SAAMUNƆ 3

1 Dii, ma wɛdɛrinↄↄ kpámɛ fá, gbɛ̃ kɛ̀ aↄ̃ íbɛtɛ kpàmaonↄↄ pari. 2 Wèe ma yã oo pari, wèe bee Luda é ma mì síro. 3 Mpi sↄ̃ Dii, nɛɛ̀ ↄ ligamazi sɛngbango ũ, ma gakuin n ũ, nɛɛ̀ tó ma mì gↄ̃ da’ilana. 4 Mɛɛ̀ wii pɛ́ Diizi, è wemala zaa a kúkiia kpiii musu. 5 Mɛɛ̀ daɛ mà ii o mà vu, zaakɛ Diin ma kũna ũ. 6 Gↄ̃ↄn bↄrↄ baaagↄ̃ akurikurinↄↄ e ma wɛɛ kpa sãnda píngia, mↄde mɛɛ̀ vĩa kɛńnɛro. 7 Ǹ fɛɛ, Dii, ǹ ma mì sí, ma Luda, ǹ ma ibɛɛnↄ swãn kɛkɛ, ǹ gbɛ̃ zaaa pìnↄ swaa ɛ́’ɛ. 8 Dii bé è gbɛ̃ mì sí. Ǹ aubarika da n gbɛ̃nↄn.