ZABURA 16

SIM

¹ Ǹ ma dãkpã Luda, mↄkↄ̃n ma nanyĩ.

² Ma pì Dikirinɛ: Mↄkↄ̃mmɛ ma Dikiri ũ, n baasiro má pↄ́ mana ke vĩro.

³ N gbɛ̃ kũ ò kú bùsu dí gũnnↄ, mↄ́kↄ̃nↄmɛ gakuride kũ ò kàmagunↄ ũ.

⁴ Gbɛ̃ kũ òdi wã ò gɛ́ tãna kĩnaanↄ dì yã'ũmmana kpá ń zĩdaimɛ. Mani sa'o'aru kↄ́tɛ kũńworo, oni ń tãnanↄ tↄ́ ma ma lɛ́nlo.

⁵ Dikiri, mↄkↄ̃mmɛ má n vĩ ndo, n ma ka ma bakaaa, ma wɛ̃̀ndi kú n ↄĩmɛ.

⁶ N zĩtɛ lɛ́zɛkinↄ dàmɛnɛ gu mana gũn, gba kũ n dàmɛnɛ kàmagu.

⁷ Mani Dikiri sáabu kpá kũ àdi lɛ́ dama yãi, bee gwãani àdi tó ma swɛ̃̀ ma gba laakarii.

⁸ Madìgↄ̃ Dikiri e ma wɛ́n baala'i, lákũ à kú ma ↄplai nà, pɛ́ke ni ma lukaro.

⁹ Abire yãi ma pↄ dìgↄ̃ nna, ma nɛ̀sɛgũn pù. Má tãmaa vĩ kũ ma mɛ̀ nigↄ̃ kun,

¹⁰ zaakũ ĩni ma tó mira gũnlo, ĩni we n gbɛ̃ kũ à kú adona yagi kũro.

¹¹ N ma da wɛ̃̀ndi zɛ́a, ma pↄnna nigↄ̃ pana n kĩnaa, pↄ́ mananↄ nigↄ̃ kú n ↄĩ gↄrↄ sĩnda pínki.