Taitus 3

PNG

‹ Chapter 2 Taitus — All Chapters Chapter 4 ›

1 O Taitus, ni na Kristen tamo u�gasari na�gi anjam endegsim minjroqne, “Ni�gi na mandor na�gi ti sawa taqato qaji tamo kokba ti na�go sorgomq di sosibqa na�go anjam dauryoqniy. Osib gaigai wau bole yqajqa are qaloqniy. 2 Ni�gi tamo qudei na�gi misili� anjam minjroqnaib. Osib anjam na qotoqnaib. Gaigai lawo na sosib tamo u�gasari kalil na�gi kumbra bole osornjroqniy.” O Taitus, ni na Kristen tamo u�gasari na�gi anjam degsim minjroqne. 3 Ni qalie, iga dego nami areqalo uge ti sosimqa Qotei aqa anjam gotra�yoqnem. Bati deqa Satan na iga gisa gisa�geqnaqa iga Qotei aqa gam bole dauryqa uratoqnsim kumbra uge uge dauryqajqa are pruggeqnaqa gago segi jejamu qa tula� areboleboleigoqnej. Kumbra dena iga si�gila na taqatgesoqnej. Deqa iga minji� ti are uge ti sosim walweloqnem. Tamo qudei na iga jeutgeqnabqa iga kamba dego na�gi jeutnjroqnem. 4 Ariya bati di Qotei agi iga ele�ej qaji a na iga tula� qalaqalaigosiqa iga qa are boleiyosiq kumbra boledamu egej. Aqa kumbra di a segi na boleq atej. 5 Osiqa iga ele�ej. Gago segi wau bole bole iga yoqnem qaji a deqa osiq iga ele�osai. A iga qa dulosiqa iga la�a ele�ej awai saiqoji. Osiqa gago are miligi yansetgosiqa aqa Mondor Bole egsiqa iga a�gro bunuj bul �ambabtgej. 6 Yesus Kristus agi iga ele�ej qaji aqa wau na Qotei na aqa Mondor Bole qari�yonaqa gago are miligiq aiyej. 7 Yesus a iga qa are boleiyej deqa iga Qotei aqa �amgalaq di tamo bole une saiqoji unum. Deqa mondo� iga �ambile gaigai sqom. Iga �ambile di oqajqa tari�oqnsim unum. 8 Qotei aqa anjam di tula� boledamu. Deqa iga anjam di gago areqaloq di si�gilatqom. O Taitus, ni Qotei aqa anjam di si�gila na palontoqnimqa tamo u�gasari Qotei qa na�go areqalo si�gilateqnub qaji na�gi quoqnsib kumbra bole bole yoqnqab. Anjam dena tamo u�gasari na�gi aqaryainjreqnu. 9 Tamo qudei na�gi la�a la�a �iri�oqnsib nanari anjam maroqnsib laqnub. Na�gi Moses aqa dal anjam qa ti na�go moma na�go ñam qa ti anjam na qoteqnub. Na�gi anjam di marqajqa tula� arearetnjreqnu. Iga qalie, anjam dena iga aqaryaigwa keresai. Deqa Taitus, ni tamo deqaji na�go anjam di quetnjraim. Torei urat. 10 Tamo bei na Kristen tamo u�gasari na�go areqalo ugetetnjrsim na�gi pupoinjrimqa ni na tamo di minjimqa aqa kumbra di uratem. A ni quetmosaiamqa olo minje. Minjimqa olo quetmosaiamqa ni a uratosim torei qoreiye. 11 Ni qalie, tamo deqaji na�gi Qotei aqa gam torei urateqnub. Na�gi une yo qaji tamo unub. Na�go une dena na�gi osornjreqnu, na�gi tamo uge. 12 Ariya Taitus, ni que. E na Artemas kiyo Tikikus kiyo qari�yitqa a inoq gilqas. Gilsim mermimqa ni urur bosim Nikopolis qureq di e itbe. Yuwal ugeo bati qa e dia sqai. Soqnit ni bosim dia e itbe. 13 Apolos wo dal anjam qalie tamo Senas wo na�gi aiyel ino qure uratosib walwelqa laqnibqa ni na aqaryainjrimqa na�gi gamq di i�gi bei qa truquqasai. 14 Ni na Kristen na�gi anjam plaltosim minjroqnimqa na�gi wau bole yoqnqajqa geregere qalieosib tamo qudei i�gi i�gi qa truqueqnub qaji na�gi aqaryainjroqnebe. Na�gi la�a sosib wau bole bole yosaio uge. 15 Kristen kalil e koba na endi unum qaji na�gi na ni kaiyeimonub. Deqa ni na kamba tamo u�gasari iga tula� qalaqalaigeqnub qaji na�gi gago kaiye anjam endi minjrime. Tamo u�gasari na�gi di iga koba na Yesus qa gago areqalo si�gilateqnum. O ijo was, Qotei a ni�gi kalil qa are boleiyeme. Bole.

‹ Chapter 2 Taitus — All Chapters Chapter 4 ›

Taitus 3

Cite / Share This Page