Paisowa 15

1 Tatau haisa Diudeya yai sa laoma Antiyoka, be tau kawawananaha sa faêatadi. Mose ena laugagayo yai sa uli, tiyen, Yena mwagisamiu dududi êwapidi hige tomotomodi, Yaubada hige gonowana i fofofahimiu. 2 Tatau ni, maêedi Paulo yo Banabasi lau faêata te sa faibayahoêen, yo fede, Paulo, Banabasi yo tau kawawananaha haisa sa fasinabodi, be sa hasai Yelusalem be tau faêona wasawasa, yo babada haisa amainiya lebedi yai, lau faêatana te sa fatiêoidi. 3 Tau kawawananaha sa duidi sa lau, be Fonisiya yo Samaliya Nuêudi sa bayawaidi, na sidohana taêowawa edi nuwanuwa bui, enehedi sa liba. Wasa te, kwade laêilaêi ya leyama tau kawawananaha lisidi. 4 Sa mahano Yelusalem yai, tau kawawananaha, tau faêona wasawasa, yo babada sa lautoêiyedi, be ginauli mahudoêina Yaubada lisidi yai ya ginauli, edi sa liba. 5 Na tau kawawananaha haisa, iti Falesiya dodogadi edi pele yai, sa mwaito be tiyen, Taêowawa bena mwagisadi dududi êwapidi tomodi yo bena Mose ena laugagayo sa lau watan. 6 Tau faêona wasawasa yo babada sa oigogo be fatiêo te sa fadosidi. 7 Sa fadosi fuya lofalofa, habahim, Pita ya mwaito, be ya dede, iyen, Afa haidagu, ami sibai mate Yaubada, beyabeyana haêa umi ganahewamiu yai yau ya fasinabogu, bena wasa loholohona te taêowawa ai moêagu sa atahiyen, be haba sa kawawananahaêen. 8 Yaubada doga mahudoêina ena nuwatuhu ya sibai, be fuyanna Yaluwa Tabuna ya feledi mate ya faêita lobahidi, iti in enehena, doha ita. 9 Iti yo ita gonogonowada. Edi kawawananaha yai, nuwadi ya faêaêadi. (Paisowa 10:34; 1 Pita 1:22-23) 10 Aho te sidohana be Yaubada ami anpate waloloi? Manana ami fafabala. Mwahu, tau kawawananaha ami feledi te, hige gonowana afa wahada yo ita haba ta bahei! (Paisowa 15:5; Matiu 11:29; 23:4) 11 Higeêe! Guyau Yesu ena anêansoi lisina yai te kawawananaha be ya fofofahida gonogonowana doha iti. (Loma 3:23-24) 12 Mahudoêidi sa famakano, be sa ataêatahi. Na Banabasi yo Paulo sidohana Yaubada ya fapaisowadi, be fafaêilala yo noêo sa lau ginauli taêowawa lisidi yai, wasana edi sa liba. 13 Sa libaliba ofi mulina yai, Diyemsi iyen, (Maleko 6:3) Haidagu, au ataêatahima! 14 Sidohana, Yaubada taêowawa ya modeêedi, be haisa ya abidi, enehena mate, Saimon haêa ya falibada, 15 Peloweta edi liba ya fawananaha, doha Buka Tabuna yai sa uli, tiyen, 16 “Ite ai mulina haba E fuyoma, be Deiwidi ena Palai Tabuna E faêobiyo fuyoi. Ena heyaheyaya haba E fadudulaidi, na haba E faêadidili fuyoi. 17 Be haba dodoga haisa, Guyau sa yoêoi, Logedidi, taêowawa, safalumadi E yogaidi be iti, enehegu, (Eimosi 9:11-12) 18 Doha haêa beyabeyana, Guyau ya libaen." 19 Diyemsi hinaga iyen, Logena, nuwagu yai E fadosi mate, taêowawa salumadi sa nuwabui, tabu ta famwahudi. 20 In moho, bena te uliêuli lau lebedi, be te falibadi mate, somo oitau lebedi yai sa antalasamedi, tabu ti anidi. Tabu êwasiêwasina ti anidi, yo suisui gadodi filifilisidi hinaga tabu ti anidi. (Aba Fatubu 9:4-6) Yo luma gwaêu hudoêi - hudoêi hige Yaubada ena laugagayo yai, tabu ti ginaulidi. (Auêaulaha 20:14; Lewitikusi 18:6-20; Lewitikusi 20:10-21; Loma 1:24-27; I Tesaloniya 4:3; Paisowa 15:20 yo 29) 21 Paêana, beyabeyana ya laoma eeâ, aho ite, mate Mose ena laugagayo sa fatifatili Sabati ouêouli aba oiêoigogo lumadi yai yo taon hesa - hesa yai sa laulauguguyaêen. 22 Habahim tau faêona wasawasa yo babada, maêedi tau kawawananaha mahudoêidi, sa lau fadosi be dodoga ganahewadi yai sa fasinabodi, na sa fatamalidi sa lau Antiyoka maêedi Paulo yo Banabasi. Yo fede, babada luwaga, Diudasi (hesana hesa mate Basaba) yo Sailasi sa faêobiyodi, babada, 23 be lisidi yai uliêuli sa fatamali: Ai afa haidamiu, Tau faêona wasawasa yo babada, ema lautoêi êe fatamaliyawa, umi taêowawa lisimiu yai, salumadi Antiyoka, Siliya Nuêuna yai yo Silisiya yai tau miya. 24 êE atahiyen mate ganahewamiu yai dodoga haisa sa laowa, sa anêeli dogodogoêemiu, be nuwamiu sa famodedi. In moho, ai hige ai eheêedi. (Taitusi 1:10-11) 25 Mahudoêimai nuwamai esega, be dodoga haisa êe fasinabodi. Afa haidamai loholohodi, Banabasi yo Paulo, maêedi êe fatamalidi sa laowa lebemiu. 26 Guyau Yesu Keliso debana yai, sa nuwa afuledi, heyaheyaya yai. (Paisowa 13:50) 27 Logena, somo êe uliêuliêi te, Diudasi yo Sailasi, moêadi yai haba sa fawananaha ai lisimiu. 28 Yaluwa Tabuna lisina yai êe nuwatuhu fadosi mate ya loholoho, yo ai hinaga, tabu bena laugagayo haisa ti famwahumiu. Ginaulidi moho te, ibodi, au lau watanidi: 29 Somo, oitau lebedi yai sa antalasamedi, tabu au anidi; Tabu êwasiêwasina au anidi yo suisui gadodi filifilisidi, hinaga tabu au anidi. Yo luma gwaêu hudohudoêi hige Yaubada ena laugagayo yai, tabu au ginauli. (Aba Fatubu 2:24) Yena ami lau watanidi, ibege heyaya au fahoina. Aiyon. 30 Wasa tau lawenina sa duidi be sa lidi Antiyoka. Amainiya tau kawawananaha boludi sa faêoigogodi, be uliêuli wa sa feledi. 31 Fuyanna edi liba faêadidili, wasana sa fatili, nuwadi sa amna! 32 Diudasi yo Sailasi mate iti peloweta hinaga, be edi liba mahudoêina yai dodoga sa liba faêadidilidi. 33 Amainiya sa miya eeâ, habahim, haidadi sa fatamali fafuyodi ma nuwa loholohodi sa fuyo, safalumadi sa fatamalidi, lebedi. 34 Na Sailasi nuwatuhu ya abi, be ya miya. 35 Paulo yo Banabasi sa miyamiya Antiyoka yai, be dodoga haisa maêedi, Guyau libana te sa lau faêataen yo sa lauguguyaêen. 36 Lahai fisa mulidi yai, Paulo ya libalau Banabasi lisina, iyen, Ta fuyo, taon hahaisa yai haidada ta kepaidi, be somo yai Guyau libana eda aba lauguguyaêenna, sidohana edi paipaisowa haga ta itadi. 37 Banabasi ya fanuha bena Diyon Maleko maêedi sa lau. 38 In moho, Paulo ya dudu wananaha be Diyon Maleko hige maêedi ti lau, paêana Pamfiliya yai ya lau afuledi, be adi paisowa wa hige maêedi ti lawen, be ti faêofi. 39 Sa faibayaho wananaha, yo fede, sa faitamo dailidi. Banabasi, Maleko ya foyahi, be waga yai sa lau Saipelesi Bonabonaluwana. 40 Paulo, Sailasi ya fasinabo, mulina yai tau kawawananaha sa fele afuledi Guyau ena itaêita wata yai, habahim, sa lau. 41 Edi lau yai Siliya yo Silisiya Nuêudi sa antaumanaidi, be tau kawawananaha amainiya nuwadi sa liba faêadidilidi.