qa gago areqalo si�gilateqnum deqa Qotei na iga tamo bole une saiqoji qa mergeqnu. Qotei agi gago Tamo Koba Yesus subq na tigeltej qaji a qa gago areqalo si�gilateqnum. 25 Qotei a Yesus uratonaqa jeu tamo na�gi na a qalnab moiyej. Qotei na Yesus degyej. Di kiyaqa? A gago une kobotetgwajqa deqa. Onaqa Qotei na Yesus olo subq na tigeltosiq gam dena iga tamo bole une saiqoji qa mergej.

‹ Chapter 3 Rom — All Chapters Chapter 5 ›

Rom 4

Cite / Share This Page