Qotei qa Lou 128

1 Tamo kalil Qotei qa ulaoqnsib aqa anjam dauryeqnub qaji naŋgi tulaŋ areboleboleinjreqnu. O tamo, ni Tamo Koba Qotei aqa anjam dauryqam di a na ino baŋ siŋgilatetmim ni wauoqnsim iŋgi uyoqnsim tulaŋ bole sosim areboleboleimoqnqas. 3 Ino talq dia ino ŋauŋ a aŋgro gargekoba oqas. Ŋam oliv a gei bole ateleŋeqnu dego kere. Ino aŋgro naŋgi ŋam oliv bul sosibqa ni ombla iŋgi uyoqnqab. 4 Od, Tamo Koba Qotei na tamo kalil aqa anjam dauryeqnub qaji naŋgi degsim boletnjroqnqas. 5 Tamo Koba Qotei a Saion qureq di unu. A na ni boletmoqnqas. Deqa bati kalil ni mandamq endi sqam di Qotei na Jerusalem qure tulaŋ boletoqnimqa ni unoqnqam. 6 Ijo areqalo agiende. Ni bati olekoba sosimqa ino moma naŋgi unjrqam. O Israel, niŋgi lawo soqniy.