ZABURA 3

¹ Dikiri, ma wɛtɛrinↄn dimmɛ fá, gbɛ̃ kũ ò ibɛrɛɛ sɛ̀ kũmaonↄn dasi.

² Òtɛni ma yã o dasidasi, òtɛn pi Luda ni ma sura baro.

³ Mↄkↄ̃n sↄ̃ Dikiri, ndì ↄ likamai sɛ̃gbako ũ, ma gakurimɛ n ũ, ndì tó ma mì gↄ̃ dana íla.

⁴ Madì wiki lɛ́ Dikiria, àdi wema zaa a kúkia kpi musu.

⁵ Madì wútɛ mà i o mà vu, zaakũ Dikirimɛ ma kũna ũ.

⁶ Gbɛ̃nↄn dúbu kurinↄ tɛni ma wɛ kpa sĩnda pínkia, ama madì vĩna kɛńnɛro.

⁷ Ǹ futɛ, Dikiri, ǹ ma sura ba, ma Luda, ǹ ma ibɛrɛnↄ sãn kɛkɛ, ǹ gbɛ̃ vãninↄ saka ɛ́'ɛ.

⁸ Dikiri mɛ́ àdi gbɛ̃ sura ba. Ǹ arubarika da n gbɛ̃nↄgu.