ZABURA 1

SIM

¹ Arubarikaden gbɛ̃ kũ àdi gbɛ̃ vãninↄ lɛ́damma maro ũ, àdi kifirinↄ zɛ́ sɛ́ro, àdi vutɛ kũ gbɛ̃ foborinↄoro.

² Dikiri doka mɛ́ àdi káagu, àdigↄ̃ laasun lɛ́a fãnantɛ̃ kũ gwãanio.

³ À de lán lí kũ ò pɛ̀tɛ swa sarɛ bà, a lá dì kori kɛro, àdigↄ̃ nɛ́ i a gↄrↄa, yã kũ àdi kɛ pínki karana vĩ.

⁴ À de lɛɛlɛ kũ gbɛ̃ vãninↄoro, ò de lán ése ũkã kũ ĩa dì sɛ́tɛ bà.

⁵ Gbɛ̃ vãninↄ ni bo mana yãkpatɛkɛgↄrↄ zĩro, kifirinↄ ni zɛ gbɛ̃ mananↄ sarɛro.

⁶ Dikiri dì gbɛ̃ mananↄ zɛ́ dãkpãńnɛ, gbɛ̃ vãninↄ zɛ́ sↄ̃ à mì pɛ́ kakatɛnaaa.